HIÉMBI 139
Hégda le u yé i mbok yondo
1. Soho béñge, a wanda jem;
Hégda bés ikété hisi yondo.
Hoñol maséé di ga nôgda,
Ni bañga kunde, nsañ, ni gwéha.
Béba mut y’a ba yaga bé;
Kekikel Ane Djob y’a kwo bé.
Ngeñ ini ’nyu mam ma mondo hana ’si;
Ni maséé, d’a tubul
Nyambe hini hiémbi:
(NDIIMBA)
“Yéhôva a Ta, di nyéga, a Djob.
Ni njel Man woñ, hi jam li yé yondo.
Kinje maséé di gwé ngeñ di ntôp hiémbi hiés;
Wen u kôli kôs lipém jés, ni bibégés.”
2. Hégda le ndék, a wanda jem;
Béñge bés boba mu hisi yondo.
Di ntehe bé, ndi to nôgda,
Jam li nlona woñi, to nduña.
Mam ma yé yon, kii a bi bôn;
Lap Nyambe i yé yaga ni bôt.
Ngeñ i nkola le bawoga ba telep;
D’a pôdna makiñ més
i tôp ni kiñ keñi:
(NDIIMBA)
“Yéhôva a Ta, di nyéga a Djob.
Ni njel Man woñ hi jam li yé yondo.
Kinje maséé di gwé ngeñ di ntôp hiémbi hiés;
Wen u kôli kôs lipém jés, ni bibégés.”
(Béñge yak Tjé. 37:10, 11; Yés. 65:17; Yôh. 5:28; 2 Pét. 3:13.)