Jeremia
48 Songon on ma hata ni Jahowa Pamimpin ni Akka Tentara* Debata ni Israel tu Moab,+
“Marjea ma Nebo,+ ai nungnga dihancurhon be ibana!
Nungnga dipaila be Kiriataim+ jala nungnga ditaluhon.
Nungnga dipaila be inganan marlinggom* na togu i jala nungnga dihancurhon.+
2 Dang pujion ni nasida be Moab.
Direncanahon nasida do di Hesbon+ lao manghancurhon ibana.
Didok do, ‘Beta ma tahancurhon sude bangso i.’
Ale Madmen, dang boi be ho makkatai,
Ai adong do podang na mangalele ho.
3 Tarbege do soara ni na mangangguki sian Horonaim,+
Ai nungnga hancur luat i jala nungnga masa hasusaan na massai balga tu nasida.
4 Nungnga hancur be Moab.
Nungnga mangangguki be akka dakdanak.
5 Di dalan lao nakkok tu Luhit, tarbege do soara ni halak na mardalan na huhut sai tangis.
Di dalan na lao turun sian Horonaim, tarbege do soara ni halak na mangandungi alani posi ni hasusaan i.+
6 Lari ma hamu, selamatton hamu ma dirimuna!
Ikkon gabe songon sada hau juniper na di gurun ma hamu.
7 Ale Moab, marhaposan do ho tu akka na niulam dohot tu artam,
Alani i ditaluhon nama ho.
Diboan nama Kamos+ debatami tu luat ni musu,
Rap dohot malim dohot akka pamimpin na marhobas di jolona.
8 Masuk ma akka panegai tu ganup kota,
Dang adong nanggo sada pe kota i na so sega.+
Hancur ma rura,
Jala hancur ma tano na datar dos songon naung didok Jahowa.
9 Bahen ma tanda di dalan lao tu Moab,
Ai lari nama ibana tikki diruppakkon.
Gabe inganan na massai ngeri nama akka kotana,
Jala dang adong na mangingani.+
10 Hona bura ma halak na marmeam-meam mangulahon tugas na sian Jahowa!
Hona bura ma halak na so mambuat podang sian ingananna lao mambunu!
11 Dang adong na mangganggu ngolu ni halak Moab mulai sian na poso nasida,
Dang hea nasida diboan tu luat ni musu.
Dos do nasida songon anggur na diendappon di sada inganan,
Na so hea diusehon sian sada inganan tu inganan na asing.
Alani i ma, toktong do sarupa daina,
Jala toktong do angur, dang hea muba.
12 “‘Alani i, na lao juppang ma tikkina, suruokku ma akka halak mangusehon nasida songon anggur,’ ninna Jahowa. ‘Dung i, diusehon ma nasida jala dipakosong ma akka inganan ni nasida i. Diputtarhon ma akka gucci na balga inganan ni nasida i. 13 Na lao maila ma halak Moab alani Kamos debatana i, dos songon halak Israel na maila alani Betel na diasakkon nasida najolo i.+
14 Barani do ho mandok, “Akka tentara na gogo do hami, nungnga rade hami lao marporang.”’+
15 ‘Nungnga dihancurhon be Moab,
Nungnga diserang be akka kotana,+
Nungnga dipamate akka doli-dolina na unjago,’+
Didok Raja Pamimpin ni Akka Tentara na margoar Jahowa.+
16 Dang leleng nai be, ro nama jea tu halak Moab,
Jala tibu nama diruppakkon nasida.+
17 Sude na mamboto goar ni nasida,
Dohot sude na adong di sakaliling ni nasida marasi ni roha mangida nasida.
Dokkon ma tu nasida, ‘Nungnga maponggol be tukkot na togu i, tukkot na uli i!’
18 Ale penduduk ni Dibon,+
Turun ma hamu sian ingananmu na sangap i, hundul ma hamu huhut mauas,*
Ai nungnga ro be tu hamu na manghancurhon Moab.
Diruppakkon+ ibana nama akka bentengmuna.
19 Ale penduduk ni huta Aroer,+ jongjong ma hamu di akka dalan.
Jala parrohahon hamu ma, sukkun hamu ma tu akka bawa dohot tu akka borua na lari i, ‘Ai aha na masa?’
20 Nungnga dipaila be halak Moab, jala nungnga mabiar nasida sude.
Tangis jala mangandungi ma sagogo ni gogona.
Paboa ma di Arnon+ naung dihancurhon Moab.
21 “Nungnga ro be hukuman tu tano na datar i,+ tu Holon, tu Jahas,+ tu Mepaat,+ 22 tu Dibon,+ tu Nebo,+ tu Bet-diblataim, 23 tu Kiriataim,+ tu Bet-gamul, tu Bet-meon,+ 24 tu Keriot,+ tu Bosra, dohot tu sude kota na di Moab na dao manang na jonok.
25 ‘Nungnga dihancurhon be hagogoon* ni Moab,
Jala nungnga diponggolhon be tanganna,’ ninna Jahowa.
