MAMBADGA MA BASOÑGOL
Kii i yé “bibep” ni “ban” le Djob a nti hiki nhoog?—2 Korintô 1:21, 22, MN.
I ngéda kôba, ba bé hihe hilonde hi hi bééna ban kiki sitamp i ngii lingén inyu unda le yom i i bé ntilga lipep i bé ntiik
Bibep: Inoñnaga ni Kaat yada i bôt ba njôôñ nyi, i buk i Lôk Grikia ba ngwélél hana i kaat 2 Korintô 1:22 le “bibep” i “bé buk le ba bé gwélél ikété mbén, i mam ma nyuñga, ni i bôlô.” I bé kobla “yom i bisu u nti tole moni u ntééda, i ti moni ngéda u nkôs nyuñga, kiki mbônga, liti pes moni inyu boñ le mut nyuñga a tééda yom u nsômbôl, ni mahoñol le a ga ti we yo ngéda u ga mal saa. A bak ki le, ibale mut wada ikété bé boba a nhôs, nuu numpe a yé kunde i soman nye yak ngomén.” Inyu minhook, nsaa wonsôna tole bibom, bi ba mpôdôl i kaat i 2 Korintô 5:1-5 bi yé yak le ba eñgep nyuu i nla bé bol inyu ke niñ i ngii. Bibom bipe bi yé ki le ba kôs likébla li niñ boga ni boga, i i y’a tjiba bé kekikel.—1 Korintô 15:48-54.
Ni hop u Grikia u len ini, ba yé ba ngwélél i buk i, inyu pôdôl hilonde hi bayegna libii ba nhaba. I ndoñi i, i nkiha ni maada ma yé i pôla Yésu ni juu li bôt (hala wee minhook) li ga yila kiki ñwaa wé.—2 Korintô 11:2; Masoola 21:2, 9.
Ban: I ngéda kôba, ban i bé gwélana kiki lisane li mut inyu unda le jam li bé jé, le li bé ntiik, tole a bi nôgla inyu ngim jam. Inyu minhook, ba nkôs ban tole yimbne, ni njel mbuu mpubi inyu yila ba Djob. (Efésô 1:13, 14) U ban unu u nsôk tééba siñ, ndék ngéda ilole minhook mi, mi nwo ikété maada malam ni Djob, tole ndék ngéda ilole njiiha ikeñi i mbôdôl.—Efésô 4:30; Masoola 7:2-4.