PARJAMITA

1 On ma hata ni parjamita,*+ anak ni si Daud, raja di Jerusalem.+

 6 Mangullus ma alogo tu selatan jala mulak ma i muse tu utara.

Torus do mulak-ulak songon i alogo i mangullus, jala dang hea so.

 7 Marpungu do sude aek ni sunge* tu laut, alai dang hea gok laut i.+

Mulak do muse aek i tu inganan haroroanna, jala songon i ma mulak-ulak.+

10 Boi do haroa dohonon ni halak, “Dang hea dope masa songon on”?

12 Au parjamita i, au do raja ni Israel na mamaretta di Jerusalem.+ 13 Hulehon do rohakku jala hupakke do bisukku+ lao mamparsiajari jala mamareso akka ulaon na di tano on.+ Hupareso do sude ulaon na dilehon Debata tu anak ni jolma i, na mambahen nasida loja jala suda tikkina.

16 Dung i hudok ma di bagasan rohakku, “Marbisuk situtu do au. Dao do umbisuk au sian akka halak na parjolo tubu sian au, na hea mangolu di Jerusalem.+ Jala dapottu do godang parbinotoan dohot bisuk.”+ 17 Marsitutu do au asa dapottu bisuk, asa huboto akka ulaon na oto,+ dohot akka ulaon na oto situtu. Jala on pe, dos do songon na mangalele alogo.

2 Dung i hudok ma di bagasan rohakku, “Saonari pasonangokku ma jo dirikku asa huida atik na las do rohakku manang na dang.” Alai sia-sia do i sude.

 2 Hudok ma, “Oto do molo sai mekkel.”

Hudok ma muse, “Dang adong gunana pasonang roha.”

3 Hea do hudok di bagasan rohakku, huinum ma jo anggur lao pasonang rohakku,+ alai sai hujaga do asa toktong au marbisuk. Gariada huulahon do akka ulaon na oto. Ai naeng huboto do aha na dumenggan bahenon ni jolma di tano on saleleng ni ngoluna na jeppek on. 4 Huulahon do akka ulaon na balga.+ Hupajongjong do akka jabu di au.+ Hubahen do akka porlak anggur lao di au.+ 5 Hubahen do akka taman dohot akka ladang lao di au jala husuani do disi sude hau na marparbue. 6 Hubahen do akka kolam asa adong aek tu akka hau na baru tubu di harangan. 7 Hutambai do akka hatobanku bawa nang borua+ jala adong do akka hatobanku na tubu di jabukku. Hutuhor do muse godang lombu jantan dohot biru-biru,+ unggodang sian appuna ni akka ompukku na di Jerusalem. 8 Hupapungu do perak dohot mas+ na sian akka harajaon dohot provinsi.+ Hupapungu do muse akka parende bawa nang borua, songon i nang akka na palashon roha ni anak ni jolma, i ma borua, gariada massai godang borua. 9 Gabe lam mamora ma au, gariada dao do au ummora sian akka halak na hea mangolu di Jerusalem.+ Jala toktong do au marbisuk.

10 Huulahon do sude lomo ni rohakku.*+ Dang hutahan dirikku mangulahon sude lomo ni rohakki. Las do rohakku mangida sude na huulahon, jala i do upa* ni sude halojaokku.+ 11 Alai hupikkiri ma sude ulaonku dohot sude halojaokku.+ Gabe huboto ma dang marguna i sude, dos songon na mangalele alogo.+ Sia-sia do sude na di tano on.+

12 Dung i hulehon ma rohakku asa dapottu bisuk, asa huboto akka ulaon na oto,+ dohot akka ulaon na oto situtu. Jala hudok ma di bagasan rohakku, “Molo mate au, tong do songon na hubahen i bahenon ni akka halak.” 13 Gabe huboto ma dumenggan do bisuk sian haotoon,+ dos songon na tiur dumenggan sian na holom.

14 Takkas do diida halak na marbisuk dalanna.*+ Alai anggo halak na oto mardalan do di na holom.+ Alai huboto ma muse sarupa do ujung ni nasida.+ 15 Dung i hudok ma di bagasan rohakku, “Manang aha na masa tu halak na oto, na lao masa do i tu au.”+ Attong aha ma gunana marbisuk au? Hudok ma muse di rohakku, “On pe dang adong gunana.” 16 Ai dang na lao diingot be halak na marbisuk manang halak na oto saleleng ni lelengna.+ Na lao dilupahon do sude halak di tikkina. Jala songon dia ma parmate ni halak na marbisuk? Dos do songon parmate ni halak na oto.+

