PERPUSTAKAAN ONLINE Joujou Paboahon

Psalmen 136:5

Bibel Hata ni Debata tu Akka Jolma na Naeng Mangolu di Tano na Imbaru
- 5 Dibahen Ibana do langit marhite bisukna,+
  Ai toktong do dipatudu Ibana holong ni rohana sahat tu saleleng ni lelengna.

Poda 3:19

Bibel Hata ni Debata tu Akka Jolma na Naeng Mangolu di Tano na Imbaru
- 19 Marhite bisuk do Jahowa mambahen tano on.+
  
  Jala denggan do dibahen Ibana langit marhite parbinotoanna.+

Jesaya 40:22

Bibel Hata ni Debata tu Akka Jolma na Naeng Mangolu di Tano na Imbaru
- 22 Adong do Debata na tinggal di atas ni portibi na bulat* on,+
  Jala songon sihapor* do akka pangisina di Ibana.
  
  Dipahembang Ibana do langit dos songon kain na tipis,
  Dipahembang Ibana do sudena i dos songon tenda na lao diingani.+

Jeremia 10:12-16

Bibel Hata ni Debata tu Akka Jolma na Naeng Mangolu di Tano na Imbaru
- 12 Ibana do na manoppa tano on marhite huasona,
  Ibana do na mambahen tano on gabe subur marhite hapistaranna,+
  Jala Ibana do na pahembangkon langit marhite habisukonna.*+
  
  13 Tikki marsoara Ibana,
  Marsasak do aek na di langit.+
  Dibahen Ibana do tarangkat akka ombun* sian ujung ni tano on.+
  
  Diparo Ibana do sillam di tikki ro* udan,
  Jala diparo Ibana do alogo sian akka inganan panimpananna.+
  
  14 Pangalaho ni ganup halak patuduhon dang marroha jala dang marparbinotoan nasida.
  
  Dipaila ma akka tukkang logam i alani patung na dipahat nasida.+
  Ai palsu do patung na sian logam i,
  Dang marhosa akka patung i.+
  
  15 Dang marlapatan sude akka patung i, tama do i lao gabe sirehe-rehean.+
  
  Ai molo dung juppang ari panguhuman i, dihancurhon do i sude.
  
  16 Alai anggo Debata* ni si Jakkob, dang songon akka patung i,
  Ibana do na manoppa sudena.
  Israel i do tukkotna, arta ni Ibana.*+
  
  Ditanda do Ibana Jahowa Pamimpin ni Akka Tentara.*+