AMOS
1 On ma hata ni si Amos,* sahalak parmahan biru-biru na sian Tekoa.+ Dua taon andorang so masa gempa,+ mandapot parnidaan ma ibana taringot aha na lao masa tu halak Israel. Di tikki i, Raja Usia+ do na mamaretta di Juda. Jala Raja Jerobeam+ anak si Joas+ ma na mamaretta di Israel. 2 Ninna si Amos ma,
“Marauang ma Jahowa, dos songon singa sian Sion,
Marsurak ma Ibana sian Jerusalem.
Mangandungi ma akka inganan parmahanan,
Jala gabe koring ma pussu ni Dolok Karmel.+
3 “Songon on ma na didok Jahowa,
‘“Ala sai mulak-ulak do* mangalo halak Damaskus, ikkon pasautokku do naung hudok i.
4 Alani i, parookku ma api tu jabu ni si Hasael.+
Jala tutungon ni api i ma menara ni si Ben-hadad sappe habis.+
5 Ponggolhonokku ma palang gerbang ni kota Damaskus.+
Hancurhonokku ma penduduk ni kota Bikat-awen,
Jala boanokku ma akka pamimpin ni Bet-eden
Dohot penduduk ni Siria tu kota Kir+ asa gabe tawanan disi,” ninna Jahowa.’
6 Songon on ma muse na didok Jahowa,
“Ala sai mulak-ulak do* mangalo penduduk ni Gasa,+ ikkon pasautokku do naung hudok i.
Ai dipasahat nasida do sude halak na ditawan+ nasida tu halak Edom.
7 Alani i, parookku ma api lao manutung tembok ni kota Gasa.+
Dung i, tutungon ni api i ma akka menarana sappe habis.
8 Hancurhonokku ma penduduk ni kota Asdod,+
Dohot akka pamimpin ni kota Askelon.+
Pakkeonku ma huasokku lao mangalo kota Ekron,+
Jala hancurhonokku ma akka halak Palistim na mangolu dope,”+ ninna Jahowa Tuan Natumimbul i.’
9 Songon on ma muse didok Jahowa,
‘Ala sai mulak-ulak do* mangalo halak Tirus,+ ikkon pasautokku do naung hudok i.
Ai dipasahat nasida do sude halak na ditawan nasida tu halak Edom,
Jala dang diingot nasida parjanjian ni nasida tu haha anggina.+
10 Alani i, parookku ma api lao manutung tembok ni kota Tirus.
Dung i, tutungon ni api i ma akka menarana sappe habis.’+
11 Songon on ma muse didok Jahowa,
‘Ala sai mulak-ulak do* mangalo halak Edom,+ ikkon pasautokku do naung hudok i.
Ai diboan nasida do podang ni nasida lao mangalele haha anggina,+
Jala dang adong asi ni rohana.
Torus do diribak-ribak ibana haha anggina i alani murukna,
Jala dang marna sae murukna i.+
12 Alani i, parookku ma api lao manutung kota Teman,+
Dung i, tutungon ni api i ma akka menara na di Bosra+ sappe habis.’
13 Ninna Jahowa ma muse,
‘“Ala sai mulak-ulak do* mangalo halak Ammon,+ ikkon pasautokku do naung hudok i.
Ai dibola nasida do butuha ni akka borua na hamil di Gilead, lao pabidangkon luat ni nasida.+
14 Alani i, parookku ma api lao manutung tembok ni kota Rabba,+
Jala tutungon ni api i ma akka menarana sappe habis.
Dung i tarbege ma soara ni na marporang di ari i,
Ro ma badai na gogo di ari i.
15 Jala ditawan ma raja ni nasida rap dohot akka pejabatna,”+ ninna Jahowa.’
2 “Songon on ma na didok Jahowa,
‘“Ala sai mulak-ulak do* mangalo halak Moab,+ ikkon pasautokku do naung hudok i.
Ai ditutung do holi-holi ni raja ni Edom asa gabe orbuk.
2 Parookku ma api tu Moab,
Jala tutungon ni api i ma akka menarana na di Keriot.+
Gaor ma sude jala mate ma Moab,
Tarbege ma soara ni porang dohot soara ni tarompet na sian tanduk.+
3 Pamateonku ma halak na marhuaso* disi,
Jala bunuokku ma sude pejabatna rap dohot ibana,”+ ninna Jahowa.’