17 Gabe sogo ma rohakku tu hangoluan,+ ai gabe marsak do au alani sude na diulahon di tano on. Marisuang do sude+ dos songon na mangalele alogo.+ 18 Gabe sogo ma rohakku tu sude halojaokku di tano on,+ ai ikkon tinggalhonokku do i tu halak na manggattihon au.+ 19 Hape so binoto atik na marbisuk manang na oto do ibana haduan.+ Nang pe songon i, ikkon ibana do nappuna na huula i. Hape nungnga suda gogokku jala hupakke do bisukku lao mangulahon sude ulaonku na di tano on. On pe dang adong gunana. 20 Gabe mandele ma au mamikkiri sude halojaokku di tano on. 21 Nang pe malo sasahalak mangulahon ulaonna, jala dipakke ibana gogona, bisukna, dohot parbinotoanna lao mangulahon ulaonna, ikkon pasahatonna do i sude tu halak na so mangulahon manang aha lao mandapot i.+ On pe sia-sia do jala mambahen marsak.*

22 Molo tung pe loja jolma mangulahon ulaonna di tano on jala marsitutu ibana mangulahon i, tung aha ma dapotna?+ 23 Holan na haccit do dapotna, jala marsak do ibana saleleng ni ngoluna.+ Tikki borngin pe, dang sonang rohana.+ On pe sia-sia do.

24 On do na dumenggan bahenon ni jolma: mangan, minum, jala marlas ni roha alani sude halojaonna.+ On pe takkas do huboto, sian Debata na sittong do on.+ 25 Ai adong dope haroa halak na uttabo sipanganon dohot siinumonna sian au?+

26 Lehonon ni Debata na sittong do bisuk, parbinotoan, dohot las ni roha+ tu akka halak na mangulahon lomo ni rohana. Alai anggo pardosa, dipasombu do karejo jala papunguhon hasilna. Dung i lehonon ni Debata ma i tu akka halak na palashon rohana.+ On pe marisuang do, dos songon na mangalele alogo.

9 Tung aha ma dapot ni jolma sian sude na niulana?+ 10 Takkas do huboto, dilehon Debata do ulaon tu akka anak ni jolma asa torus nasida karejo. 11 Dibahen Ibana do sude uli* di tikkina.+ Dibahen Ibana do tu roha ni nasida sakkap lao mangolu saleleng ni lelengna.* Nang pe songon i, dang boi diattusi jolma ulaon ni Debata na sittong, sian mulana sahat tu ujungna.

12 Ujungna huboto ma, dumenggan do jolma marlas ni roha jala mangulahon na denggan saleleng ni ngoluna.+ 13 Jala dumenggan do nasida mangan, minum, jala makkilala las ni roha alani sude halojaon ni nasida. On pe silehon-lehon ni Debata do.+

14 Huboto ma, martahan do sude na binahen ni Debata na sittong saleleng ni lelengna. Dang adong na porlu ditambai jala dang adong na porlu diorui sian i. Ai songon i do i dibahen Debata na sittong i, asa dihabiari jolma Ibana.+

15 Manang aha na masa saonari, nungnga hea i masa. Jala manang aha na lao masa, nungnga hea i masa.+ Alai, dilului Debata na sittong i do naung binahen ni jolma.*

16 Jala huboto ma muse, masa do na jahat nang pe na tigor na ikkon masa. Masa do na jahat,+ nang pe na sittong na ikkon masa. 17 Gabe hudok ma di bagasan rohakku, “Diadili Debata na sittong do halak na burju dohot halak na jahat.+ Ai adong do tikki ni ganup ulaon dohot akka na masa.”

18 Hudok ma muse di bagasan rohakku, diuji Debata na sittong do akka anak ni jolma. Jala dipatudu Ibana do na dos nasida songon binatang. 19 Ai songon ujung ni binatang do ujung ni jolma. Sarupa do ujung ni nasida.+ Mate jolma, mate do nang binatang. Marhosa* jolma, marhosa do nang binatang.+ Dang dumenggan jolma sian binatang. Marisuang do sude. 20 Sarupa do inganan na tinuju ni jolma dohot binatang.+ Sian tano*+ do nasida, jala mulak tu tano.+ 21 Ise ma na mamboto, atik na habang do hosa* ni jolma tu ginjang, jala atik na turun do hosa ni binatang tu tano?+ 22 Huboto ma muse, dumenggan do jolma marlas ni roha alani sude na niulana,+ ai i do upana.* Jala ise ma na boi patuduhon tu ibana aha na lao masa molo dung mate ibana?+

4 Huida ma muse sude halak na disiksa di tano on. Huida do ilu-ilu ni nasida, jala dang adong na mangapuli nasida. Marhuaso do halak na mambahen nasida susa.+ Sasittongna, dang adong na mangapuli nasida. 2 Didok rohakku, ussonang do na mate sian na mangolu.+ 3 Jala na dumenggan sian na dua i, i ma halak na so hea tubu,+ na so hea mangida hasusaan di tano on.+

4 Huida ma muse halak na malo jala na marsitutu asa gabe na unjago sian na asing.+ On pe marisuang do, dos songon na mangalele alogo.

