19 Ikkon dipispisson halak na so ramun i do aek i muse tu halak na ramun i di ari na patoluhon dohot di ari na papituhon.+ Jala di ari na papituhon, ikkon dipabadia do halak na ramun i. Dung i, disussi halak na ramun i ma bajuna jala maridi ma ibana. Dung bonom mataniari, dang ramun be ibana.

20 “‘Alai ikkon dipamate do halak na ramun na so pabadiahon dirina.+ Ai nungnga dibahen ibana ramun inganan na badia ni Jahowa. Dang dipispisson aek na dipakke tu ulaon pabadiahon i tu ibana, alani i ramun ma ibana.