4 Songon on ma na didok Jahowa,
‘Ala sai mulak-ulak do* mangalo halak Juda,+ ikkon pasautokku do naung hudok i.
Ai dang diihutton nasida patik* ni Jahowa,
Jala dang toktong dioloi nasida parettana.+
Alai gabe dos do nasida songon akka ompu ni nasida na lilu alani gabus.+
5 Alani i parookku ma api tu Juda,
Jala tutungon ni api i ma akka menarana na di Jerusalem.’+
6 Songon on ma na didok Jahowa,
‘Ala sai mulak-ulak do* mangalo halak Israel,+ ikkon pasautokku do naung hudok i.
Ai digadis nasida do halak na tigor marroha lao mandapot perak,
Dohot halak na pogos lao mandapot sapasang solop.+
Mangulahon seks do sahalak ama dohot anakna tu sahalak borua,
Gabe ramun* ma goarhu na badia i.
8 Dibuat nasida do abit ni akka parutang gabe jaminan+ jala dipahembang ma i di labbung ni akka inganan panombaon ni nasida.+
Dituhor nasida do anggur mamakke hepeng ni halak na didenda jala diinum ma i di jabu ni akka debata ni nasida.’
9 ‘Hape Au do na pamatehon halak Amori di jolo ni nasida,+
Na timbo songon hau ares jala na togu songon hau ek.*
Hururus do akka parbuena na di ginjang jala hupamate do uratna.+
10 Huboan do nasida kaluar sian Mesir,+
Jala hutogu-togu do nasida saleleng 40 taon di padang gurun,+
Hulehon do tano ni halak Amori gabe parbagianan ni nasida.
Dang songon i tahe, ale halak Israel?’ ninna Jahowa.
12 ‘Hape sai dilehon hamu do halak Nasir i manginum anggur,+
Jala sai didok hamu do tu akka panurirang i, “Unang be manurirangi hamu.”+
13 Alani i bahenokku ma hamu hancur di ingananmuna,
Dos songon padati na marisi gok gandum na mambahen hancur manang aha pe na dibolus.
14 Halak na hatop marlojong pe dang boi malua,+
Halak na gogo pe mago ma gogona,
Jala dang adong tentara na boi malua.
15 Halak na jago mamakke panah pe dang boi martahan di parporangan i,
Dang boi malua halak na hatop marlojong,
Jala dang boi malua akka halak na marhoda.
3 “Ale bangso Israel tangihon hamu ma hata on na pinaboa ni Jahowa taringot tu hamu, bangso na binoanna kaluar sian Mesir,
2 ‘Sian sude bangso na di tano on, holan hamu do na hutanda.+
Alani i, hukumokku nama hamu alani hasalaanmuna.+
3 Boi do dua halak rap mardalan molo so marjanji hian dope nasida lao pajuppang?
4 Marauang do singa di tombak molo so adong mangsa siboddutonna?
Marauang do anak ni singa di asarna molo so adong mangsa sitakkuponna?
5 Boi do hona jorat pidong molo so adong dibahen jorat di tano?*
Boi do bukka jorat molo so adong na manondong?
6 Tung so mabiar ma halak na di kota molo dibege soara ni tarompet?
Tung boi ma masa jea di kota molo so Jahowa na mambahen?
7 Ai dang bahenon ni Jahowa Tuan Natumimbul i manang aha,
Molo so jolo dipaboa Ibana rahasiana tu akka panurirangna.*+
8 Molo marauang singa,+ ise ma na so mabiar?
Molo dung dipaboa Jahowa Tuan Natumimbul i hatana, ise ma panurirang na so olo paboahon hatana i?’+
9 ‘Paboa ma i di akka menara na di Asdod
Dohot di akka menara na di Mesir.
Dokkon ma, “Ro ma hamu marpungu tu akka dolok na di Samaria,+
Ida ma nungnga gaor be disi
Jala gok akka na manipu.+
10 Ai dang diboto nasida mangulahon na sittong,” ninna Jahowa,
“Dipapungu nasida do arta marhite hajahaton dohot ulaon na kejam jala disippan do i di akka menara ni nasida.”’
