Hesekiel
27 Dung i didok Jahowa ma muse tu au, 2 “Ale anak ni jolma, endehon ma ende andung-andung taringot tu Tirus.+ 3 Dokkon ma tu Tirus,
‘Ale ho na tinggal di dalan masuk lao tu laut,
Ho na martiga-tiga tu akka bangso na ro sian godang pulo,
Songon on ma hata ni Jahowa Tuan Natumimbul i,
“Ale Tirus, ho sandiri do na mandok, ‘Massai bagak situtu do au.’+
4 Di tonga-tonga ni laut do ingananmu,
Jala dibahen akka tukkangmu do ho lam uli situtu.
5 Dibahen nasida do sude papanmu sian hau juniper na sian Senir,+
Jala dibuat nasida do hau ares na sian Libanon lao mambahen tiang ni kapalmu.
6 Dibahen nasida do hau ni dayungmu sian hau ek* na sian Basan,
Jala bagian jolo ni kapalmu dibahen sian hau cemara na dilappis dohot gading na sian pulo Kittim.+
7 Layar ni kapalmu dibahen sian kain linen na marwarna-warni na sian Mesir,
Jala kain tenda* ni kapalmu dibahen sian bonang na balau dohot wol na ungu na sian pulo Elisya.+
8 Penduduk ni Sidon dohot Arwad+ do pandayung ni kapalmu.
Ale Tirus, akka halak na malo na sian kotami do akka anak buah ni kapalmu.+
9 Akka halak na malo jala na marpengalaman* na sian Gebal+ do na manutupi lubang-lubang ni kapalmu.+
Sude kapal na di laut dohot halak na karejo di laut ro do tu ho lao manggadis akka tiga-tigana.
10 Halak Persia, halak na sian luat Lud, dohot na sian luat Put+ do tentaram lao marporang.
Digattukkon nasida do perisai dohot takkuluk bosi ni nasida tu ho, jala dibahen nasida do ho lam sangap.
11 Halak Arwad na sian tentarami do na manjaga di sakaliling ni tembokmu,
Jala akka bawa na barani do na manjaga akka menaram.
Digattukkon nasida do akka perisai na bulat di sakaliling ni dinding ni tembokmu,
Jala nasida do na mambahen ho lam uli.
12 “‘“Martiga-tiga do Tarsis+ tu ho. Ai tung godang situtu do hamoraonmu.+ Dilehon nasida do perak, bosi, timah putih, dohot timah hitam lao ditukkar tu akka barang-barangmu.+ 13 Martiga-tiga do Javan, Tubal,+ dohot Mesek+ tu ho. Dilehon nasida do akka hatoban+ dohot akka barang-barang na sian tombaga lao ditukkar dohot akka tiga-tigam. 14 Dilehon akka pinoppar ni si Togarma+ do hoda, hoda lao marporang, dohot halode* lao ditukkar tu akka barang-barangmu. 15 Martiga-tiga do halak Dedan+ tu ho. Akka partiga-tiga na sian godang pulo karejo tu ho. Dilehon nasida do tanduk na sian gading+ dohot hau na birong gabe silehon-lehon tu ho. 16 Martiga-tiga do Edom dohot ho alani godang ni barang na dibahen ho. Dilehon nasida do batu turkois, bonang wol na ungu, kain na disulam na marwarna-warni, kain na halus, koral,* dohot permata na merah* lao ditukkar tu akka barang na dibahen ho.
17 “‘“Ro do Juda dohot halak na sian luat ni Israel lao martiga-tiga tu ho. Dilehon nasida do gandum na sian Minit,+ sipanganon na dumenggan, madu,+ miak, dohot balsam*+ lao ditukkar dohot akka barang-barangmu.+
18 “‘“Martiga-tiga do Damaskus+ tu ho alani godang ni akka barang-barangmu dohot alani hamoraonmi. Diboan nasida do anggur na sian Helbon dohot wol na sian Sahar* lao ditukkar tu akka barang-barangmi. 19 Dilehon Wedan dohot Javan na sian Usal do bosi naung ditopa, hau lawang,* dohot jarango* lao ditukkar tu akka barang-barangmi. 20 Dilehon Dedan+ do kain* na dibahen gabe hundulan di atas ni hoda lao ditukkar dohot akka tiga-tigam. 21 Dibahen ho do halak Arab dohot sude pamimpin ni Kedar+ gabe parkarejom. Martiga-tiga anak ni biru-biru, biru-biru jantan, dohot hambing+ do nasida. 22 Ro do partiga-tiga na sian Seba dohot Raama+ lao martiga-tiga tu ho. Dilehon nasida do marragam akka miak na angur, batu na arga, dohot mas lao ditukkar dohot akka barangmu.+ 23 Ro do halak na sian Haran,+ sian Kanne, sian Eden,+ rap dohot partiga-tiga na sian Seba,+ sian Assur,+ dohot na sian Hilmad lao martiga-tiga tu ho. 24 Dijual nasida do pakkean na denggan, jubah na sian kain na balau, kain naung disulam na marwarna-warni, dohot karpet na marwarna-warni di akka pasarmu. Diikkat nasida do i gomos mamakke tali.
25 Akka kapal na sian Tarsis+ do na mamboan akka barang tiga-tigam,
Gabe gok ma artam jala mamora* situtu ma ho di tonga-tonga ni laut.
26 Diboan akka pandayungmi ma ho tu laut na margalumbang,
Angin na sian timur mambahen ho lonong di tonga ni laut.
27 Hamoraonmu, barang-barangmu, tiga-tigam, akka parkarejom na karejo di laut, anak buah ni kapalmu,
Na manutup lubang ni kapalmu, na martiga-tiga dohot ho,+ jala sude tentaram,+
Tutu, sude na adong di ho,
Na lao lonong ma sudena i di tonga-tonga ni laut di ari tikki didabuhon ho.+
28 Tikki mangangguki akka anak buah ni kapalmu, humutur ma topi ni laut.
29 Turun ma sude akka na mandayung kapalmu, akka halak na karejo di laut, dohot sude anak buah ni kapalmu
Turun ma nasida sian kapal ni nasida jala jongjong di darat.
30 Mangangguki ma nasida jala sai tangis alani biarna+
Huhut ma disappatton nasida abu tu ulu ni nasida jala marguling-guling di tano i.
31 Dibotaki nasida ma obuk ni nasida jala dipakke nasida ma abit goni,
Mangandungi ma nasida alani ponjot ni rohana huhut sai tangis gogo.
32 Huhut sai mangandungi diendehon nasida ma ende andung-andung. Diendehon nasida ma songon on,
‘Ise ma na songon Tirus? Saonari dang tarbege be agia aha sian ibana di tonga-tonga ni laut.+
33 Tikki ro barang-barangmu sian laut, dibahen ho do puas godang bangso.+
Alani hamoraonmu dohot akka tiga-tigami dibahen ho do mamora akka raja na di tano on.+
34 Saonari nungnga lonong be ho di laut, di aek na massai bagas,+
Sude akka tiga-tigam dohot sude akka rakyatmu lonong do rap dohot ho.+
35 Longang do sude penduduk ni akka pulo mangida ho,+
Jala hitir-hitir do raja ni nasida alani biarna,+
Tarida do na marsak nasida sian bohi ni nasida.
36 Alani longang ni rohana, marsiul* ma akka partiga-tiga na di tonga-tonga ni bangso mangida na masa tu ho.
Toppu do ho dibahen marujung jala massai haccit do i,
Dang adong be ho saleleng ni lelengna.’”’”+