Dihéga ti di niiga

Matéô 13:34, 35

I SEM KWEP: Lémés biniigana u nti ni njel dihéga di ntômbôl baemble i nok, ti di nlémél bo, di niigaga ki bo matode ma mahee.

KII U NLAMA BOÑ:

• Pohol dihéga di ntomb i nok. Kiki Yésu, gwélél dibagaa di mam inyu toñol mbôm mam, yak mam ma ntomb inyu toñol minledek mi mam. U kônde bañ ngandak ndoñi i i mboñ le hihéga hi ba ndutu i nok. Ba nkwoog nkaa le i mam u nsima ikété hihéga hioñ ma ntibil toi pémés biniigana u nti, inyu boñ le u yumus bañ baemble ni ndoñi i i nkiha bé to ndék lôñni hihéga hioñ.

• Hoñol kii i nla ba nseñ inyu baemble. Pohol dihéga di ntihba bibôlô gwap, di kihga ki ni mam ma nlémél bo. Yoñ yihe le dihéga tjoñ di wéha bañ bo nyuu, di babaa bañ to bo.

• Niiga nlôm jam. Ti dihéga di mpémés balôm ba mam mu nkwel woñ, ndi ha dibagaa di mam bé. Tibil boñ biliya le i mut a ñemble we, a tééda ndik bañ hihéga u nti, ndi yak biniigana bi nlôm jam.