11 Alani i, songon on ma na nidok ni Jahowa Tuan Natumimbul i,
‘Na lao ro ma sahalak musu mengepung kota i,+
Bahenonna ma dang margogo be hamu,
Jala dirampok ma akka menaramuna na marbenteng i.’+
12 Songon on ma na nidok ni Jahowa,
‘Dos songon parmahan na manarik dua pat ni biru-biruna manang sada pinggol ni biru-biruna sian baba ni singa,
Songon i ma halak Israel na tinggal di Samaria, holan saotik do na boi malua,
I ma akka halak na hundul-hundul di podomanna na bagak dohot di kursina na bagak.’*+
13 ‘Tangihon ma jala pasingot ma pinoppar ni si Jakkob,’ ninna Jahowa Tuan Natumimbul i, Pamimpin ni Akka Tentara.*
14 ‘Di ari i, hukumokku ma halak Israel ala mangalo nasida,+
Hancurhonokku ma akka langgatan na di Betel,+
Jala ponggolokku ma akka tanduk ni langgatan i asa mardabuan tu tano.+
15 Hancurhonokku ma akka jabu na dipakke tikki musim dingin dohot jabu na dipakke tikki musim panas.’
‘Hancurhonokku ma akka jabu na dibahen sian gading,+
4 Hamu akka borua na tinggal di Dolok Samaria,+ tangihon hamu jo hatakkon.
Dos do hamu songon lombu na di Basan,
Ditipu hamu do halak na dangol+ jala disusai hamu do halak na pogos,
Didokkon hamu do tu suamimuna,* ‘Buat jo minuman na maralkohol i asa minum hami!’
2 Nungnga marsumpa Jahowa Tuan Natumimbul i Debata na badia i. Didok do,
‘“Ida ma na ro ma tikkina, gattungokku ma hamu songon jagal na digattung.
Jala deba sian hamu tarikokku ma pakke hail ni dekke.
3 Kaluar ma hamu sada-sada sian tembok na marlubang na adong di jolomuna,
Jala diusir ma hamu tu Harmon,” ninna Jahowa.’
4 ‘Ro ma hamu tu Betel jala ulahon hamu ma dosa disi,*+
Ro ma hamu tu Gilgal jala ulahon hamu ma lam godang dosa disi!+
Boan hamu ma peleanmuna+ tikki manogot,
Jala boan hamu ma muse peleanmuna na saparsappulu i+ di ari na patoluhon.
5 Ale bangso Israel, tutung hamu ma roti na so marragi lao gabe pelean hamauliateon,+
Paboa hamu ma pelean naung dilehon hamu sian ias ni rohamuna,
Ai las do rohamuna mangalehon i,’ ninna Jahowa Tuan Natumimbul i.
6 ‘Hubahen do masa haraparon di sude kotamuna,
Jala hurangan mangan do akka halak di sude ingananmuna.+
Hape laos so mulak do hamu tu Au,’+ ninna Jahowa.
7 ‘Tolu bulan andorang so panen, dang huparo udan tu hamu.+
Huparo do udan tu sada kota alai tu kota na sada nai dang huparo.
Huparo do udan tu sada ladang,
Alai tu ladang na sada nai dang huparo, gabe harsang ma i.
8 Marroan do tu sada kota akka halak naung gale-gale ala mauas+ sian dua manang tolu kota.
Alai disi pe dang dapot ni nasida aek.
Hape tong do dang mulak hamu tu Au,’+ ninna Jahowa.
9 ‘Lam godang do dibahen hamu ladangmuna dohot ladang anggurmuna.
Alai huparo do alogo na mohop dohot jamur+ lao manegai suan-suananmuna,
Huparo do sihapor* lao manegai hau ara dohot hau jetunmuna.+
Alai tong do dang mulak hamu tu Au,’+ ninna Jahowa.
10 ‘Huparo ma sahit na masa di godang inganan tu hamu songon na hea huparo tu Mesir.+
Hubunu ma anakmuna na doli-doli mamakke podang+ jala hupaloas ma ditakkoi akka hodamuna.+
Hubahen ma bau bakke perkemahanmuna.+
Alai tong do dang mulak hamu tu Au,’ ninna Jahowa.
11 ‘Hubahen ma hancur kotamuna
Dos songon na hubahen tu Sodom dohot Gumora.+
Gabe dos ma hamu songon hau-hau naung matutung na ditarik sian api.
