PERPUSTAKAAN ONLINE Joujou Paboahon

4 Musa 22:5, 6

Bibel Hata ni Debata tu Akka Jolma na Naeng Mangolu di Tano na Imbaru
- 5 Disuru ibana ma piga-piga halak manjou si Bileam anak ni si Beor na tinggal di Petor+ huta hatubuanna, na jonok tu Sunge Euprat. Didok ibana ma, “Ida ma! Adong sada bangso na kaluar sian Mesir. Nungnga digohi nasida be luat* on.+ Nungnga massai jonok nasida markemah tu luatnami. 6 Alani i, ro ma jo ho. Burai ma jo bangso on,+ ai umgogo do nasida sian hami. Atik boha boi taluhonokku nasida, jala huusir sian luat on. Ai takkas do huboto, dapotan pasu-pasu do nasa na dipasu-pasu ho, jala hona bura do nasa na diburai ho.”

4 Musa 23:7

Bibel Hata ni Debata tu Akka Jolma na Naeng Mangolu di Tano na Imbaru
- 7 Didok ibana ma puisi on:+
  
  “Diboan si Balas raja ni Moab do au sian Aram,+
  Sian akka dolok na di timur.
  
  Didok do, ‘Ro ma ho mamburai si Jakkob.
  
  Ro ma ho mangaleai halak Israel.’+

4 Musa 23:11

Bibel Hata ni Debata tu Akka Jolma na Naeng Mangolu di Tano na Imbaru
- 11 Dung i didok si Balas ma tu si Bileam, “Aha do na binahenmon? Hujou pe ho, na lao mamburai musukku do. Hape gabe dipasu-pasu ho do nasida.”+

4 Musa 24:10

Bibel Hata ni Debata tu Akka Jolma na Naeng Mangolu di Tano na Imbaru
- 10 Muruk situtu ma si Balas tu si Bileam. Jut hian do rohana, jala martopak ma ibana huhut mandok, “Na lao mamburai musukku do umbahen na hujou ho.+ Hape gabe dipasu-pasu ho do nasida tolu hali.