5 Mangaloppit tangan do halak na oto jala dang olo karejo, i ma na mambahen ibana hancur.+

6 Dumenggan do sanggolom istirahat sian dua golom halojaon, na dos songon mangalele alogo.+

7 Adong do muse huida na asing na sia-sia di tano on. 8 Adong do halak na so adong keluargana. Dang adong haha anggina jala dang adong gellengna. Alai holan na karejo do ibana torus. Jala dang marna puas matana mangida hamoraon.+ Hea do didok ibana di bagasan rohana, ‘Hubahen do nasa gogokku karejo jala dang olo au pasonang rohakku. Alai lao tu ise ma on?’+ On pe sia-sia do jala mambahen marsak.+

9 Dumenggan do dua halak sian na sahalak.+ Ai boi ma nasida rap karejo, jala dumenggan ma hasilna.* 10 Ai molo madabu na sada, boi ma na sada nai manogu. Alai boha ma molo madabu na sahalak i jala dang adong na mangurupi?

11 Asing ni i, molo rap modom dua halak, boi ma las daging ni nasida. Alai molo holan sahalak do sapodoman, boha ma bahenonna palashon dagingna? 12 Mura do ditaluhon molo holan sahalak. Alai boi do martahan molo dua halak. Jala dang mura digotap tolu tali na dipudun.*

13 Tumagon do doli-doli na pogos alai marbisuk, sian apala raja na matua jala na oto,+ na so olo be dipasingot.+ 14 Ai na lao gabe raja do ibana* molo dung kaluar sian penjara,+ nang pe pogos ibana di harajaon i mulai sian na tubu.+ 15 Hupikkiri ma taringot sude na mangolu di tano on, dohot taringot doli-doli na manggattihon raja i. 16 Nang pe dang habilangan rakyatna alani godangna, alai jut do roha ni akka halak di ari na naeng ro tu ibana.+ On pe marisuang do, dos songon na mangalele alogo.

5 Manat ma parrohahon lakkam molo lao ho tu jabu ni Debata na sittong.+ Dumenggan do ro ho lao manangihon+ sian apala ro ho holan lao mangalehon pelean songon na binahen ni halak na oto.+ Ai dang diboto nasida, na jahat do na binahen ni nasida i.

2 Jolo pikkiri ma asa dok hatam. Unang ma asal dipandok ho hatam di jolo ni Debata na sittong i.+ Ai di surgo do Debata na sittong i, alai di tano on do anggo ho. Alani i, unang ma pagodangku hatam.+ 3 Molo pagodangku na dipikkiri, gabe ro ma nipi.+ Jala molo pagodangku makkatai, gabe asal dipandok ma hatana.+ 4 Molo marjanji ho tu Debata, hatop ma i pasaut.+ Ai dang lomo rohana tu halak na oto.+ Pasaut ma janjimi.+ 5 Tumagon do dang marjanji ho, sian apala marjanji alai dang dipasaut ho janjimi.+ 6 Unang ma sappe mardosa ho alani hatam,+ asa unang pola mangakku sala ho di jolo ni suru-suruan.*+ Unang ma bahen muruk Debata na sittong i alani hatam, asa unang hancur dibahen Ibana akka na niulam.+ 7 Molo pagodangku na dipikkiri, gabe ro ma nipi.+ Suang songon i ma, dang marguna molo pagodangku makkatai. Alai habiari ma Debata na sittong.+

8 Molo diida ho halak na pogos disiksa halak, dibahen ibana na so tigor dohot na so sittong di hutam, unang ma tarsonggot ho mangida i.+ Ai adong do pejabat tinggi na mengawasi ibana. Jala adong do na untimbo sian nasida sude.

9 Asing ni i, rap manjalo hasil ni tano i do nasida. Haru raja i pe sian hasil ni tano i do ibana mangan.+

10 Halak na makkaholongi perak, dang marna sonang rohana bahenon ni perak i. Jala halak na makkaholongi hamoraon, dang marna sonang rohana bahenon ni passarianna.+ On pe sia-sia do.+

11 Molo lam godang arta ni sasahalak, lam godang ma na pasudahon i.+ Aha ma laba ni i tu nappuna arta i? Holan na mangida-ida nama ibana.+

12 Renges do modom sahalak parkarejo, dang soal otik manang godang na niallangna. Alai anggo na mora, dang boi ibana modom alani artana na godang i.