Alai tong do dang mulak hamu tu Au,’+ ninna Jahowa.
12 Alani i ale Israel, hukumokku ma muse hamu sahali nai.
Ale Israel, parade ma dirimuna lao pajuppang dohot Au Debatamuna,
Ai na lao hukumokku ma hamu.
13 Ibana do Debata na manoppa akka dolok+ dohot na mambahen alogo.+
Dipaboa Ibana do sakkapna tu jolma,
Dibahen Ibana do na tiur gabe holom,+
Mardalan do Ibana di akka inganan na timbo*+ na adong di tano on,
Ibana do Pamimpin ni Akka Tentara,* Jahowa do goarna.
5 “Ale Israel, tangihon ma hatakkon na hupaboa marhite andung-andung tu hamu,
2 ‘Nungnga madabu be Israel, anak boru na perawan i,
Dang boi be ibana hehe.
Ditinggalhon do ibana di hutana,
Dang adong nanggo sada pe na manogu ibana.’
3 “Songon on ma didok Jahowa Tuan Natumimbul i,
‘Paborhaton ni sada kota ma 1.000 tentara lao marporang, alai holan 100 do na mulak.
Paborhaton ni kota na asing ma 100 tentara lao marporang, alai holan 10 do na mulak. Songon i ma na lao masa tu Israel.’+
4 “Ai songon on do didok Jahowa tu halak Israel,
‘Lului ma Au asa toktong hamu mangolu.+
5 Unang ma pola lao be hamu tu Betel,+
Ai na lao dihancurhon nama* Betel.
Unang ma pola lao hamu tu Gilgal+ manang tu Ber-seba,+
Ai na lao dibolokkon nama pangisi ni huta Gilgal.+
6 Lului hamu ma Jahowa, asa toktong hamu mangolu.+
Asa unang gabe songon api ibana na manutung pinoppar ni si Josep,
Na manutung Betel, jala dang adong na boi mangittopi.
7 Dang tigor hamu tikki mangadili, jala dang olo hamu mangulahon na sittong
8 Na mambahen bintang Kima dohot bintang Kesil,*+
Na mambahen tiur ari dung manogot,
Na mambahen arian gabe borngin,+
Na mambahen nakkok aek ni laut,
Jala na mambahen i turun muse tu tano on+
I ma Jahowa, jala i do goarna.
9 Toppu ma bahenonna hancur akka halak na gogo,
Jala ruppakkononna ma akka inganan na marbenteng.
10 Sogo do roha ni nasida tu halak na mamissang nasida di gerbang ni kota,
Jala magigi do nasida mangida halak na jujur.+
11 Dipaksa hamu do na pogos manggarar sewa ni ladang,*
Jala dipambuati hamu do gandum ni nasida,+
Alani i usirokku ma hamu sian jabumuna na dipajongjong hamu mamakke akka batu na arga,+
Jala dang paloasokku hamu manginum anggur na dumenggan na disuan hamu di porlak anggurmuna.+
12 Ai huboto do, jotjot do hamu mangalo.
Jala jotjot do diulahon hamu dosa,
Kejam do hamu tu halak na tigor marroha.
Dijalo hamu do suap,
Jala dang adil hamu tu halak na pogos na ro tu gerbang ni kota.+
13 Gabe hohom ma halak na marbisuk di tikki i,
Ai godang do masa jea di tikki i.+
15 Hasogohon hamu ma na jahat, jala haholongi hamu ma na denggan.+
Sai bahen ma na tigor di gerbang ni kota.+
Anggiat ma Debata Jahowa Pamimpin ni Akka Tentara i
Patuduhon asi ni rohana tu pinoppar ni si Josep na mangolu dope.’+
16 “Nungnga dipaboa Jahowa Pamimpin ni Akka Tentara i hatana. Songon on ma na didok Jahowa,
‘Mangandungi ma akka halak di sude inganan.
Di sude dalan pe dokkonon ni nasida ma, “Amango haccit nai! Amang haccit nai!”
Akka pangula pe jouon ni nasida ma lao mangandungi,
Rap dohot akka halak na digaji lao mangandungi.’
17 ‘Tarbege ma soara ni andung-andung di sude porlak anggur.+
Ai mamolus do Au sian tonga-tongamuna,’ ninna Jahowa.
