Konangoo
I unda konangoo, wee kii?
Bigda mini miñañ mi Bibel:
Tjé. 51:1, 2—I ngéda Kiñe David a bé yemhe Yéhôva le a unda nye konangoo, a bi bat nye le a nwéhél nye ni le a nugus nye inyu héya bibéba gwé
Luk. 10:29-37—Yésu a bi niiga nseñ i unda bôt bape konangoo i ngéda a bi gwélél hihéga hi mut Samaria nu a bi unda man Lôk Yuda wada loñgeñem ni ñem ngôô
Inyuki bôt ba binam bobasôna ba gwé ngôñ ni konangoo i Yéhôva?
Tjé. 130:3; Ñañ. 7:20; 1 Yôh. 1:8
Béñge yak 1 Bik. 8:46-50
Imbe ndémbél Yéhôva a nti inyu lem i konangoo?
Man. 34:6; Néh. 9:17; Tjé. 103:8; 2 Kor. 1:3
Bigda mini miñañ mi Bibel:
Hiô. 42:1, 2, 6-10; Yak. 5:11—Yéhôva a bi unda Hiôb konangoo, a niiga ki nye i unda bôt bape konangoo
Luk. 15:11-32—Inyu unda konangoo i Yéhôva, Yésu a bi gwélél hihéga hi isañ mbai wada nu a nwéhél man wé nimlaga nu a ntam bibéba gwé
Inyuki Yéhôva a ñunda bés konangoo?
Béñge yak Titô 3:4, 5
Lelaa sesema i Kristô i nhôla bés i bana nwéhél i bibéba gwés?
Inyuki di nlama bat Yéhôva le a nwéhél bibéba gwés, inyuki di nlama bé hoñol le di kôli kôhna i likébla li?
Bigda mini miñañ mi Bibel:
Tjé. 51:1-4—Bibéba Kiñe David a bi boñ bi bi lôôha tééñga nye, kayéle ni suhulnyuu yosôna, a bi yemhe Yéhôva le a nwéhél nye
Luk. 18:9-14—Yésu a bi gwélél ngim hihéga inyu unda le Yéhôva a nwéhél bibéba bi bôt ba ba neebe ni suhulnyuu libak jap li kwéha
Inyuki yak i bet ba bi boñ bibéba bikeñi ba nla kôhna nwéhél i bibéba gwap?
Bigda mini miñañ mi Bibel:
2 Miñ. 33:9-13, 15—Tolakii Kiñe Manasé a bi boñ mam mabe ngandak, a bi tam bibéba gwé, a bat ki Yéhôva nwéhél; Yéhôva a bi timbis nye i yééne yé ane, i mbus, ni njel maboñok mé, a unda le a ntam toi bibéba gwé
Yôn. 3:4-10—Tolakii bôt ba Ninivé ba bé bôt ba ngwés bisañ, ba gwéhék kôp matjél, ba bi tam bibéba gwap, Nyambe a nwéhél ki bo
I ngéda mut a nyelel béba yé, a héñha ki, lelaa maboñok ma, ma nla tinde Yéhôva i nwéhél nye?
Nwéhél i Yéhôva i nkéñ bé bés i kôhna kogse, to bikuu béba yés i nlona
Inyuki di nlama ba bôt ba nkônôl bape ngoo?
Ibale di ñunda bé bôt bape konangoo, lelaa hala a yé le a ôbôs maada més ni Yéhôva?
Béñge yak Bin. 21:13
Bigda mini miñañ mi Bibel:
Mat. 18:23-35—Yésu a bi gwélél ngim hihéga inyu unda le ibale di ñunda bé bôt bape konangoo, to Yéhôva a ga unda bé bés konangoo
Luk. 10:29-37—Hihéga hiada, hi loñge mut Samaria, hi ñéba le Yéhôva bo Yésu ba ta bé maséé ni i bôt ba nkon bé bôt bape ngoo, ndi ba yé maséé ni bôt ba konangoo