Kii minhôôlak mi bilôk bikéé mi nla niiga we?

I makoda més, di gwé lôk kéé i i nsélél Yéhôva hala a yé ngandak nwii. Ndéñbe yap i nla niiga bés ngandak mam. Di nla bat bo lelaa ntôñ u Yéhôva u bi hol, mandutu ba bi boma, ni lelaa Yéhôva a bi hôla bo i yémbél mo. Di nla naña ñunuk mankéé wada i bibégés gwés bi ndap lihaa inyu bat nye mambadga.

Ibale u yé nhôôlak kristen, ba maséé i añle njohok bikristen i mam ma. Yakôb ni Yôsep ba bi añle mbôda yap i mam ma bi pémél bo. (Bibôdle 48:21, 22; 50:24, 25) Mbus ngéda, Yéhôva a bé kal basañ mbai le ba añle bon bap bihélha bi mam a bi boñ. (Ndiimba Mbén 4:9, 10; Tjémbi 78:4-7) I len ini, bagwal ni minhôôlak mi bilôk bikéé ba nla añle njohok boñge i mam ma hélha ba bi tehe Yéhôva a mboñ ikété ntôñ wé.

BÉÑGE VIDÉÔ I GWÉ ÑO LE NI TÉÉDA ADNA NAN TO IKÉTÉ LISOL, I MBUS TIMBHE MAMBADGA MANA:

• Lelaa hikuu hi loñ hi Ôstrik hi bi hôla bilôk bikéé bi bi bé biloñ bihogi ngéda ba bi sôña nson wés?

• Lelaa bilôk bikéé bi bi tééda hémle yap siñ siñ mu biloñ bi?

• Inyuki ngandak batéé likalô i Rômania ba bi nyodi i ntôñ, ni lelaa ba bi témb i ntôñ?

• Lelaa miñañ mi, mi nlédés hémle yoñ?