18 ‘Marjea ma halak na paima-imahon ari ni Jahowa!+
Aha do haroa ari ni Jahowa di hamu?+
Ari na holom do i, dang ari na tiur.+
19 Tudos do ari i songon bawa na lari sian singa hape pajuppang dohot beruang,
Tikki masuk ibana tu jabu jala ditukkolhon tanganna tu tembok, diturbing ulok ma ibana.
20 Ari na holom do ari ni Jahowa i, dang ari na tiur.
Massai golap do i jala dang torang.
21 Sogo do rohakku jala magigi do Au tu akka perayaanmuna,+
Jala dang lomo rohakku manganggo uap ni pelean na dilehon hamu di akka perayaan i.
22 Nang pe dilehon hamu pelean situtungon dohot pelean na asing,
Dang boi i mambahen las rohakku.+
Nang pe dilehon hamu binatang na mokmok gabe pelean pardamean,*+ dang jalookku i.
23 Paso hamu ma endemuna na mambahen ribut i.
Dang lomo rohakku mambege soara ni akka alat musikmuna na martali.+
24 Sai torus ma bahen hamu na tigor dos songon aek na torus mardalan,+
Sai torus ma ulahon hamu na sittong dos songon sunge na torus mardalan.
25 Ale bangso Israel, saleleng 40 taon hamu di padang gurun,+
Hea haroa dilehon hamu tu Au pelean situtungon dohot pelean na asing?
26 Hape saonari ikkon boan-boanonmuna ma patung ni Sakut rajamuna i dohot patung ni Kaiwan,*
Akka patung ni bintang na dibahen hamu gabe debatamuna.
27 Alani i, bahenokku ma asa diboan hamu tu inganan na dao na adong di Damaskus,’+ ninna Debata Pamimpin ni Akka Tentara i, na margoar Jahowa.+
6 “Marjea ma akka halak na sonang ngoluna di Dolok Sion,
Akka halak na didok rohana dame ngoluna di Dolok Samaria,+
Nasida do akka halak na sangap na adong di tonga-tonga ni bangso i,
Jala nasida do na didapotton halak Israel!
2 Menyeberang ma jo hamu tu kota Kalne jala ida ma kota i.
Dung i lao ma hamu tu kota Hamat kota na balga i.+
Jala torusson hamu ma tu kota Gat na di Palistim.
Dumenggan do haroa akka kota i sian harajaonmuna na dua on?*
Manang ubbidang do haroa akka kota i sian kotamuna on?
3 Ai na so dipikkiri hamu do akka jea na lao masa?+
Boasa sai diulahon hamu dope akka na jahat dohot akka na kejam?+
4 Modom-modom do hamu di podomanmuna na sian gading+ jala hundul di kursimuna,+
Mangallang jagal ni anak ni biru-biru do hamu dohot jagal ni anak ni lombu* na mokmok.+
5 Marendei do hamu huhut marharpa,*+
Jala dibahen hamu do akka alat musik songon na binahen ni si Daud.+
6 Minum anggur do hamu sian makkuk panginumanmuna na marisi gok anggur.+
Didaisson hamu do miak na dumenggan tu dagingmuna.
Alai laos so dipikkiri hamu do* hasusaan na masa tu pinoppar ni si Josep.+
7 Alani i, hamu ma na parjolo diboan lao ditawan,+
Jala pasoonna ma akka pestamuna i.
8 ‘Nungnga marsumpa Jahowa Tuan Natumimbul i,’+ didok Debata Jahowa Pamimpin ni Akka Tentara* i do,
‘“Magigi do Au mangida pinoppar ni si Jakkob na ginjang roha i,+
Jala sogo do rohakku mangida akka menarana na marbenteng.+
Alani i, pasahatonku ma kota i dohot pangisina tu tangan ni musu.+
9 “‘“Jala molo adong na tinggal sappulu halak di sada jabu, mate ma nasida sude. 10 Dung i ro ma sahalak sian tondong* ni nasida mambuat bakke i jala ditutung ma i sada-sada. Dipakaluar ma holi-holi i sian jabu. Jala disukkun ma tu halak na tinggal dope di jabu i, ‘Adong dope donganmu na mangolu?’ Alusanna ma, ‘Dang adong be!’ Dung i dokkonon ni tondongna i ma, ‘Sip ma ho! Ai dang saonari be tikkina manjou goar ni Jahowa.’”
