49 “Paroon ni Jahowa ma sada bangso sian na dao,+ sian ujung ni tano on lao mangalo hamu. Takkupon ni bangso i ma hamu dos songon panakkup ni lali.+ Songon i ma bahenon ni bangso i tu hamu, i ma bangso na so diattusi hamu bahasana.+

24 Tikki mamaretta Raja Jehoyakim, ro ma si Nebukadnesar+ raja ni Babel mangalo ibana. Dioloi si Jehoyakim ma si Nebukadnesar saleleng tolu taon. Alai ujungna, mangalo do si Jehoyakim. 2 Dung i dibahen Jahowa ma ro akka pangarampok na sian Kasdim,+ Siria, Moab, dohot Ammon lao mangalo si Jehoyakim. Sai dibahen Debata do ro akka pangarampok i asa susa halak Juda. Gabe saut ma hata ni Jahowa+ na pinaboana marhite akka panurirangna.*

25 Di ari na pasappuluhon, di bulan na pasappuluhon, di taon na pasiahon pamarettaon ni si Sedekia, ro ma Raja Nebukadnesar+ na sian Babel dohot sude tentarana mangalo Jerusalem.+ Markemah ma ibana di jolo ni kota i, jala dibahen ma tembok makkaliangi kota i.+