PERPUSTAKAAN ONLINE Joujou Paboahon

Psalmen 45:6

Bibel Hata ni Debata tu Akka Jolma na Naeng Mangolu di Tano na Imbaru
- 6 Debata do na gabe tahtam saleleng ni lelengna.+
  Jala hatigoran do na gabe tukkot harajaonmu.+

Psalmen 72:1, 2

Bibel Hata ni Debata tu Akka Jolma na Naeng Mangolu di Tano na Imbaru
- 72 Ale Debata, bahen ma asa diihutton raja i hatigoranmu tikki mangadili,
  Jala paboa ma taringot hatigoranmi* tu anak ni raja i.+
  
  2 Sai anggiat ma dibahen ibana na sittong lao mambela bangsom,
  Jala sai anggiat ma dibahen ibana na tigor tu akka na pogos.+

Jesaya 9:6, 7

Bibel Hata ni Debata tu Akka Jolma na Naeng Mangolu di Tano na Imbaru
- 6 Ai nungnga tubu sada poso-poso di hita,+
  Nungnga dilehon sada anak tu hita,
  Jala dilehon do tu ibana* tanggung jawab lao mamaretta.+
  
  Digoari ma ibana Penasehat na Marbisuk,+ Debata na Massai Gogo,+ Ama na Saleleng ni lelengna, Pamimpin ni Hadameon.
  
  7 Lam balga ma torus huasona,
  Jala dang adong ujung ni hadameon+
  Di tahta ni si Daud+ dohot di harajaonna
  Hot do i dipajongjong jala dibahen togu+
  Marhite hatigoran+ dohot hasittongan+
  Sian saonari sahat tu saleleng ni lelengna.
  
  Ai pasti ulahonon ni Jahowa Pamimpin ni Akka Tentara* do i.

Jesaya 32:1

Bibel Hata ni Debata tu Akka Jolma na Naeng Mangolu di Tano na Imbaru
- 32 Ida ma! Adong nama sada raja+ na mangarajai di bagasan hasittongan,+
  Jala akka pamimpin na mamaretta di bagasan hatigoran.

Jeremia 23:5

Bibel Hata ni Debata tu Akka Jolma na Naeng Mangolu di Tano na Imbaru
- 5 “Ida ma, na lao ro ma tikkina,” ninna Jahowa, “bahenokku ma sahalak na tigor marroha sian pinoppar ni si Daud hundul di atas ni tahta.*+ Mamaretta ma ibana gabe raja.+ Marbisuk do ibana jala diulahon ibana do hukum na sittong dohot na tigor di luat on.+