11 Ai tikki dipaboa Jahowa parettana,+
Maruppak ma akka jabu na balga,
Jala marropukan ma akka jabu na gelleng.+
12 Boi haroa marlojong hoda di dolok batu,
Manang boi haroa mambajak lombu disi?
Hape dang tigor hamu tikki mangadili,
Jala dos songon raccun* do huasomuna i, disiksa hamu do akka halak. Gabe susa ma nasida.+
13 Las do rohamuna alani akka na so marguna,
Jala didok hamu do, “Alani gogotta* do umbahen na marhuaso hita.”+
14 Alani i ale halak Israel, parookku ma sada bangso lao mangalo hamu.+
Gabe susa ma hamu bahenon ni nasida, mulai sian halak na tinggal di Lebo-hamat*+ sahat tu halak na tinggal di sunge* na di Araba,’ ninna Debata Jahowa Pamimpin ni Akka Tentara i.”
7 Songon on ma parnidaan na dipatudu Jahowa Tuan Natumimbul i tu au: Ida ma diparo Ibana do sada sihapor* tikki mulai tubu suan-suanan di musim dingin.* Disuan do suan-suanan i dung dipotong ramba na di ladang ni raja. 2 Dung habis diallang akka sihapor i suan-suanan na di luat i hudok ma, “Ale Jahowa Tuan Natumimbul, sai sesa ma dosa ni bangsomon!+ Songon dia ma boi mangolu* pinoppar ni si Jakkob? Ai gale do nasida!”+
3 Gabe disolsoli Jahowa ma keputusanna i.+ Didok Jahowa ma, “Dang na lao saut i masa.”
4 Dipatudu Jahowa Tuan Natumimbul i ma muse parnidaan on tu au: Ida ma! Diparo Jahowa Tuan Natumimbul i ma api lao manghukum luat i. Gabe koring ma dibahen api i laut na bagas. Jala ditutung api i ma deba luat i. 5 Dung i hudok ma, “Ale Jahowa Tuan Natumimbul, unang be torusson on.+ Songon dia ma boi mangolu* pinoppar ni si Jakkob? Ai gale do nasida!”+
6 Gabe disolsoli Jahowa ma keputusanna i.+ Didok Jahowa Tuan Natumimbul i ma, “I pe, dang na lao saut i masa.”
7 Dipatudu Debata ma muse on tu au: Ida ma! Jongjong do Jahowa di labbung ni tembok na dibahen mamakke batu lot.* Jala ditiop Ibana do batu lot. 8 Didok Jahowa ma tu au, “Aha do na niidami Amos?” Hudok ma, “Sada batu lot.” Didok Jahowa ma, “Ida ma, bahenokku ma batu lot di tonga-tonga ni bangsokku Israel. Jala dang sesaokku be dosa ni nasida.+ 9 Na lao tarulang ma akka inganan panombaon* ni si Isak,+ jala na lao hancur ma akka inganan na badia appuna ni halak Israel.+ Dung i ro ma Au mangalo pinoppar ni si Jerobeam mamakke podang.”+
10 Dung i disuru Malim Amasia na sian Betel+ ma halak mandok songon on tu si Jerobeam+ raja ni Israel, “Nungnga marsakkap si Amos mangalo ho di tonga-tonga ni bangso on.+ Dang na lao martahan be akka halak di luat on molo dibege hatana i.+ 11 Ai songon on do didok si Amos, ‘Na lao mate do si Jerobeam alani podang. Jala na lao diboan do halak Israel gabe tawanan.’”+
12 Dung i didok si Amasia ma tu si Amos, “E halak na boi mandapot parnidaan, lao ma ho tu Juda. Paboa ma disi aha na lao masa jala disi ma ho mangalului siallangonmu.*+ 13 Alai sotung hea be ho ro tu Betel+ lao paboahon aha na lao masa. Ai inganan na badia do on di raja i,+ jala on do inganan panombaon ni harajaon.”
