-
Psalmen 37:35Bibel Hata ni Debata tu Akka Jolma na Naeng Mangolu di Tano na Imbaru
-
-
35 Hea do huida marhasil halak na jahat jala na kejam,
Dos ma nasida songon hau na balga na tubu di tano na subur.+
-
-
Psalmen 37:38Bibel Hata ni Debata tu Akka Jolma na Naeng Mangolu di Tano na Imbaru
-
-
38 Alai na lao suda do akka pardosa,
Jala pamateonna do akka parjahat.+
-
-
Jeremia 12:1-3Bibel Hata ni Debata tu Akka Jolma na Naeng Mangolu di Tano na Imbaru
-
-
12 Ale Jahowa, Debata na tigor roha do Ho.+ Tikki hupaboa holso ni rohakku tu Ho,
Jala tikki husukkun taringot tu panguhumanmu toktong do Ho tigor.
Alai boasa ma marhasil halak na jahat i,+
Jala boasa ma dang adong arsak ni halak na berhianat?
2 Disuan Ho do nasida, jala gabe marurat ma nasida.
Tubu ma nasida jala marparbue.
Sai dihatahon nasida do taringot tu Ho, alai ianggo roha* ni nasida mandao do sian Ho.+
3 Alai takkas do ditanda Ho au ale Jahowa,+ diida Ho do au,
Dipareso Ho do rohakku jala hulehon do sude rohakku tu Ho.+
Papulik ma nasida dos songon papulikkon biru-biru na lao diseat,
Papulik ma i, paima dapot tikki pamotongon.
-