Hônd i tôbôtôbô inyu pôdôl Ane Djob i sôñ Dipos!

I sôñ Dipos, d’a boñ biliya inyu éba bôt le ndik Ane Djob yon i ga mélés mandutu ma bôt ba binam. (Matéô 24:14) Kii u nla boñ inyu yoñ ngaba mu? Éñél bôt minlôñ mi Bibel mi mi mpôdôl Ane Djob. Ibale mut a ñéba le a nsômbôl yi mam mape, ti nye Nkum Ntat No. 2 2020. I mbus ngéda, yuuga mut nu ibale hala a nla bôña, u noode bôdôl yigil Bibel ni man kaat le Niñ ilam i boga ni boga! I bet ba ga yoñ nson nsañal, ba nla ti 15 tole 30 ngeñ.

Ndék ngéda wee Ane Djob i ntjé biane gwobisôna bi bi nkolba yo. (Daniel 2:44; 1 Korintô 15:24, 25) Di yoñ ngaba ikeñi mu hônd i, inyu éba le di nit Yéhôva ni Ane yé!