PERPUSTAKAAN ONLINE Joujou Paboahon

Jesaya 1:17

Bibel Hata ni Debata tu Akka Jolma na Naeng Mangolu di Tano na Imbaru
- 17 Marsiajar ma hamu mangulahon na denggan, ulahon hamu ma na tigor,+
  Pasingot hamu ma halak na mambahen susa,
  Partahatton hamu ma hak ni dakdanak na so marama,*
  Jala patigor hamu ma hukum lao mambela akka ina na mabalu.”+

Jeremia 22:3

Bibel Hata ni Debata tu Akka Jolma na Naeng Mangolu di Tano na Imbaru
- 3 Songon on ma hata ni Jahowa, “Dalatton hamu ma hukum na tigor dohot na sittong. Urupi hamu ma halak na hona rampok sian pangarampok. Unang ma bahen hamu na jahat tu akka halak na sian bangso na asing. Unang ma kejam hamu tu halak na so marama* manang tu ina na mabalu.+ Jala unang usehon hamu mudar ni halak na so marsala di luat on.+

Hesekiel 22:29

Bibel Hata ni Debata tu Akka Jolma na Naeng Mangolu di Tano na Imbaru
- 29 Panipu jala pangarampok+ do pangisi ni luat i. Jahat do nasida tu halak na marhahurangan dohot tu na pogos. Ditipu nasida do muse halak na sian bangso na asing, jala dang adil nasida mambahen hukum tu halak na sian bangso na asing.’

Mika 2:2

Bibel Hata ni Debata tu Akka Jolma na Naeng Mangolu di Tano na Imbaru
- 2 Molo lomo roha ni nasida tu sada ladang, buaton ni nasida do i.+
  Molo lomo rohana tu sada jabu, buaton ni nasida do i.
  Manipu do nasida lao mambuat jabu ni halak na asing+
  Dohot lao mambuat tano parbagianan ni halak.