12 Didok Jahowa ma tu si Abram, “Lao ma ho sian hutami. Tadikkon ma jabu ni bapakmu dohot keluargam. Jala lao ma ho tu luat na lao hupatudu tu ho.+ 2 Bahenokku ma pinopparmu gabe bangso na bolon, pasu-pasuokku ma ho, bahenokku ma goarmu tarbarita, jala dapotan pasu-pasu ma akka halak alani ho.+ 3 Pasu-pasuokku do halak na mamasu-masu ho, buraakku ma halak na mamburai ho,+ jala dapotan pasu-pasu do sude keluarga na di tano on alani ho.”+

5 Dang si Abram* be goarmu. Alai si Abraham* nama, ai bahenokku nama ho gabe ama ni godang bangso. 6 Bahenokku ma massai godang situtu pinopparmu, sian pinopparmu do ro akka bangso dohot akka raja.+

17 pasu-pasuokku ma ho, jala bahenokku ma massai godang situtu pinopparmu* songon godang ni bintang di langit, dohot pasir di topi ni laut.+ Jala buaton ni pinopparmu ma akka kota* ni musuna.+ 18 Mandapot pasu-pasu ma sude bangso di tano on alani pinopparmu.+ Ai nungnga dioloi ho hatakku.’”+