Nwéhél
Baa Yéhôva a nwéhél toi bibéba gwés?
Tjé. 86:5; Dan. 9:9; Mik. 7:18
Béñge yak 2 Pét. 3:9
Bigda mini miñañ mi Bibel:
Tjé. 78:40, 41; 106:36-46—Bon ba Lôk Israel ba bi boñ mam mabe, ba unbaha Yéhôva ngandak ngélé, ndi a bi nwéhél bo ngandak ngélé
Luk. 15:11-32—Inyu unda le Yéhôva a nwéhél ngandak, Yésu a bi yoñ hihéga hi isañ man nu a nwéhél man wé nu a mboñ bibéba bi mam, i mbus a yik tam
Kii Yéhôva a bi boñ inyu boñ le bôt ba binam ba kôhna nwéhél i bibéba gwap?
Yôh. 1:29; Éfé. 1:7; 1 Yôh. 2:1, 2
Bigda mini miñañ mi Bibel:
L.Héb. 9:22-28—Ñôma Paul a ntoñol le Yéhôva a nla nwéhél bés inyule Yésu Kristô a bi sem niñ yé inyu yés
Mas. 7:9, 10, 14, 15—Ñôma Yôhanes a bi tila le Djob a nwéhél i bôt ba yé ikété “limut likeñi” inyule ba nhémle sesema i Yésu
Ibale di nsômbôl le Yéhôva a nwéhél bés, kii di nlama boñ i ngéda bôt bape ba mboñ bés béba?
Mat. 6:14, 15; Mar. 11:25; Luk. 17:3, 4; Yak. 2:13
Bigda mini miñañ mi Bibel:
Hiô. 42:7-10—Ilole Yéhôva a mélés mandutu ma Hiôb ni kon wé, ilole a ntimbhe nye lingwañ jé ni mam momasôna a bi nimis, Djob a bi bat Hiôb le a soohe inyu mawanda mé mo maa, ba ba bi pot bé maliga inyu Hiôb
Mat. 18:21-35—Yésu a bi añal ñañ u u ñunda le di nlama nwéhél bôt bape ibale di nsômbôl le Yéhôva a nwéhél bés
Baa hala a yé nseñ i tam bibéba gwés ni i pahal gwo?
Minson 3:19; 26:20; 1 Yôh. 1:8-10
Bigda mini miñañ mi Bibel:
Tjé. 32:1-5; 51:1, 2, 16, 17—Kiñe David a bi boñ bibéba bikeñi, hala a bi tééñga nye mahoñol, yak kiññem i bé kéés nye, a bi sôk a tam bibéba gwé
Yak. 5:14-16—Yakôbô a bi kal le ibale di mboñ béba ikeñi, di nlama ke yak mimañ mi likoda, di pahal béba yés
Kii di nlama héñha ibale di nsômbôl le Yéhôva a nwéhél bés?
Bin. 28:13; Yés. 55:7; Éfé. 4:28
Bigda mini miñañ mi Bibel:
1 Bik. 21:27-29; 2 Miñ. 18:18-22, 33, 34; 19:1, 2—I ngéda Kiñe Ahab a bi nok le Yéhôva a ga kogse nye, hala a bi tééñga nye mahoñol; ndi a bi tam toi bé béba yé, inyu hala nyen Yéhôva a bi nwéhél bé nye
2 Miñ. 33:1-16—Kiñe Manasé a bi boñ ngandak mam mabe, ndi Yéhôva a bi nwéhél nye inyule a bi tam bibéba gwé. Manasé a bi unda toi le a nhéñha inyule a bi tinde bon ba Lôk Israel i tjél bégés bisat, ndi i bégés Yéhôva
I ngéda mut a ntam toi bibéba gwé, lelaa Yéhôva a nwéhél nye?
Tjé. 103:10-14; Yés. 1:18; 38:17; Yér. 31:34; Mik. 7:19
Bigda unu ñañ u Bibel:
2 Sam. 12:13; 24:1; 1 Bik. 9:4, 5—To hala kiki David a bi boñ bibéba bikeñi, Yéhôva a bi nwéhél nye inyule a bi tam bibéba gwé; i mbus ngéda, Yéhôva a bi kal yak le David a yé mut a téé sép
Lelaa Yésu a bi unda bés le Yéhôva a yé bebee i nwéhél?
Bigda mini miñañ mi Bibel:
Mat. 26:36, 40, 41—Banigil ba Yésu ba bi ke ’ilo i ngéda a bééna ngôñ ni mahôla map; ndi to hala, Yésu a bi nok bo, a yi le ba bééna ngôñ i hôla nye ndi ba bé ndik nwaak
Mat. 26:69-75; Luk. 24:33, 34; Minson 2:37-41—Pétrô a bi tañba Yésu ngélé aa; ndi kiki a bi tam, Yésu a nwéhél nye. I mbus bitugne bi Yésu, a bi pémél Pétrô, a ti ki nye minson minkeñi inyu hôla makoda
Kii i nyis bés le nwéhél i Yéhôva i gwé minwaa?
Mat. 12:31; L.Héb. 10:26, 27; 1 Yôh. 5:16, 17
Bigda mini miñañ mi Bibel:
Mat. 23:29-33—Yésu a bi béhe Sadukai ni Farisai le ba ga pei bé kogse i Géhéna, hala wee ba ga tjiba i boga ni boga
Yôh. 17:12; Mar. 14:21—Yésu a bi sébél Yuda Iskariôt le “man nu tjiba,” a kal ki le i bé nseñ le i mut nliba nunu a gwéé bañ