1 Kronika
16 Dipeakkon nasida ma poti parpadanan ni Debata na sittong di kemah naung dipajongjong si Daud hian.+ Dung i, dipelehon nasida ma pelean situtungon dohot pelean pardamean* di jolo ni Debata na sittong.+ 2 Dung sae dipelehon si Daud pelean situtungon+ dohot pelean pardamean i,+ dipangido si Daud ma di bagasan goar ni Jahowa, asa dipasu-pasu bangso i. 3 Dibagihon si Daud ma kue golang-golang, kue kurma, dohot kue kismis tu sude halak Israel i, tu bawa nang tu borua. 4 Dipillit si Daud ma deba halak Lepi lao marhobas di jolo ni poti parpadanan ni Jahowa.+ Dipuji nasida ma Jahowa Debata ni Israel, dipasangap, jala didok ma mauliate tu Ibana. 5 Si Asap+ ma pamimpin ni nasida, jala si Sakaria na paduahon. Na mamakke alat musik na martali dohot na marharpa,+ i ma si Jeiel,+ si Semiramot, si Jehiel, si Matitia, si Eliab, si Benaya, si Obed-edom, dohot si Jeiel. Si Asap ma na marsimbal.*+ 6 Malim Benaya dohot Malim Jehasiel ma na toktong martarompet di jolo ni poti parpadanan ni Debata na sittong.
7 Di ari i ma parjolo sahali dibahen si Daud ende puji-pujian lao mandok mauliate tu Jahowa. Disuru ma si Asap+ dohot halak Lepi na asing mangendehon i. On ma endena:
10 Marlas ni roha ma hamu mamuji goarna na badia i.+
Marlas ni roha ma halak na mangalului Jahowa.+
11 Lului ma Jahowa+ jala pangido ma gogo sian Ibana.
12 Ingot ma akka ulaonna na palongang roha,+
Akka tanda halongangan* dohot akka hukum na dipaboa Ibana,
13 Ale pinoppar ni Israel naposona,+
Ale akka anak ni si Jakkob, halak na pinillitna.+
14 Ibana do Jahowa Debatanta.+
Ibana do hakim di saluhut tano on.+
15 Ingot ma parjanjian na binahenna saleleng ni lelengna,
Janji na dibahen Ibana* tu saribu sundut.*+
16 Parjanjian na dibahen Ibana tu si Abraham,+
Dohot sumpana tu si Isak,+
17 Dibahen Ibana do sumpa i gabe jaminan tu si Jakkob+
Jala gabe parjanjian tu halak Israel saleleng ni lelengna,
18 Didok Ibana do, ‘Lehonokku do tu hamu tano Kanaan+
Lehonokku do i gabe parbagiananmuna.’+
19 Dibahen Ibana do janji i tikki otik dope hamu,
Massai otik dope hamu, jala manoppang dope hamu disi.+
20 Marpinda-pinda do nasida sian sada inganan tu inganan na asing,
Sian sada harajaon tu harajaon na asing.+
21 Dang diloas Ibana manang ise mambahen nasida susa,+
Alani nasida, dipissang Ibana do akka raja,+
22 Didok Ibana do, ‘Unang ma hahua hamu akka halak na hupillit,*
23 Puji hamu ma Jahowa, ale saluhut tano on!
Paboa hamu ma haluaon na sian Ibana ganup ari!+
24 Paboa ma hasangaponna tu akka bangso,
Akka halongangan na binahenna tu sude jolma.
25 Ai na sangap do Jahowa jala patut do pujion.
Ibana do sihabiaran, dang akka debata na asing.+
28 Puji ma Jahowa ale akka bangso,
Puji hamu ma Jahowa alani hasangapon dohot huasona.+
Marsomba ma hamu tu Jahowa mamakke baju na badia.*+
30 Hamu akka na di tano on, habiari hamu ma Ibana!
Dibahen Ibana do hot tano on jala dang tarhutur.+
31 Marlas ni roha ma langit, jala marlas ni roha ma tano on.+
Paboa ma tu akka bangso, ‘Nungnga gabe Raja be Jahowa!’+
32 Sai dipuji laut dohot nasa isina ma Ibana.
Marlas ni roha ma akka ladang dohot sude na disi.
33 Marlas ni roha ma di jolo ni Jahowa akka hau na di harangan,
Ai ro do* Ibana mangadili tano on.
34 Mandok mauliate ma tu Jahowa, ai na burju do Ibana.+
Toktong do dipatudu Ibana holong ni rohana* sahat tu saleleng ni lelengna.+
35 Jala dokkon ma, ‘Palua ma hami ale Debata sipalua hami.+
Papungu ma hami jala palua ma hami sian akka bangso,
Asa hupuji hami goarmu na badia i+
Jala hupasangap hami Ho.+
36 Sai dipuji ma Jahowa Debata ni Israel
Sahat tu saleleng ni lelengna.’”
Sude ma bangso i mandok, “Amen!”* jala dipuji nasida ma Jahowa.
37 Dung i lao ma si Daud. Ditadikkon ibana ma si Asap+ dohot halak Lepi na asing di jolo ni poti parpadanan ni Jahowa. Nasida ma na marhobas di jolo ni poti i,+ songon naung somal diulahon nasida ganup ari.+ 38 Akka na manjaga gerbang, i ma si Obed-edom dohot 68 halak Lepi na asing. Dohot do muse si Obed-edom anak ni si Jedutun dohot si Hosa. 39 Adong do muse Malim Sadok+ dohot akka malim na asing na martugas di jolo ni tabernakel ni Jahowa na di Dolok Gibeon.+ 40 Nasida ma na toktong mangalehon pelean situtungon tu Jahowa. Dilehon nasida do i di langgatan ni pelean situtungon ganup manogot dohot borngin. Diulahon nasida do sude na tarsurat di Patik na nilehon ni Jahowa tu halak Israel.+ 41 Dohot do muse si Heman, si Jedutun,+ dohot halak Lepi na asing naung dipillit goarna. Dipuji nasida do Jahowa,+ ai “toktong do dipatudu Ibana holong ni rohana* sahat tu saleleng ni lelengna”.+ 42 Si Heman+ dohot si Jedutun ma na martarompet, marsimbal, dohot na mamakke alat musik na asing lao mamuji* Debata na sittong. Jala akka anak ni si Jedutun+ ma na manjaga gerbang. 43 Dung i mulak ma halak Israel tu jabuna be. Mulak ma nang si Daud tu jabuna jala mandok hata ma ibana tu keluargana.