7 Ai halak Israel do ladang anggur ni Jahowa Pamimpin ni Akka Tentara* i,+

Halak Juda ma ladang* haholonganna.

Sai tarpaima do Ibana asa adil nasida mangadili,+

Alai dang diihutton nasida patik i.

Sai tarpaima do Ibana asa diulahon nasida na sittong,

Alai sai dibege Ibana dope mangandungi halak na susa.”+

15 Dang adong be hasittongan* i,+

Jala manang ise na mandao sian na jahat, dibuat do akka artana.

Nungnga diida Jahowa i jala sogo do rohana,*

Ai dang adong be hukum na tigor.+

Lului ma di akka lapangan ni kota i,

Atik na adong do sasahalak na mangulahon na tigor,+

Na marsitutu asa setia,

Molo adong, sesaokku ma dosa ni kota i.

12 Boi haroa marlojong hoda di dolok batu,

Manang boi haroa mambajak lombu disi?

Hape dang tigor hamu tikki mangadili,

Jala dos songon raccun* do huasomuna i, disiksa hamu do akka halak. Gabe susa ma nasida.+

 4 Alani i dang margogo jala dang marguna be patik.

Jala dang hea be dipatudu na sittong,

Ai nungnga unggodang halak na jahat sian halak na tigor marroha.

Alani i do gabe balik na sittong i.+