14 Dialusi si Amos ma si Amasia, “Dang panurirang* hian au, jala dang anak ni panurirang au. Alai parmahan do au+ jala mangurus* parbue ni hau ara. 15 Alai saonari, dang parmahan be au. Ai dijou Jahowa do au. Jala didok Jahowa do tu au, ‘Lao ma ho. Paboa ma tu bangsokku Israel aha na lao masa.’+ 16 Saonari tangihon ma hata ni Jahowa, ‘Didokkon ho do, “Unang be paboa manang aha na lao masa taringot Israel,+ jala unang be dok manang aha+ taringot pinoppar ni si Isak.” 17 Alani i songon on ma hata ni Jahowa taringot ho, “Gabe boru-boru na so hasea nama istrim di kota on. Akka anakmu dohot borum pe mate ma bahenon ni podang. Na lao dibagi-bagi ma tanom mamakke tali pangukkur jala mate ma ho di luat ni bangso na asing. Halak Israel pe, lao diboan nama gabe tawanan.”’”+
8 Dung i dipatudu Jahowa Tuan Natumimbul i ma muse tu au sakaranjang buah musim panas. 2 Didok Ibana ma tu au, “Aha do na niidami Amos?” Hualusi ma, “Sakaranjang buah musim panas.” Dung i didok Jahowa ma tu au, “Nungnga juppang be ujung ni bangsokku Israel. Dang na lao sesaokku be dosa ni nasida.+ 3 ‘Di ari i muba ma ende na di bagas joro gabe ende andung-andung.+ Marpeakan ma akka bakke di sude inganan.+ Jala gabe hohom ma sude!’ ninna Jahowa Tuan Natumimbul i.
4 Tangihon hamu ma on, hamu akka na mandege-dege halak na pogos,
Jala hamu akka na mambunu halak na lambok roha di luat i,+
5 Hamu akka na mandok, ‘Andigan do sae pesta bulan baru on?+ Asa lao hami manggadis gandum,
Jala andigan do sae ari Sabat on?+ Asa lao hami muse manggadis gandum.
Asa hupagelleng hami panuhatannami*
Jala hupanaek hami argana,*
Asa hupakke hami timbangannami na manipu i,+
6 Asa arga digadis hami gandum na so hasea.
Tuhoronnami ma halak na hurangan mamakke perak,
Jala tuhoronnami ma halak na pogos mamakke sapasang solop.’+
7 Jahowa Hasangapon ni si Jakkob i,+ nungnga marsumpa tu dirina sandiri,
‘Dang lupahonokku sude pambahenan ni nasida i.+
Gabe marsak ma nasida sude,
Jala dos ma nasida songon Sunge Nil na di Mesir na gabe banjir alani dorasna.’+
9 Didok Jahowa Tuan Natumimbul i ma,
‘Di ari i, bahenokku ma bonom mataniari tikki arian,
Jala bahenokku ma makkolom luat i tikki arian.+
10 Bahenokku ma ari perayaanmuna gabe ari arsak ni roha,+
Jala bahenokku ma ende las ni rohamuna gabe andung-andung.
Cukkurokku ma obukmuna jala bahenokku ma hamu marabit goni.
Gabe mangandungi ma hamu songon pangandung ni halak na matean anak sasada.
Ujungna, massai paet ma hilalaonmuna di ari i.’
11 Didok Jahowa Tuan Natumimbul i ma, ‘Na ro ma tikkina, bahenokku ma masa haraparon di luat i,
Male ma jolma alai dang alani na so mangallang roti.
Mauas ma jolma alai dang alani na so manginum aek.
Male jala mauas do nasida ala dang manangihon hata ni Jahowa.+
12 Lulu-lulu ma nasida sian sada laut tu laut na sada nai,
Sian utara sahat tu timur,*
Mangalului hata ni Jahowa, alai dang dapot nasida i.
13 Di ari i, pingsan ma akka anak boru na bagak,
Dohot akka doli-doli ala mauas.
14 Nasida ma akka halak na marsumpa alani dosa ni halak Samaria.+ Didok nasida do,
“Songon pastina debatamuna mangolu ale halak Dan, nungnga marsumpa hami!”+
Jala, “Nungnga marsumpa hami alani akka dalan na di Ber-seba!”+
Na lao madabu do nasida jala dang na lao hehe be muse.’”+
9 Huida ma jongjong Jahowa+ di ginjang ni langgatan i. Didok Ibana ma, “Attuk ma ulu ni tiang i asa hutur-hutur sude bangunan i. Ponggol ma ulu ni tiang i. Dung i bunuokku ma akka halak na mangolu dope mamakke podang. Dang adong nanggo sada pe na boi lari, jala dang adong nanggo sada pe na boi malua.+
2 Molo lao nasida martabuni tu Kuburan,*
Tarikokku do nasida sian i.
