17 Tikki di pardalanan lao tu Jerusalem, ditogihon Jesus ma siseanna na 12 i pulik sian na asing. Didok ibana ma tu nasida,+ 18 “Saonari naeng nakkok nama hita tu Jerusalem. Disi ma pasahatonna Anak ni jolma i tu malim kepala* dohot tu siboto surat.* Jala bahenon ni nasida ma hukuman mate tu ibana.+ 19 Pasahaton ni nasida ma ibana tu akka bangso na asing asa direhei, dilissingi, jala digattung tu sada hau.+ Alai na lao hehe+ do ibana di ari patoluhon.”

31 Laos di tikki i, mulai ma dipatorang Jesus tu akka siseanna aha na ikkon ditaon Anak ni jolma i. Dipaboa ibana do na lao godang hasusaan ditaon ibana alani akka pangituai,* malim kepala,* dohot siboto surat.* Dang na lao dijalo nasida ibana alai bunuon ni nasida do ibana.+ Dung tolu ari ibana mate, dipahehe ma ibana muse.+

31 Ai naeng mangajari siseanna do ibana. Didok ma tu nasida, “Pasahatonna ma Anak ni jolma i tu akka musuna jala bunuon ni nasida ma ibana.+ Alai dung tolu ari dipahehe do ibana muse.”+

22 Didok Jesus ma muse, “Ikkon taonon ni Anak ni jolma i do godang hasusaan. Godang ma hasusaan dibahen akka pangituai,* malim kepala,* dohot siboto surat* tu ibana. Dang dijalo nasida ibana, jala bunuon ni nasida do ibana.+ Alai hehe do ibana di ari patoluhon.”+

31 Dung i ditogihon ibana ma apostelna na 12 i jala ninna ma tu nasida, “Saonari naeng nakkok nama hita tu Jerusalem, jala na lao masa ma sude na sinurat ni akka panurirang* taringot tu Anak ni jolma i.+ 32 Uppamana, pasahatonna ma ibana tu tangan ni akka bangso+ asa direhei,+ dileai, jala ditijuri.+ 33 Dung dilissingi, pamateonna ma ibana.+ Alai na lao hehe do ibana di ari patoluhon.”+