Jeremia
46 Songon on ma hata ni Jahowa tu Panurirang* Jeremia taringot tu akka bangso.+ 2 Songon on ma hatana taringot tu Mesir,+ taringot tu tentara ni si Firaun Neko+ raja ni Mesir, na di pinggir ni Sunge Euprat naung ditaluhon si Nebukadnesar* raja ni Babel di Karkemis, di taon na paopatton pamarettaon ni si Jehoyakim+ anak ni si Josia raja ni Juda,
3 “Parade hamu ma perisaimuna na gelleng* dohot perisaimuna na balga,
Jala maju ma hamu tu parporangan.
4 Hamu akka na hundul di atas ni hoda, parade hamu ma hodamuna jala nakkok ma hamu.
Buat be ma ingananna jala pakke ma takkuluk bosimuna.
Patajom hamu ma akka tombak* sappe marhillong, pakke hamu ma baju partahananmuna.
5 ‘Boasa massai mabiar situtu nasida huida?
Mundur do nasida, ditaluhon do akka tentara ni nasida.
Lari do nasida sahatop ni hatopna, dang olo nasida mangida tu pudi.
Biar ni roha do na adong manang didia pe,’ ninna Jahowa.
6 ‘Na hatop marlojong, dang boi lari jala tentara na gogo dang boi malua.
Di utara, di topi ni Sunge Euprat,
Tartuktuk do nasida jala mardabuan.’+
7 Ise do na ro i, na ro songon Sunge Nil,
Songon sunge na margalumbang?
8 Ro do halak Mesir songon Sunge Nil,+
Songon sunge na margalumbang,
Didok ibana do, ‘Ro nama au jala gok do bahenokku tano on.
Hancur ma bahenokku kota i dohot pendudukna.’
9 Hamu akka hoda maju ma hamu!
Mardalan ma hamu hatop, hamu akka kareta porang!
Lok ma maju akka tentara,
Maju ma hamu Kus dohot Put, na mamboan akka perisai,+
10 “Ari ni Jahowa Tuan Natumimbul Pamimpin ni Akka Tentara* i do i, ari lao mambalosson akka musuna. Mate ma nasida dibahen podang. Sappe butong ma podang i jala puas manginum mudar ni nasida. Ai massai godang do halak na dipamate* Jahowa Tuan Natumimbul Pamimpin ni Akka Tentara i di luat na di sabola utara di labbung ni Sunge Euprat.+
Alai dang adong be gunana nang pe dipakke ho massai godang ubat,
Ai dang na boi be ho malum.+
12 Nungnga dibege akka bangso naung marlea ho,+
Jala tarbege do soara ni andung-andungmu di sude luat i.
Ai tartuktuk do sahalak tentara dibahen tentara na asing,
Jala rap madabu do halak i na dua.”
13 Songon on do hata ni Jahowa tu Panurirang Jeremia taringot tu si Nebukadnesar* raja ni Babel na lao ro marporang tu luat ni Mesir.+
14 “Paboa ma i di Mesir, baritahon ma i di Migdol.+
Baritahon ma i di Nop* dohot di Tahpanhes.+
Dokkon ma, ‘Lao ma hamu tu ingananmuna be jala parade hamu ma dirimuna,
Ai allangon ni podang nama sappe habis sude na adong di sakalilingmuna.
15 Boasa dipamate sude tentaram na gogo i?
Dang boi nasida martahan,
Ai Jahowa do naung manaluhon nasida.
16 Massai godang situtu do na tartuktuk jala na madabu.
Didok nasida do tu donganna,
“Jongjong ma ho! Beta ma hita mulak tu bangsotta i, tu hutatta i
Ai nungnga massai godang halak na mate dibahen podang.”’
17 Didok nasida ma di inganan i,
‘Holan hata do di si Firaun raja ni Mesir i,
Dipasombu ibana do salpu tikki na denggan i.’+
18 ‘Didok raja na margoar Jahowa Pamimpin ni Akka Tentara i ma, ‘Songon pastina Au Debata na mangolu,*
‘Dos songon Dolok Tabor+ na untibbo di tonga-tonga ni akka dolok
Jala dos songon Dolok Karmel+ na di topi ni laut, songon i ma parro ni ibana.*
19 Ale penduduk ni Mesir,
Parade hamu ma akka barang siboanonmuna tikki diboan musu hamu.
Ai na lao gabe inganan na massai ngeri nama kota Nop,*
Na lao ditutung* nama i, jala dang adong be na mangingani i.+
20 Dos songon lombu* na uli do Mesir i,
Alai ro do rongit sian utara lao makkarat ibana.
21 Jala dos songon anak ni lombu na mokmok do akka tentara ni nasida na digaji,
Alai mundur do nasida jala lari.
Dang boi nasida martahan,+
Ai nungnga juppang ari hasusaan i tu nasida,
I ma ari panguhuman ni nasida.’
22 ‘Soarana dos songon ulok na marlisik na lao mandao,
Ai ro do musu ni nasida na gogo mamboan kampak lao mangalele nasida,
Dos songon halak na manaba hau.
23 Nang pe idaon songon na so boi dibolus tombakna i,’ alai ditaba nasida do akka hau na disi, ninna Jahowa.
Ai unggodang do nasida sian belalang, dang taretong godang ni nasida.
24 Na lao dipaila ma penduduk ni Mesir.
Na lao dipasahat ma ibana tu bangso na sian utara.’+
25 “Didok Jahowa Pamimpin ni Akka Tentara, Debata ni Israel i ma, ‘Saonari parookku ma hukuman tu Amon+ na sian No,*+ tu si Firaun, tu Mesir, tu akka debatana,+ dohot tu akka rajana. Tutu, hukumokku ma si Firaun dohot sude na porsea tu ibana.’+
26 “‘Pasahatonku ma nasida tu tangan ni akka halak na naeng mambunu nasida. Pasahatonku ma nasida tu tangan ni si Nebukadnesar* raja ni Babel+ dohot tu akka tentarana. Alai dukkon i, na lao diingani ma muse Mesir songon najolo i,’ ninna Jahowa.+
27 ‘Jala ho Jakkob naposokku, unang pola mabiar ho,
Unang pola hitir-hitir ho, ale Israel.+
Ai selamat do ho bahenokku sian inganan na dao,
Rap dohot akka pinopparmu sian luat ni akka musu.+
Ai na lao mulak do muse si Jakkob, sonang ma ngoluna jala dang adong na mangganggu,
Jala dang adong be na mambahen nasida mabiar.+
28 Ale ho Jakkob naposokku, unang pola mabiar ho, ai Au do na mandongani ho,’ ninna Jahowa.