PERPUSTAKAAN ONLINE Joujou Paboahon

1 Samuel 16:7

Bibel Hata ni Debata tu Akka Jolma na Naeng Mangolu di Tano na Imbaru
- 7 Alai didok Jahowa do tu si Samuel, “Unang ma ida rupana dohot timbona,+ ai dang hupillit ibana. Dang songon cara ni jolma cara ni Debata mangida jolma. Ai rupa do na niida ni jolma, alai anggo Jahowa roha do na niidana.”+

1 Kronika 28:9

Bibel Hata ni Debata tu Akka Jolma na Naeng Mangolu di Tano na Imbaru
- 9 “Jala ho Salomo anakku, ikkon takkas do tandaonmu Debatakku. Somba ma Ibana sian nasa roham,+ jala ulahon ma lomo ni rohana. Ai dipareso Jahowa do sude isi ni roha+ jala diboto Ibana do sude na tapikkiri.+ Molo dilului ho Ibana, juppangmu ma Ibana.+ Alai molo ditadikkon ho Ibana, tadikkononna ma ho saleleng ni lelengna.+

Jeremia 11:20

Bibel Hata ni Debata tu Akka Jolma na Naeng Mangolu di Tano na Imbaru
- 20 Ai tigor do Jahowa Pamimpin ni Akka Tentara i manguhumi,
  Dipareso Ibana do roha dohot pikkiran ni jolma na buni.*+
  
  Ale Debata, paloas ma au mangida Ho mambalos nasida,
  Ai tu tanganmu do hupasahat sude parsoalakku.

Jeremia 17:10

Bibel Hata ni Debata tu Akka Jolma na Naeng Mangolu di Tano na Imbaru
- 10 Au Jahowa, Au do na mamareso roha* ni jolma,+
  Hupareso do pikkiran ni jolma na buni
  Asa hubalos tu ganup jolma hombar tu pangalahona,
  Jala hombar tu pambahenanna.+