Libii

Bigda mini miñañ mi Bibel:

• Bib. 24:​1-4, 7​—I ngéda a bi un, Abraham a bi nai ndik le a nyiñil Isak, he muda ikété Lôk Kanaan bé, i i bé bégés banyambe bape, ndi ndik muda nu a ngwélél Yéhôva

• Bib. 28:​1-4​—Isak a bi kal man wé Yakôb le a kee yéñ muda, he ikété Lôk Kanaan bé, ndi ikété bagwélél ba Yéhôva

Bigda mini miñañ mi Bibel:

• 1 Bik. 11:​1-6, 9-11​—Yéhôva a bi unbene Kiñe Salômô ngandak inyule a bi emble bé mabéhna ma Nyambe, ndi a bi bii bakén ba bôda, a nwas ki le ba tinde nye i bégés banyambe bape

• Néh. 13:​23-27​—Kiki Yéhôva, ngomin pes mbok le Néhémia a bi unup ngandak i ngéda bôt ba litén ba bi biiba ni bakén ba bôda, jon a bi yôñôl bo bitelbene bi ngui, a kodol ki bo

Bigda mini miñañ mi Bibel:

• 1 Sam. 25:​2, 3, 14-17​—Nabal a bé ngwañ mut, ndi a bééna nledek ñem, a nyayak ki ngandak; a bé bé loñge nlôm inyu Abigail

• Bin. 21:9​—Ibale di ntibil bé pohol i mut bés ni nye di mbiiba, di ga ba bé maséé, ndi to bana nsañ

• Rôm. 7:2​—Ñôma Paul a bi toñol le i ngéda muda a mbiiba, nlôm, nu a yé kwéha mut, a gwé kunde i ngii yé ipam i ngim likala; jon muda pék a nyoñ yihe i ngéda a nyéñ pohol i mut a mba nlô wé

Bigda unu ñañ u Bibel:

• Bin. 24:27​—Ilole le munlôm a mbiiba, bebek a bana ki bon, a nlama sal ni ngui, kayéle a ba nkôôbaga i tééda ngim lihaa

Bigda mini miñañ mi Bibel:

• Rut. 2:​4-7, 10-12​—Inyu nigil i yi Ruth, Bôas a bi béñge lelaa a yé muda bôlô, a tehe lelaa a ntééda Naômi, a emble bôt bape a bé bôdôl ñem, a nok i yom ba nkal inyu yé, a tehe ki le Ruth a ngwés Yéhôva ngandak

• Rut. 2:​8, 9, 20​—Inyu nigil i yi Bôas, Ruth a bi yimbe le a yé mut a gwé loñgeñem, a tehe le a yé mut likap ni mut a ngwés Yéhôva

Bigda mini miñañ mi Bibel:

• Bin. 5:​18, 19​—Ngim manjel inyu unda gwéha, i yé ndik inyu ba ba yé mbiibaga

• H.Sal. 1:2; 2:6​—I ngéda ba bi mal yegna libii, ntééda mintômba ni ngond Sulam ba bé unda gwéha yap inyu wada ni nuu i nya i kôli, ndi ba bé gwélél bé bipôdôl bi nyega bi bi ntôdôl ngôñ malal

• H.Sal. 4:12; 8:​8-10​—Ngond Sulam i bi yégle kondi; a bé yi yak gwel nyemede, a bak kiki homa mbônji nu a yé nkwéhék

Bigda mini miñañ mi Bibel:

• Bib. 21:​8-12​—Yéhôva a bi kal Abraham le a emble nwaa wé Sara, to hala kiki mahoñol ma nwaa ma bé lémél bé nye

• Bin. 31:​10, 11, 16, 28​—Inoñnaga ni i minlôñ mini, munlôm pék nu a gwé bañga muda, a mbémbe bé nye, a ñôm bé nye nsohi; ndi a mbôdôl nwaa ñem, a béghak ki nye

• Éfé. 5:33​—Nyambe a bi tinde ñôma Paul i tila le muda a nlôôha bana ngôñ i nôgda le nlôm a ngwés nye

Bigda mini miñañ mi Bibel:

• Bin. 1:8; 1 Kor. 7:4​—Ikété libii ni ikété ndap lihaa, Yéhôva a nti muda ni nyañ bon libim li kunde, i ngim likala

• 1 Kor. 11:3​—Ñôma Paul a bi toñol le bitelbene bi Yéhôva bi yé le hiki mut a ba isi énél i mut numpe, handugi Yéhôva nyetama

• L.Héb. 13:​7, 17​—Ikété likoda, bôlôm ni bôda ba nlama suhus bomede isi lôk kéé i i nkena mam, ba nôglak ki bo

Bigda unu ñañ u Bibel:

• Bib. 18:12; 1 Pét. 3:​5, 6​—Sara a bé ti nlôm njôôñ lipém; yak ikété ñem wé, a bé tehe nye kiki “nwet” wé, hala wee i nwet a bé lama éga mam i bisu bi Djob

Bigda mini miñañ mi Bibel:

• Bib. 24:​62-67​—Rébéka a bi hôla nlôm le Isak le i kôhna hogbe i mbus nyemb i nyañ

• 1 Sam. 25:​14-24, 32-38​—Abigail a bi sôñ jôñ yé nlôm, a péyés ki lihaa jé i ngéda a bi suhus nyemede inyu soohe David

• Ést. 4:​6-17; 5:​1-8; 7:​1-6; 8:​3-6​—Ngélé iba, kiñemuda le Éster a bé bebee i nimis niñ yé i ngéda a bi ke i tehe nlôm nu a bé kiñe, nlôm ngi naña nye, inyu soohe nye le a sôñ litén li Djob