Di nit bet ba yé ntombok

1. Ngandak yés i yé ntombok

Ni mam di mboma.

Ndi Yéhôva a ntôñ bés,

Ni ngandak gwéha.

Konangoo, a ñunda,

Gwéha yé i nlôôha.

D’a hôla ni bet ba ntomb

Ni nlélém gwéha.

2. Hémle i ngim bôt i nsôs,

Ba nen-ge ba téé.

Di nla lédés bo ni njel

Buk i nti maséé.

Bôt ba ntomb ba nyéñ Djob.

Mbuu wé u nlédés bo.

D’a hôla ’sas gwiiha gwap,

Mu ndutu ba gwé.

3. Di kôli bé i kéés bôt

Ngeñ nyuu i ntomb bo.

D’a unda bo liyômba

Inyu lédés bo.

Di ga pala hôla,

Le makénd, ba témbna.

Ba ga kôs ngui ni hogbe

Mu kii di nit bo.