35 Hamil ma muse ibana, tubu ma anakna. Dibahen ma goarna si Juda.*+ Ai didok ibana do, “Saonari, pujiokku nama Jahowa.” Dung i, dang hamil be ibana manang na piga-piga leleng.

8 “Alai anggo ho Juda,+ pujion ni akka haha anggim ma ho.+ Talu do bahenonmu akka musum.*+ Jala marsomba do akka anak ni bapakmu tu jolom.+ 9 Ale Juda, anak ni singa do ho.+ Dung diallang ho mangsa na ditakkup ho, mulak do ho. Modom-modom ma ibana jala dipasonang-sonang dirina songon singa. Ise be na barani mandungoi ibana? Ai singa do ibana. 10 Dang adong na lao mambuat tukkot harajaon i sian Juda.+ Jala dang adong na lao mambuat tukkot pamarettaon sian holang-kolang ni patna sahat tu na ro Silo.*+ Ai oloan ni sude bangso do ibana.+ 11 Diikkatton ibana ma halodena tu hau anggur. Jala anak ni halodena tu hau anggur na undenggan. Disussi ibana ma bajuna tu aek anggur, jala disussi ibana ma abitna tu aek anggur na merah songon mudar. 12 Merah do matana alani anggur, jala bottar do ngingina alani susu.

14 Sude do halak mamboto, sian marga Juda+ do Tuanta i. Alai dang hea didok si Musa na lao adong malim sian marga i.