13 Adong ma muse huida na mambahen marsak* di tano on: Gabe marjea do halak na mora, alani arta na pinapunguna i. 14 Ai mago do hamoraonna i molo dung tuppur* ibana. Jala molo tubu anakna, dang adong be lehononna tu anakna i.+

15 Salang-salang do jolma tikki ditubuhon omakna, suang songon i ma molo dung mate.+ Dang adong na lao boanonna sian na niulana i.+

16 On pe mambahen marsak* do: Songon dia halak ro, songon i do ibana lao. Aha ma labana torus jolma karejo dos songon na mangalele alogo?+ 17 Hape ganup ari, dang hea las rohana tikki mangan. Marsak do ibana, marsahit, jala muruk.+

18 On do na dumenggan bahenon ni jolma: mangan, minum, jala marlas ni roha alani sude na niulana+ dohot halojaonna di tano on. Debata na sittong i do na mangalehon i tu ibana saleleng ni ngoluna na jeppek on. On ma upana.*+ 19 Asing ni i, molo dilehon Debata na sittong i hamoraon dohot arta tu sasahalak,+ jala marlas ni roha ibana alani i, ikkon jaloonna do upana* jala marlas ni roha ibana alani halojaonna. On pe silehon-lehon ni Debata do.+ 20 Ai bahenon ni Debata na sittong i ma ibana marlas ni roha alani sude na niulana, sappe dang diboto* ibana be naung salpu ari-arina.+

6 Adong muse huida na asing na mambahen marsak* di tano on, on ma na jotjot masa tu jolma: 2 Dilehon Debata na sittong do tu jolma hamoraon, arta, dohot hasangapon, asa dapotna sude lomo ni rohana. Alai dang diloas Debata na sittong i sonang roha ni jolma alani i sude. Gabe halak na asing do na mandapot i jala na makkilala las ni roha. Alai dang marlapatan on sude jala mambahen marsak. 3 Didok rohakku, nang pe adong saratus gelleng ni sahalak bawa jala ganjang umurna, hape dang hea dihilala ibana las ni roha sahat tu na mate, undangol ma ibana sian poso-poso na mate tikki ditubuhon.+ 4 Dang marguna poso-poso i ditubuhon, lao do ibana tu na holom. Jala buni do goarna di na holom. 5 Dang hea diida poso-poso i mataniari jala dang diboto agia aha, alai nang pe songon i ussonang do ibana sian bawa i.+ 6 Aha ma gunana molo mangolu sasahalak 2.000 taon alai dang hea dihilala na sonang? Ai ujungna, tu inganan na sarupa do sude jolma lao.+

7 Loja pe jolma karejo, asa adong do allangonna.+ Alai dang marna puas nasida. 8 Ai dang dumenggan halak na marbisuk sian halak na oto.+ Attong aha ma labana diboto halak na pogos songon dia asa toktong mangolu? 9 Tumagon do las roha alani na adong di jolo niba sian apala mangalului na so adong. On pe dang marlapatan, dos do i songon na manakkup alogo.

10 Sude naung adong i, nungnga adong hian goarna. Jala sude do mamboto, dang tolap jolma mangalo* na umgogo sian ibana. 11 Lam godang hata,* lam so adong do gunana. Aha ma laba ni i di jolma? 12 Jeppek do ngolu ni jolma jala dang marlapatan i dos songon bayangan. Attong ise ma na mamboto aha na dumenggan ulahonon ni jolma saleleng ni ngoluna?+ Ai dang adong na boi paboahon tu ibana aha na masa di tano on molo dung mate ibana.

7 Dumenggan do goar na denggan* sian miak na angur.+ Jala dumenggan do ari hamatean sian ari hatutubu. 2 Dumenggan do lao tu jabu ni halak na marhabot ni roha sian apala tu jabu ni halak na marpesta.+ Ai i do ujung ni ganup halak jala ikkon ingoton ni halak na mangolu do i. 3 Dumenggan do marsak sian na mekkel.+ Ai molo lungun roha ni sasahalak, gabe dipadenggan ma rohana.+ 4 Di jabu ni halak na marhabot ni roha do roha ni halak na marbisuk. Alai di jabu ni halak na marpesta do roha ni halak na oto.+

5 Dumenggan do mambege pissang-pissang+ ni halak na marbisuk sian apala mambege ende ni halak na oto. 6 Ai dos do ekkel ni halak na oto tu soara ni suga-suga na ditutung gabe soban di toru ni hudon. Tung so marlapatan do i.+ 7 Boi do gabe maoto halak na marbisuk molo susa ibana dibahen. Jala boi do gabe sega roha ni jolma alani suap.+

8 Dumenggan do ujung ni sada parsoalan sian mulana. Jala dumenggan do sabar sian marginjang ni roha.+ 9 Unang ma mura-mura haccit roham.+ Ai halak na oto do molo mura-mura haccit rohana.*+

