Makon ma boña ma boñge ba wanda ma mbet ndigi bet ni bet—Kii Bibel i nkal?

I ngwa njañgumba, hilo 13 hi sôñ matjel, nwii 2023, Centre d’’épidémiologie i loñ Amérika (CDC) i bi pémés ñañga u makon ma boña ma boñge ba wanda ba ba nyééne i États-Unis. I ñañga u, u ñéba le iloo mañge wanda wada ikété ba-na nu a nke i suklu, a nôgda nduña, a ba-nga ki ndutu ñem i i mal bé.

Dr. Kathleen Ethier, nu a ñéga CDC inyu boñge ba wanda ni mbôô i suklu (DASH), a bi kal le “Hala a yé 10 li nwii nano le di bi léba le kon u boña u boñge ba wanda i bep ndigi bep ni bep, di mah tehe bé i nya jam i, yak boñge ba wanda, yak ngandak yap i nhoñol ndigi i nitba.”

Ñañga i ñunda le:

Ibale ba nyoñ jôm li boñge ba wanda ba ba yé bôda, ba ma nyégsa iloo hiada i bana malal ma nyega. “Hala a yé jam li li nkôhana woñi” Madame Ethier nyen a nkal hala. “Ikété jôm di dingonda le u yi, wada ikété yap ba bi lalna nye ni ngui.”
Bebee le ngonda yada ikété daa i bi noode toi nitba.
Bebee le dingonda daa ikété batan di nôgda ngandak nduña tole di nimis botñem hala a yé ntandaa ngéda.

Minsoñgi mini mi mpat ñem. Niñ i mañge wanda i nlama ba ngéda i maséé. Kii i nla hôla boñge ba wanda i nihbe nduña ikeñi ba mboma i ngéda yés? Kii Bibel i nkal?

Bibel i nti boñge ba wanda mahôla ma kôli ni bo

Bibel i ntibil toñle bés inyukii nduña ikeñi i yé nayak len. I nkal le di niñil “Mangéda mabe, ma bak ki nledek kiyaga.” (2 Timôtéô 3:1-5) Ndi, Bibel i nti maéba ma ma nhéñha bé, ma ma nhôla didun di boñge ba wanda i nkoñ isi wonsôna le, ba pam i yémbél manoodana ba mboma len. Béñge minkwel mi noñ ha, mi mi mpémél i Bibel.

Mahôla inyu boñge ba wanda ba ba nsômbôl nitba

Mahôla inyu boñge ba wanda ba ba gwé nduña ikeñi, ba ba ta bé maséé tole ba gwé mahoñol mabe

Comment faire face à la dépression?
Comment arrêter d’être pessimiste?
Comment faire face à l’inquiétude?
Comment contrôler mes émotions?
Triste ou optimiste? (Bititii bi nweghe libam)

Mahôla inyu boñge ba wanda ba bôt ba nyumbla, yak ni njel internet

Kii me nla boñ ibale ba nyumbla me?
Kii me nla boñ ibale ba nyumbla me ni njel internet?
Bép mut a nyumbla we ibabé gwélél bikut (Bititii bi nweghe libam)

Mahôla inyu boñge ba wanda ba bôt ba ntééñga inyu tinde bo i malal ni ba bôt ba ngwélél ngui inyu lalna bo

Bibel i nti maéba malam inyu bagwal

Bibel i nti ki bagwal maéba malam le ba nla gwélél inyu hôla boñge ba wanda i nihbe manoodana ma niñ. Béñge le minkwel mi noñ ha, mi mi mpémél i Bibel.