31 Ai dang songon Dolok Batutta dolok batu+ ni nasida,

Jala takkas do i diboto akka musutta.+

 2 Dang adong na badia tudoshon Jahowa,

Dang adong na dos songon Ho,+

Dang adong dolok batu na songon Debatanta.+

33 Debata na sittong do benteng na togu di au,+

Bahenonna do tigor dalanku.+

34 Dibahen Ibana do pattu hatop marlojong songon rusa,

Dibahen Ibana do au jongjong di inganan na timbo.+

35 Dilatik Ibana do tanganku marporang.

Gabe boi ma hupakke panah na sian tombaga.

36 Dilehon Ho do tu au perisaimu lao paluahon au,

Jala serep ni rohami do na mambahen au sangap.+

37 Dipabidang Ho do dalan sidalanakku.

Jala dang na lao tarsulandit pattu.+

38 Leleokku do akka musukku jala pamateonku nasida,

Dang mulak au saleleng so hupamate nasida sude.

39 Hupamate do nasida jala huropukkon, asa unang boi be nasida hehe.+

Marpeakan do nasida di toru ni pattu.

40 Lehononmu do gogo tu au lao marporang.+

Bahenonmu do peak akka musukku di jolokku.+

41 Bahenonmu do lari akka musukku sian au.*+

Pamateonku do* akka na marsogo ni roha tu au.+

42 Jou-jou ma nasida mangido asa diurupi, alai dang adong na paluahon nasida.

Nang pe jou-jou nasida tu Jahowa, alai dang dialusi Ibana nasida.+

43 Dudaokku ma nasida asa gabe songon orbuk na di tano.

Dege-degeokku ma nasida songon gambo na disappatton tu dalan.