Job
7 “Dipaksa do jolma karejo saleleng ni ngoluna,
Jala songon kuli do nasida saleleng mangolu.+
2 Songon hatoban na mangalului inganan manisio,
Jala songon kuli na paima-imahon gajina.+
3 Dang marguna ngolukku marbulan-bulan
Jala susa do huhilala ganup borngin.+
4 Tikki modom, sukkun-sukkun do rohakku, ‘Andigan do au dungo?’+
Tikki borngin dang sonang au modom sahat tu manogot.*
6 Ukkatop do salpu ngolukku sian pardalan ni alat ni partonun,+
Jala salpu do i so adong be na diharappon.+
8 Ibana na mangida au saonari, dang na lao idaonna be au.
Luluanmu ma au alai dang juppangmu be.+
10 Dang na lao mulak be ibana tu jabuna,
Jala dang ingoton ni halak na di ingananna be ibana.+
11 Alani i, dang olo be au sai hohom.*
Paboaokku nama haccit ni rohakku.
Morong-orong nama au alani borat ni sitaonokku!+
12 Boasa pola suruonmu asa dijaga au?
Na dirippu Ho do laut au manang binatang raksasa na di laut?
13 Tikki hudok, ‘Hupapeak ma jo asa tabo huhilala,
Bahenon ni podomakki do ra moru sitaonokki.’
14 Hape dipabiar-biar Ho do au marhite nipi
Jala dibahen Ho do au taroktokon marhite parnidaan,
15 Alani i, tumagon ma au dipokkikkon,
Tumagon ma au mate unang apala songon on ngolukku.+
16 Magigi do au tu ngolukkon,+ dang olo be au mangolu.
Pasombu ma sahalakku, ai holan sangombus do ari-arikku.+
18 Boasa ma dipareso Ho ibana ganup manogot
Jala diuji Ho ibana ganup tikki?+
19 Boasa sai dipanotnoti Ho au?
Tinggalhon jo au apala satokkin asa sanga huboddut ijurhu.+
20 Ale Ho Sijaga jolma, molo tung pe mardosa au, rugi haroa Ho hubahen?+
Boasa holan au torus gugaanmu?
Adong hususai Ho?
21 Boasa dang disalpuhon Ho hasalaakku
Jala disesa Ho dosakku?
Mate nama au satokkin nai jala mulak tu tano,+
Luluanmu ma au, alai dang berengonmu be.”