17 Dibuat si Herodes do si Herodias istri ni si Pilippus abangna i lao gabe istrina. Alani i, lao pasonakkon roha ni si Herodias, disuru si Herodes ma halak manakkup si Johannes jala mangaratte ibana di penjara.+ 18 Ai sai didok si Johannes do tu si Herodes, “Mangihutton patik, dang boi buatonmu istri ni abangmi gabe istrim.”+

19 Alai dipissang si Johannes ma si Herodes na mamaretta di Galilea. Ai dibuat ibana do si Herodias istri ni abangna i gabe istrina, jala diulahon ibana do godang na jahat. 20 Alani i, mangulahon na jahat ma muse si Herodes: dipamasuk ibana ma si Johannes tu penjara.+