10 Unang ma dokkon dumenggan do najolo sian saonari. Ai dang marbisuk ho molo didok ho songon i.+

11 Tung denggan do molo dapot ni halak na marbisuk parbagianan. Jala marlaba do bisukna i tu akka halak na mangolu. 12 Parlinggoman do bisuk+ dos songon hepeng.+ Alai on do laba ni parbinotoan: Toktong do mangolu halak na marbisuk.+

13 Parrohahon ma na binahen ni Debata na sittong. Molo adong na bengkok dibahen Ibana, ise ma na tolap mambahen i tigor?+ 14 Tikki denggan ngolum, bahen ma na denggan.+ Alai tikki susa ho ingot ma, diloas Debata do masa na denggan dohot na so denggan+ asa unang diboto jolma manang aha na lao masa di ari na naeng ro.+

15 Saleleng ni ngolukku na so marguna on,+ nungnga huida be sude. Mate do halak na mangulahon na sittong nang pe na sittong diulahon ibana.+ Jala ganjang do umur ni na jahat nang pe na jahat diulahon ibana.+

16 Unang ma patigorhu+ manang pamalohu ho,+ asa unang hancur ho.+ 17 Unang ma tambai hajahatonmu jala unang ma paotohu ho,+ asa unang hatop ho mate.+ 18 Denggan do molo dijalo sasahalak sada sipasingot, alai unang ma dilupahon sipasingot na asing.+ Ai jaloon ni halak na makkabiari Debata do na dua i.

19 Umgogo do bawa na marbisuk sian sappulu bawa na gogo na adong di sada kota.+ 20 Dang adong nanggo sahalak pe jolma di tano on na sai torus mangulahon na sittong, jala dang adong na so hea mangulahon dosa.+

21 Asing ni i, unang ma tangihon sude hata ni halak+ asa unang dibege ho parkarejom mamburai ho. 22 Ai ho pe takkas do diboto ho, jotjot do ho mamburai halak.+

23 Nungnga hupakke bisukku lao mamareso i sude, jala hudok ma, “Marbisuk nama au.” Alai dao do bisuk i sian au. 24 Padaohu jala pabagashu do akka na masa i. Tung ise ma na boi mangattusi i?+ 25 Hulehon do rohakku lao mamboto, lao mamareso, jala mangalului bisuk. Hulehon do rohakku lao mamboto boasa masa i sude, jala hulehon do rohakku lao mamboto hajahaton ni halak na oto dohot haotoon ni halak na massai oto.+ 26 Dung i huboto ma: Unjorbut* do boru-boru na dos songon jorat ni parburu sian hamatean. Ai dos songon jaring do rohana, jala dos songon ratte do tanganna. Ditakkup ibana do akka pardosa.+ Alai molo halak na pasonakkon roha ni Debata na sittong, malua do sian ibana.+

27 Dung i didok parjamita+ i ma, “Ida ma, on ma na huboto. Hupareso do sada-sada asa huattusi sude. 28 Alai nang pe sai hulului i, dang dapottu i. Dapottu do sada bawa na tigor marroha sian saribu bawa. Alai dang dapottu sada borua na tigor marroha sian saribu borua. 29 On ma kesimpulan na dapottu: Tigor do roha ni jolma i ditoppa Debata.+ Alai magodangku do sakkap ni roha ni nasida.”+

8 Ise ma na songon halak na marbisuk? Ise ma na mamboto songon dia pasaehon sada parsoalan? Tarida do na marbisuk sasahalak sian bohina. Boi do bahenonna bohina na murhing gabe mekkel.

2 Hudok ma, “Ala nungnga marsumpa ho tu Debata,+ oloi ma paretta ni raja.+ 3 Unang ma pittor hatop ho lao sian jolona,+ jala unang ma marpihak ho tu na jahat.+ Ai boi do bahenon ni raja manang aha lomo ni rohana. 4 Ai ikkon saut do hata ni raja.+ Ise ma na boi mandok tu ibana, ‘Boasa bahenonmu songon on?’”

5 Dang marjea halak na mangoloi paretta.+ Jala diboto halak na marbisuk do andigan jala songon dia mangulahon i.+ 6 Adong do tikki dohot cara na denggan pasaehon ganup parsoalan.+ Ai massai godang do parsoalan ni jolma. 7 Ala dang adong na mamboto aha na lao masa di ari na naeng ro, ise ma na boi paboahon songon dia i masa?

8 Dang adong nanggo sahalak pe jolma na boi mangatur alogo.* Suang songon i ma, dang adong nanggo sahalak pe na boi mangatur ari hamamatena.+ Dang adong nanggo sada pe tentara na diloas mulak tikki marporang. Suang songon i ma, dang adong nanggo sada pe parjahat na so mandapot balos ni hajahatonna.*

9 Nungnga huida sudena on, jala nungnga huparrohahon sude na diulahon di tano on, gabe susa* do molo jolma na mangarajai jolma.+ 10 Nungnga huida songon dia parjahat dikuburhon. Huida do muse songon dia nasida marlao ro tu inganan na badia. Alai pittor hatop do nasida dilupahon di inganan ni nasida mangulahon na jahat i.+ On pe dang marlapatan.

