Lelaa babiina ba nla lédés libii jap

Abraham bo Sara ba yé loñge ndémbél mu kiki ba bé gwéhna, ba tinak wada ni nuu lipém. (Bibôdle 12:11-13; 1 Pétrô 3:6) Ndi to hala, libii jap li bé bé peles, ba bé lama hônba mandutu mu niñ yap. Bimbe biniigana babiina ba nla ôt mu ndémbél Abraham bo Sara?

Ni nlama kwel. Ibale sobiina woñ a nleñ we bibuk bi bi nhindha we ñem, u nlama timbhe ni suhulnyuu. (Bibôdle 16:5, 6) Ni nlama tégbaha ngéda ntôñ. Ni njel bipôdôl gwoñ ni maboñok moñ, éba sobiina woñ le u ngwés nye. I ngii mam momasôna, ni nlama éba le Yéhôva a yé mut bisu ikété libii linan ni njel bibégés bi ndap lihaa, yigil i Bibel, ni masoohe. (Ñañal 4:12) Ngéda babiina ba gwé maada ma bas bas, hala a nti Yéhôva nu a yé Isañ libii lipém.

BÉÑGE VIDÉÔ I GWÉ ÑO LE LELAA BA NLÉDÉS MAADA IKÉTÉ NDAP LIBII, I MBUS TIMBHE MAMBADGA MANA:

• Munu liñgeliñge ini, mambe mam ma ñéba le Shaan bo Kiara ba bééna ha bé maada ma bas bas?

• Inyuki i kwel ibabé i sôô ngim mam i yé nseñ?

• Lelaa ndémbél Abraham bo Sara i bi hôla Shaan bo Kiara?

• Bimbe bitelbene Shaan bo Kiara ba bi yoñ inyu lédés libii jap?

• Inyuki nwaa bo nlôm ba nlama bé bem le libii jap li ba peles?