13 Peleanna, i ma sada piring na sian perak na boratna 130 sekel,* dohot sada makkuk na sian perak na boratna 70 sekel, mangihutton ukkuran sekel na dipakke di inganan na badia.*+ Dibahen do gok tu piring i dohot tu makkuk i topung na halus na dicampur dohot miak lao gabe pelean sipanganon.*+ 14 Dilehon do muse sada cakkir* na sian mas na boratna 10 sekel, jala diisi do gok dupa tusi. 15 Dilehon do muse sada lombu jantan na poso, sada biru-biru jantan, dohot sada biru-biru jantan na marumur sataon manang hurang lao gabe pelean situtungon.+ 16 Dilehon do sada hambing na poso lao gabe pelean hasesaan ni dosa.+ 17 Jala dilehon do muse dua lombu jantan, lima biru-biru jantan, lima hambing jantan, dohot lima biru-biru jantan na marumur sataon lao gabe pelean pardamean.*+ Akka i ma pelean ni si Nahason anak ni si Aminadab.+