12 lehonokku ma pangidoanmi.+ Lehonokku ma roha na marbisuk tu ho jala bahenokku ma ho malo manottuhon dia na denggan.+ Alani i, dang adong halak na songon ho andorang so tubu ho jala dung mate pe ho.+

29 Dibahen Debata do si Salomo massai marbisuk, jala diurupi do ibana asa malo manottuhon dia na denggan. Dilehon do muse tu ibana godang parbinotoan dos songon godang ni pasir na di topi ni laut.+

26 Lehonon ni Debata na sittong do bisuk, parbinotoan, dohot las ni roha+ tu akka halak na mangulahon lomo ni rohana. Alai anggo pardosa, dipasombu do karejo jala papunguhon hasilna. Dung i lehonon ni Debata ma i tu akka halak na palashon rohana.+ On pe marisuang do, dos songon na mangalele alogo.

17 Dilehon Debata na sittong do tu halak i na opat bisuk dohot parbinotoan lao mangattusi surat ni sude bahasa. Dilehon Debata do muse tu si Daniel parbinotoan lao mangattusi parnidaan dohot akka nipi.+

25 Di tikki i didok Jesus ma, “Ale Amang, Tuan ni langit dohot tano on, hupuji do Ho di jolo ni godang halak. Ai dipapatar Ho do on tu halak na serep marroha na songon dakdanak, jala ditabunihon Ho do i sian akka halak na bisuk dohot halak na pistar.+

5 Molo adong sian hamu na hurang bisuk, toktong ma i dipangido tu Debata.+ Lehononna+ do i tu ibana jala dang pailaonna ibana. Ai burju do Debata mangalehon tu sude halak.+