18 Di tikki i, ro ma akka sisean mandapotton Jesus, ninna ma, “Ise do na umbalga di Harajaon banua ginjang i?”+ 2 Jadi dijou Jesus ma sahalak dakdanak laos dipajongjong di jolo ni nasida, 3 ninna ma, “Tutu do na hudok on tu hamu, molo dang muba hamu jala gabe songon dakdanak on,+ dang masuk hamu tu Harajaon banua ginjang i.+ 4 Alani i, manang ise na patutoru dirina songon dakdanak on, ibana ma na umbalga di Harajaon banua ginjang i.+ 5 Jala manang ise na manjalo* sahalak dakdanak na songon on alani goarhu, na manjalo au do i.

46 Dung i, marsoal ma akka siseanna i taringot tu ise na ussangap sian nasida.+ 47 Ala diboto Jesus do na di bagasan pikkiran ni nasida, dijou ma sahalak dakdanak, disuru ma jongjong di labbungna. 48 Didok ma tu nasida, “Manang ise na manjalo dakdanak on alani goarhu, na manjalo au do i. Jala manang ise na manjalo au, na manjalo na marsuru au do ibana.+ Ai manang ise na mambahen ummetmet dirina di tonga-tongamuna, ibana do na umbalga.”+

24 Alai, gabe marsoal ma muse nasida taringot ise do na ussangap sian nasida.+