Hônd inyu tjam mapep ma nsébla ma likoda li ndôn

Hiki ñwii, di nhoñol i mam malam ma mbuu di nkôs makoda més ma ndôn. Jon inyu boñ le bôt bape ba la noode, inyu tehe le Yéhôva a yé loñge, di ga naña libim li bôt di nla i ba ni bés. (Tjémbi 34:9) Hiki juu li mimañ jon li ga yéñ yi lelaa ba nla tibil tjam mapep ma nsébla.

MAM DI NLAMA BÉ HÔYA

• Likoda li ndôn jem li mba imbe ngéda?

• Kekii hônd y’a bôdôl libôga jés?

• Makoda ma likalô m’a ba ngéda imbe?

• Mambe mam me ntjek le me mboñ mu hônd i?

• Bonjee me nkôôba i naña?

KII U GA KAL?

Mbus le u nyéga mut, u nla kal le:

“Di yé tjam mapep ma nsébla ni nkoñ isi wonsôna inyu likoda likeñi li tôbôtôbô. Hilo, ngeñ, ni homa li ntagbene bi yé ntilga mu lipep li nsébla. Di ga ba maséé le u ba ipôla yés.”

LELAA U NLA KÔNDE HÔLÔS NGÔÑ YAP INYU MALIGA?

To lakii di gwé ngôñ i sébél libim li bôt di nla i likoda li ndôn, di nlama ba bebee i yoñ ngéda i hôlôs ngôñ mut a yé le a unda inyu maliga.

I mamélél ma sonde (ngwa jôn ni kel sonde), u nla ti mimbamble mbôda ni mapep ma nsébla.