26 ‘Bahen ma ibana mabuk,+ ai ginjang do rohana tu Jahowa.+
Marguling-guling ma Moab di atas ni uta-utana,
Jala direhei halak ma ibana.
27 Najolo direhei+ ho do kan halak Israel?
Ai na rap do ibana dohot panakko diida ho,
Umbahen na mangupir-upir ulum jala dihata-hatai ho ibana?
28 Ale penduduk ni Moab, lao ma hamu sian akka kota jala tinggal ma hamu di dolok batu,
Dos songon darapati na marasar di liang na di dolok.’”
29 “Nungnga dibege hami be taringot tu ginjang ni roha ni Moab i.
Ginjang situtu do rohana, sombong do ibana, ginjang do rohana, jala dietong rohana do ibana na ussangap.”+
30 “‘Huboto do parmuruk ibana,’ ninna Jahowa.
‘Alai dang marlapatan sude hatana i.
Dang tutu adong naeng ulahonon ni nasida.
31 Alani i do mangangguki Au sagogo ni gogona mangida halak Moab,
Mangandungi ma Au alani na masa tu halak Moab
Jala sai tangis ma Au mangida halak Kir-heres.+
32 Ale hau anggur Sibna,+ huandungi nama ho.
Huandungi ma ho lobi sian di tikki Au mangandungi Jaser,+
Nungnga manjirir be akka rattingmu na lomak i tu laut.
Nungnga manaripar be i sahat tu laut, tu Jaser.
Nungnga ro be panegai,+
Manghancurhon akka buah musim panasmu dohot panen anggurmu.
33 Nungnga mago be hasonangan dohot soara ni na marlas ni roha sian akka ladang.
Nungnga mago be i sian luat Moab.+
Nungnga hupaso be anggur na mardalan sian inganan pamoroan.
Dang adong be na mandege-dege anggur disi huhut marlas ni roha.
Dang soara ni na marlas ni roha be na tarbege disi.’”+
34 “‘Soara ni na marsurak sian Hesbon+ tarbege do i sahat tu Eleale.+
Jala sahat do i muse tu Jahas,+
Soara na mangandungi sian Zoar tarbege do sahat tu Horonaim,+ sahat tu Eglat-selisia.
Jala aek na di Nimrim pe nungnga koring.+
35 Dang adong be halak na mamboan pelean tu inganan panombaon,*
Jala na mangalehon pelean tu akka debatana,
Bahenokku ma masa i di Moab,’ ninna Jahowa.
36 ‘Alani i, songon suling* do soara ni andung-andung ni rohakku alani Moab.+
Jala songon soara ni suling* do andung-andung ni rohakku mangida halak Kir-heres.
Ai dihancurhon nama sude hamoraon na pinapunguna i.
37 Ai nungnga sude mancukkur obukna sappe botak,+
Sude do mancukkur janggutna,
38 “‘Holan soara ni na mangandungi do na tarbege
Di sude atap ni jabu na di Moab,
Dohot di sude lapangan ni kotana.
Ai nungnga huhancurhon be Moab
Dos songon gucci na dibolokkon,’ ninna Jahowa.
39 ‘Massai mabiar situtu do Moab i!
Mangandungi ma hamu sagogo ni gogona, ale penduduk ni Moab!
Nungnga mundur be Moab i alani ilana, gabe direhei sude halak do Moab i,
Jala mabiar do sude halak na di sakalilingna alani na masa tu ibana.’”
40 “Ai songon on do hata ni Jahowa,
‘Dos songon lali na pahembangkon habongna lao manakkup mangsana,+
Songon i ma musu i pahembangkon habongna tu atas ni Moab.+
41 Dihancurhon ma akka kotana,
Jala ditaluhon ma akka bentengna.
Di tikki i mabiar ma akka tentara ni Moab,
Dos songon pakkilalaan ni borua na naeng partus.’”
43 Ale penduduk ni Moab,
Di jolomuna do biar ni roha, lubang, dohot jorat,’ ninna Jahowa.
44 ‘Akka na lari sian biar ni roha madabu tu lubang,
Jala halak na kaluar sian lubang hona jorat.’
‘Ai parookku nama taon panguhuman tu Moab,’ ninna Jahowa.
45 ‘Dang na lao diurupi akka halak na lari mangalului parlinggoman tu Hesbon.
Kaluar nama api sian Hesbon,
Api na marjibbur-jibbur sian Sihon.+
Tutungonna ma ulu ni halak Moab,
Dohot ulu ni sude tentara na jahat.’+
46 ‘Marjea ma ho ale Moab!
Nungnga mate be sude na manomba debata Kamos.+
Nungnga ditakkup musu akka anakmu,
Nungnga diboan musu be akka borum.+
47 Alai di ujung ni na masa i, papunguokku do sude halak Moab na ditakkup musu,’ ninna Jahowa.
‘Songon on ma ujung ni barita panguhuman tu Moab.’”+