Baa Yésu a bé ndik loñge mut?

Ndimbhe i Bibel

Yésu a bi lel libak li loñge mut, huum. I titigi yosôna, a yé mut nu ngan i bi lôôha yiba ikété ñañ wonsôna u mut binam hana ’isi. Yimbe lelaa bana bôt ma miñañ ni ba matila ba bi pot inyu yé:

“Yésu nu Nasaret . . . nyen jôl li mpala pam kiki jôl li bisu mu ñañ u bôt ba binam.”—H. G. Wells, Mut miñañ, Ngisi.

“Niñ [i Yésu] i bi héñha mam iloo niñ i mut nye ki nye hana ’isi, mahéñha ma, ma ngi kenek ndik ni bisu.”—Kenneth Scott Latourette, Mut miñañ ni mut matila, Amérika.

Bibel i ntoñol inyuki niñ i Yésu i bi héñha mam kiyaga, iloo tonjee loñge mut nu a bi niñ hana ’isi. I ngéda a bi bat mawanda mé ma ñem nyuu le, “Bé ni nkal le me yé njee?”, wada wap a bi tibil timbhe le: “U yé Kristô, Man Nyambe nu a niñ.”—Matéô 16:16.