11 Ala dang pittor hatop dihukum akka parjahat,+ gabe lam barani ma akka halak mangulahon na jahat.+ 12 Adong do sahalak parjahat naung saratus hali mangulahon na jahat, jala ganjang do umurna. Alai nang pe songon i, huboto do, dapot ni halak na makkabiari Debata na sittong do na denggan. Ai dihabiari nasida do Ibana.+ 13 Alai, dang na lao dapot ni parjahat na denggan.+ Jala dang boi bahenonna lam ganjang umurna, ala dos do i songon bayangan.+ Ai so dihabiari ibana Debata.

14 Adong dope muse na so marlapatan* di tano on: Halak na mangulahon na sittong, dibahen do gabe songon parjahat.+ Jala parjahat dibahen do gabe songon halak na mangulahon na sittong.+ Hudok ma, on pe dang adong lapatanna.

15 Alani i ma hudok tu akka halak asa marlas ni roha nasida.+ Ai on do na dumenggan bahenon ni jolma di tano on: mangan, minum, jala marlas ni roha. Songon i ma bahenonna huhut mangulahon ulaonna saleleng mangolu ibana.+ Ai i do na dilehon Debata na sittong tu ibana di tano on.

16 Hulehon do rohakku asa dapottu bisuk, jala asa huida sude na masa di tano on,+ sappe dang modom au* arian nang borngin. 17 Dung i huparrohahon ma sude na binahen ni Debata na sittong, gabe huboto ma dang tolap jolma mangattusi sude na masa di tano on.+ Nang pe nungnga marsitutu nasida lao mamboto i, tong do dang boi diattusi. Haru halak na marbisuk pe, tong do dang diattusi i.+

9 Dung i hurimang-rimangi ma sudena i. Gabe huboto ma, di tangan ni Debata na sittong do sude halak na mangulahon na sittong, halak na marbisuk, dohot akka ulaon ni nasida.+ Dang adong jolma na mamboto songon dia halak najolo patuduhon holong dohot sogo ni roha ni nasida. 2 Sarupa do ujung ni sude halak.+ Sarupa do ujung ni halak na mangulahon na sittong dohot halak na jahat.+ Sarupa do ujung ni halak na burju, halak na badia, dohot halak na ramun.* Sarupa do ujung ni halak na mangalehon pelean dohot halak na so mangalehon pelean. Sarupa do ujung ni halak na burju dohot pardosa, jala sarupa do ujung ni halak na marsumpa dohot halak na so olo* marsumpa. 3 On ma na mambahen marsak di tano on. Ala sarupa do ujung ni sude jolma,+ gabe lam jahat ma roha ni jolma. Jala adong do halak na mangulahon ulaon na massai oto saleleng ni ngoluna, dung i mate ma nasida.

4 Adong do upa sijaloon ni halak na mangolu. Ai dumenggan do biang na mangolu sian singa na mate.+ 5 Diboto halak na mangolu do na lao mate nasida.+ Alai anggo na mate, dang diboto agia aha.+ Jala dang adong be upa sijaloon ni nasida. Ai dang adong be siingoton taringot nasida.+ 6 Dang boi be nasida patuduhon holong dohot sogo ni roha. Jala dang boi be nasida cemburu tu na asing. Dang adong be na boi ulahonon ni nasida di tano on.+

7 Lao ma ho, marlas ni roha ma ho mangallang sipanganonmu. Jala marlas ni roha ma ho manginum anggurmu.+ Ai lomo do roha ni Debata na sittong tu sude na niulam.+ 8 Sai anggiat ma toktong bottar bajum* jala diusehon ho miak tu ulum.+ 9 Saleleng ni ngolum na so marguna on, marlas ni roha ma ho rap dohot istri haholonganmi.+ Debata do na mangalehon i tu ho saleleng ni ngolum na so marguna i di tano on. Ai i do upa ni ngolum jala i do upa ni halojaonmu di tano on.+ 10 Manang aha na boi ulahononmu, ulahon ma i sian nasa gogom. Ai dang adong ulaon, rencana, parbinotoan, manang bisuk di bagasan Kuburan,*+ inganan na lao sitopotonmu.

