24 Ai dang porlu marbada naposo ni Tuhan* i, alai ikkon lambok do tu* sude halak,+ malo mangajari, sabar manaon akka na jahat,+ 25 jala lambok mamissang akka halak na mangalo.+ Anggiat ma dilehon Debata tikki tu nasida asa muba, asa dapot ni nasida parbinotoan na bagas taringot tu hasittongan i.+

3 Toktong ma paingot nasida asa mangoloi jala unduk tu pamaretta dohot tu akka parhuaso,+ rade mangulahon ulaon na denggan, 2 dang paroa-roahon manang ise pe, dang parbada, parroha na dame,+ jala lambok tu sude halak.+