DI NIÑIK KIKI BIKRISTEN
A bagwal—Ni niiga bon banan i kônha Nyambe maséé
Boñge ba yé mahee i mis ma Yéhôva. Mahol ni ndéñbe i boñge ba wanda bi nlémél Yéhôva. (1Samuel 2:26; Lukas 2:52) To ibale ba yé boñge batitigi, ba nla kônha Yéhôva maséé ni maboñok map malam. (Bingéngén 27:11) Ni njel ntôñ wé, Yéhôva a nti bagwal bisélél bi bi nhôla bo i niiga bon bap i nôgôl nye ni i gwés nye.
BÉÑGE VIDÉÔ INI LE A BOÑGE BA WANDA—HÔNBA NAN I NKÔNHA YÉHÔVA MASÉÉ! I MBUS TIMBHE MAMBADGA MANA:
Bimbe bisélél ni biniigana ntôñ u Yéhôva u ma pémés inyu boñge ba wanda?
I len ini, mambe mahôla bagwal ba gwé inyu hôla bon bap?
Ibale u yé mañge wanda, bimbe biniigana bi ntôñ u Yéhôva bi bi hôla we, inyuki?