11 Adong do muse huida na masa di tano on: Dang halak na hatop marlojong na sai monang di parlumbaan, dang halak na gogo na sai monang di parporangan,+ dang halak na marbisuk na sai mandapot sipanganon, dang halak na malo na sai mamora,+ jala dang halak na adong parbinotoanna na sai marhasil.+ Ai boi do masa tu nasida sude akka na so diharappon di tikki na so panagaman. 12 Ai dang diboto jolma andigan masa jea tu nasida.+ Songon dekke na hona jala, songon pidong na hona jorat, songon i ma jea na masa tu akka anak ni jolma, boi do i toppu masa.

13 Huparrohahon do muse taringot bisuk na adong di tano on. Jala on ma na mambahen longang rohakku: 14 Adong ma sada kota na gelleng jala otik do pendudukna. Dung i ro ma sahalak raja na gogo mangalo penduduk ni kota i. Dihaliangi ma i jala dipajongjong ma tembok na makkaliangi kota i. 15 Adong do di kota i sahalak bawa na pogos alai marbisuk. Dipakke ibana ma bisukna asa unang ditaluhon kota i. Alai dukkon i, dang adong nanggo sahalak pe na mangingot bawa na pogos i.+ 16 Hudok ma di bagasan rohakku, ‘Dumenggan do na marbisuk sian na gogo.+ Alai leas do roha ni halak tu bawa na marbisuk molo pogos, jala dang hea ditangihon hatana.’+

17 Tumagon do mambege hata na lambok na didok halak na marbisuk, sian apala mambege raja ni halak na oto marsurak.

18 Dumenggan do bisuk sian sinjata porang. Alai boi do sega godang akka na denggan alani sahalak pardosa.+

10 Gabe bau jala margumo do miak na angur alani lanok na mate. Suang songon i ma, boi do gabe dang marbisuk jala dang dipasangap be sasahalak alani saotik haotoon.+

2 Ditogu-togu rohana do halak na marbisuk tu dalan na sittong. Alai ditogu-togu rohana do halak na oto tu dalan na sala.+ 3 Manang na tudia pe halak na oto mangalakka, sai tong do oto ibana.+ Jala dipatudu ibana do haotoonna i tu sude halak.+

4 Molo muruk sahalak pamimpin tu ho, unang ma lao ho sian ingananmi.+ Ai boi do salpu dosa na balga molo toktong lambok.+

5 Adong do muse huida na mambahen marsak di tano on, i ma hasalaan na binahen ni akka pamimpin.+ 6 Dibahen do timbo jabatan ni halak na oto, alai dibahen do halak na malo* gabe pegawai biasa.

7 Marhoda do huida akka hatoban, alai mardalan do huida akka pamimpin dos songon hatoban.+

8 Manang ise na manggali lubang, boi do ibana madabu tusi.+ Jala manang ise na mangaruppakkon tembok, boi do ibana turbingon ni ulok.

9 Manang ise na manokkok batu, boi do ibana lukka alani i. Jala manang ise na mambola hau, boi do ibana marjea alani i.*

10 Molo majal kampak ni sasahalak jala dang dipatajom, gabe loja ma ibana mamakke i. Alai boi do marhasil sasahalak molo marbisuk ibana.

11 Molo nungnga sanga manurbing ulok baru pe asa dijahahon mantra, tu aha ma adong pawang ni ulok.

12 Las do roha mambege hata ni halak na marbisuk,+ alai gabe hancur do halak na oto alani hatana.+ 13 Sian mulai makkatai halak na oto, hata na oto do na nidokna.+ Sahat tu na sae pe ibana makkatai, holan hata loak do na nidokna jala parohon jea do i. 14 Alai sai torus do makkatai halak na oto.+

Dang diboto jolma aha na lao masa. Alani i, ise ma na boi paboahon tu ibana aha na lao masa molo dung mate ibana?+

15 Gabe loja do halak na oto alani ulaonna, ai haru dalan tu kota pe dang diboto ibana.

16 Marjea do sada luat molo dakdanak rajana.+ Jala marjea do sada luat molo marsonang-sonang akka pejabatna mulai sian manogot. 17 Marlas ni roha ma sada luat molo anak ni halak na sangap do na gabe rajana. Jala marlas ni roha ma nasida molo mangan minum pejabatna di tikkina asa margogo muse, dang na lao mabuk-mabuk.+

18 Molo pamalassu sasahalak, sega ma atap ni jabuna. Jala molo holan na loppit tangan sasahalak ala dang olo karejo, bocor ma atap ni jabuna.+

19 Las do roha molo adong sipanganon, jala sonang do roha molo adong anggur.+ Alai dapot do sude na dihaporluhon molo adong hepeng.+

20 Unang ma burai raja nang pe holan di bagasan roham,*+ jala unang ma burai na mamora nang pe holan di bagasan kamarmu. Ai boi do pidong* pasahatton hatami, jala boi do binatang na marhabong paboahon na nidokmi.

