Jeremia
8 Didok Jahowa ma, “Di tikki i dipakaluar ma akka holi-holi ni raja na di Juda, holi-holi ni akka pamimpinna, holi-holi ni akka malim, holi-holi ni akka panurirang,* dohot holi-holi ni akka penduduk ni Jerusalem. 2 Dipasserakkon ma akka holi-holi i di toru ni mataniari, bulan, dohot sude akka na di langit. Najolo, dihaholongi nasida do sudena i, dioloi, diihutton, disomba,+ jala dijalo nasida do sian i tudu-tudu. Dang na lao dipapungu holi-holi ni nasida manang na lao dikuburhon. Gabe songon kotoran ma i di atas ni tano.”+
3 “Akka halak na mangolu dope di tonga-tonga ni bangso na jahat on, bahenokku ma marserak tu sude inganan, jala tumagonan do di roha ni nasida mate sian apala na mangolu,” ninna Jahowa Pamimpin ni Akka Tentara* i.
4 “Ikkon dohononmu do songon on tu nasida, ‘Songon on ma hata ni Jahowa,
“Molo madabu sasahalak, kan ikkon jongjong do ibana muse?
Molo dipauba sasahalak dalanna, kan ikkon mangihut do donganna na sada nai paubahon dalanna?
5 Boasa torus bangso on, penduduk ni Jerusalem on, dang setia tu Au?
Torus do nasida menghianati Au,
Jala dang olo nasida mulak tu Au.+
6 Torus do nasida huparrohahon jala hutangihon, alai dang adong dihatahon nasida na sittong.
Dang adong nanggo sahalak pe sian nasida na olo muba sian ulaonna na jahat, manang manukkun, ‘Boasa huulahon songon on?’+
Ai ganup sian bangso on mangihutton aha na diulahon godangan halak, dos songon hoda na marlojong tu parporangan do nasida.
7 Haru burung bangau diboto do andigan tikkina lao pinda,
Jala anduhur, burung walet, dohot burung bulbul,* toktong do diboto andigan tikkina lao mulak,
Alai anggo bangsokki, laos so diattusi do aturan naung ditottuhon Jahowa.”’+
8 ‘Barani do hamu mandok, “Marbisuk do hami, adong do di hami patik* ni Jahowa.”
Hape holan lao manurat akka gabus do dipakke pulpen*+ ni akka sekretaris i.
9 Dipaila do akka halak na marbisuk,+ mabiar do nasida jala tartakkup di bagasan jorat.
Ai dang dijalo nasida hata ni Jahowa,
Attong bisuk na songon dia do na adong di nasida?
10 Lehonokku ma istri ni nasida tu bawa na asing,
Ladang ni nasida gabe appuna ni halak na asing,+
Mulai sian akka na poso sahat tu na matua, sude do mangalului uttung marhite dalan na so sittong.+
Mulai sian panurirang sahat tu malim, holan na manipu.+
11 Leas do roha ni nasida tu lukka ni bangsokki,* jala naeng diubati nasida do,
Didok nasida ma, “Aman do sude! Dame do sude!”
Hape so adong dame.+
12 Nungnga diulahon nasida ulaon na huhagigihon, tung hea ma nasida maila?
Daong! Tung so maila do nasida nanggo otik,
Tung so adong do nasida maila!+
Madabu ma nasida di tonga-tonga ni halak na madabu.
Jala tartuktuk+ ma nasida tikki hona hukum nasida hubahen,’ ninna Jahowa.
13 Didok Jahowa ma, ‘Di tikki hupapungu nasida, pamateonku ma nasida sude,
Jala dang adong be anggur di hau anggur ni nasida, jala hau ara ni nasida pe dang adong be, haru bulungna pe nungnga malos.
Aha naung hulehon tu nasida, ikkon mago sian nasida.’”
14 “Boasa sai hundul hita dison?
Beta ma hita marpungu jala masuk tu akka kota na marbenteng,+ disi ma hita mate.
Ai pamateon ni Jahowa Debatanta i nama hita sude,
Lehononna ma aek na marraccun inumotta,+
Ai nungnga mardosa hita tu Jahowa.
15 Tapaima-ima do hadameon, alai dang adong ro na denggan,
Sai tapaima-ima do asa dipamalum hita, alai biar ni roha do na ro!+
16 Nungnga tarbege sian huta Dan, soara ni hoda na hosa-hosa,
Dohot soara ni hoda jantan na marngiak,
Hutur-hutur do dibahen sude luat i.
Masuk ma musu jala dibahen ma hancur sude luat i dohot sude isina,
Akka kotana, dohot akka pendudukna.”
17 “Parookku ma akka ulok tu tonga-tongamuna,
Akka ulok na marbisa na so boi dipajinak mamakke mantra,
Turbingonna ma hamu,” ninna Jahowa.
18 Dang tarubatan be lungun ni rohakki,
Nungnga haccit situtu ate-atekku.
19 Sian na dao, nungnga tarbege soara ni na mangandungi lao mangido asa diurupi
Soara na sian bangsokki,*
Didok do, “Na so di Sion do Jahowa?
Na so disi do rajana?”
“Boasa dibahen nasida haccit rohakku marhite akka patung ni nasida,
Dohot marhite akka debata na asing na so marguna i?”
20 “Nungnga salpu musim panen jala nungnga marujung musim panas,
Alai dang dipalua Ibana dope hita!”
Jala mabiar situtu do au.
22 Na so adong do miak balsam* di Gilead?+
Na so adong do pangubati disi?+