4 Molo nungnga diulahon ibana songon i jala marsala, ikkon paulakonna do barang na tinakkona i, barang na dibuat ala manipu manang mangoto-otoi, barang na dititippon tu ibana, manang barang na mago na dapotna i, 5 manang barang na dapotna ala mambahen sumpa palsu. Asing ni i, ikkon lehononna do gatti rugi tu sude barang i,+ jala ikkon ditambai ibana do muse 20 persen sian arga ni barang i. Jala ikkon lehononna do i tu nappuna barang i disi tarboto ibana marsala.

14 “‘Molo adong na so sengaja mangallang akka na badia, ikkon gattionna do i tu akka malim. Jala ikkon lehononna do muse tambana saparlima sian na badia i.+

6 “Dok ma tu halak Israel i, ‘Molo mangulahon dosa sahalak bawa manang borua jala dang setia tu Jahowa, marsala do ibana disi.+ 7 Ikkon diakkui+ ibana* do salana i jala ikkon digarar ibana* do sude gatti rugi naung ditottuhon alani dosana i. Jala ikkon ditambai ibana do muse 20 persen sian arga naung ditottuhon i.+ Dung i, dilehon ma i tu halak na rugi dibahen ibana.