11 Sappatton ma rotim tu aek,+ jala dapotmu do i muse piga-piga ari nai.+ 2 Bagi ma artam tu pitu halak manang tu ualu halak.+ Ai dang diboto ho hasusaan* na lao masa di ari na naeng ro.

3 Molo nungnga gok aek di bagasan ombun, ro ma udan tu tano on. Molo maruppak hau tu arah selatan manang tu arah utara, laos disi do i peak.

4 Molo sai alogo do na dipaida-ida halak, dang saut be ibana manuan boni. Molo sai ombun do na dipaida-ida halak, dang saut be ibana mamanen.+

5 Dang boi diattusi ho songon dia dibahen* holi-holi ni poso-poso na di bortian* ni omakna dope.+ Suang songon i ma, dang boi diattusi ho akka ulaon ni Debata na sittong. Ai Ibana do na manoppa nasa na adong.+

6 Suan ma bonim tikki manogot, jala unang ma maradi ho sahat tu botari.+ Ai dang diboto ho na dia na lao tubu, on do manang na an, manang na rap tubu do duassa.

7 Las do roha mangida na tiur. Jala tung denggan do mangida mataniari marsinondang. 8 Molo tung pe ganjang umur ni sasahalak, lok ma las rohana saleleng mangolu ibana.+ Alai porlu do ingotonna, godang do akka ari hasusaan na lao masa. Jala dang marlapatan sude na lao masa i.+

9 Hamu akka na poso, marlas ni roha ma hamu. Marlas ni roha ma hamu tikki poso dope hamu. Bahen ma sude na dihalomohon roham, jala ulahon ma sude na niidam. Alai ingot ma, ikkon martanggung jawab do ho tu sude na binahenmu di jolo ni Debata na sittong.+ 10 Alani i, bolokkon ma sude arsak ni roham, jala bolokkon ma sude na boi mambahen sega dagingmu. Ai sia-sia do haposoonmi dohot hagogoonmi.+

12 Ingot ma Sitoppa ho na sangap i tikki poso dope ho.+ Ingot ma Ibana andorang so ro ari dohot taon hasusaan.*+ Tikki i, dokkononmu ma, “Dang sonang ngolukku.” 2 Tikki i, makkolom ma sinondang ni mataniari, bulan, dohot bintang.+ Jala pungu ma muse ombun dung so* udan na doras. 3 Gabe hitir-hitir ma akka panjaga ni jabu. Gabe bukkuk ma akka bawa na gogo. Gabe so ma akka borua manggiling ala otik nama nasida. Jala tikki manatap akka anak boru sian jandela, holan na holom nama idaon ni nasida.+ 4 Tikki i, ditutup ma akka pintu na tu dalan. Lam nenget ma soara ni panggilingan. Dungo ma akka halak alani soara ni pidong jala dang tarbege be soara ni akka anak boru na marende.+ 5 Mabiar ma akka halak tu inganan na timbo jala mabiar ma nasida molo masa jea di dalan. Marbunga ma hau almond,+ disarat-sarat sihapor* ma dagingna jala dang lakku be mangan.* Ai lao nama jolma tu jabu ingananna saleleng ni lelengna.+ Jala akka halak na mangandungi pe mardalan ma tusan tuson di akka dalan.+ 6 Ingot ma Sitoppa ho andorang so putus dope ratte na sian perak, andorang so puttar dope makkuk na sian mas, andorang so puttar dope gucci ni aek, jala andorang so sega dope roda na manarik tali ni timba ni sumur. 7 Dung i mulak ma orbuk i tu tano+ songon di mulana i, jala mulak ma hosa* tu Debata na sittong na mangalehon i.+

8 Didok parjamita i ma, “Dang adong gunana!+ Marisuang do sude.”+

9 Marbisuk do parjamita i jala diajarhon ibana do na binotona tu bangso i.+ Dipikkir-pikkiri ibana do godang poda, dipareso, jala dipapungu, asa boi disuratton ibana.+ 10 Marsitutu do parjamita i mangalului akka hata na palashon roha jala tikkos do disuratton ibana akka hata na sittong.+

11 Dos do hata ni halak na marbisuk songon tukkot ni parmahan.+ Jala dos do akka hata na dipapungu i songon pakku na bagas ditokkokkon. Sian sada parmahan do i sude. 12 Asing ni i ale anakku ingot ma on: Dang marna marujung mambahen godang bukku. Jala loja do daging molo magodangku tikki mamparsiajari i.+

13 On do kesimpulan sian sude na tabege i: Habiari ma Debata na sittong+ jala oloi ma parettana.+ Ai on do na ikkon ulahonon ni sude jolma.+ 14 Ai ikkon martanggung jawab do sude jolma tu na binahenna di jolo ni Debata na sittong, dohot ma i na binahenna di na buni, atik na denggan manang na jahat na binahenna i.+