-
Psalmen 15:1-5Bibel Hata ni Debata tu Akka Jolma na Naeng Mangolu di Tano na Imbaru
-
-
15 Ale Jahowa, ise do na boi gabe tamu di kemahmu?
Ise do na boi tinggal di dolokmu na badia i?+
2 Halak na toktong mangoloi*+ Debata,
Na mangulahon na sittong,+
Jala na sai makkatahon na sittong di bagasan rohana.+
3 Dang olo ibana mandok hata na so tutu,+
Dang olo ibana mambahen na jahat tu donganna,+
Jala dang dipaila ibana donganna.+
4 Dang olo ibana mardongan tu halak na so hasea,+
Alai dipasangap ibana do halak na makkabiari Jahowa.
Dipasaut ibana do janjina* nang pe rugi ibana.+
5 Dang olo ibana pabungahon hepengna,+
Jala dang olo ibana manjalo suap lao mangalo halak na so marsala.+
Manang ise na mangulahon i sude, togu ma ibana saleleng ni lelengna.+
-
-
Psalmen 84:1-4Bibel Hata ni Debata tu Akka Jolma na Naeng Mangolu di Tano na Imbaru
-
-
2 Masihol do au tu alaman ni jabu ni Jahowa,+
Massai sihol do rohakku,
Marsurak do au sian nasa rohakku dohot sian nasa gogokku di jolo ni Debata na mangolu i alani las ni rohakku.
3 Ale Rajakku jala Debatakku,
Haru pidong pe adong do asarna disi.
Burung walet pe disi do marasar rap dohot anakna
Di jonok ni langgatanmu na sangap i, ale Jahowa Pamimpin ni Akka Tentara.
4 Marlas ni roha ma halak na tinggal di jabumi!+
Toktong do dipuji nasida Ho.+ (Sela)
-
-
Psalmen 84:10Bibel Hata ni Debata tu Akka Jolma na Naeng Mangolu di Tano na Imbaru
-
-
10 Ai dumenggan do sadari di alaman ni jabum sian apala saribu ari di inganan na asing!+
Tumagon do au jongjong di pintu ni jabu ni Debatakku,
Sian apala tinggal di kemah ni parjahat.
-