Molo lao nasida nakkok tu langit,
Paturunokku do nasida sian i.
3 Molo martabuni nasida di pussu ni Dolok Karmel,
Luluakku do nasida disi, jala boanokku do nasida mulak sian i.+
Molo martabuni nasida di bagasan laut na bagas asa unang huida,
Suruokku do ulok manurbing nasida.
4 Molo diboan musu nasida gabe tawanan,
Pamateonku do nasida disi mamakke podang.+
Pasti do bahenokku masa tu nasida akka na so denggan, dang akka na denggan.+
5 Ai Jahowa Tuan Natumimbul Pamimpin ni Akka Tentara i do na manjama luat i,*
Gabe malala ma luat i,+ jala mangandungi ma sude pangisina.+
Jala dos ma nasida songon Sunge Nil na di Mesir,
Na gabe banjir alani dorasna.+
6 ‘Na mambahen tangga lao nakkok tu langit,
Na mambahen bangunan lao manutup tano on,
Na manjou aek ni laut jala na mangusehon i muse tu tano on,+
Jahowa do na mambahen i jala i do goarna.’+
7 Ninna Jahowa ma, ‘Ale bangso Israel, dos do hamu di Au songon halak Kus.’
‘Au do na mamboan hamu kaluar sian Mesir,+
Jala Au do na mamboan halak Palistim kaluar sian Kreta,+ dohot halak Siria kaluar sian Kir.’+
8 Au Jahowa Tuan Natumimbul i, huparrohahon do harajaon on, na gok dosa on,
Jala hancurhonokku nama i sian tano on.+
Alai dang sude pinoppar ni si Jakkob hancurhonokku,’+ ninna Jahowa.
9 ‘Ai nungnga hubahen paretta
Jala huturokku nama bangso Israel sian tonga-tonga ni sude bangso,+
Huturokku ma nasida dos songon halak na mangayak,
Asa unang adong nanggo sada batu karikkil pe na madabu tu tano.
10 Na lao mate do sude pardosa na adong di tonga-tonga ni bangsokku bahenon ni podang.
Nasida do na mandok, “Dang na lao ro jea tu hita, dang na lao masa i.”’
11 ‘Di ari i, pajongjongokku ma muse jabu* ni si Daud+ naung maruppak i.
Padengganokku ma akka tembokna na marlobang,
Jala padengganokku ma jabu na sega i,
Pajongjongokku ma i muse asa mulak songon najolo i.+
12 Alani i, buaton ni nasida ma akka na tading dope di Edom,+
Jala gabe appuna ni nasida ma sude bangso na dijou mamakke goarhu,’ ninna Jahowa na pasautton i sude.
13 Ninna Jahowa ma, ‘Na ro ma tikkina,
Dang sae dope hamu panen, nungnga mangula hamu.
Dang sae dope hamu mandege-dege anggur, nungnga manabur boni hamu.+
Gabe maneteki ma anggur na manis sian akka dolok,+
14 Boanokku ma muse mulak bangsokku Israel na ditawan i.+
Pajongjongon ni nasida ma kota ni nasida naung sega i jala disi ma nasida tinggal.+
Suanon ni nasida ma akka hau anggur jala inumon ni nasida ma i.+
Bahenon ni nasida ma akka ladang jala allangon ni nasida ma hasilna.’+
15 ‘Pasombuonku ma nasida maringanan* di luat ni nasida,
Jala dang na lao usirokku* be nasida sian i,
Sian luat na hulehon tu nasida,’+ ninna Jahowa Debatamuna i.”
Lapatanna, “Gabe Boban” manang “Mamboan Boban”.
As. “Ala nungnga tolu hali gariada opat hali”.
As. “Ai didege-dege nasida do halak Gilead mamakke papan pardegean na sian bosi”.
As. “Ala nungnga tolu hali gariada opat hali”.
As. “Ala nungnga tolu hali gariada opat hali”.
As. “Ala nungnga tolu hali gariada opat hali”.
As. “Ala nungnga tolu hali gariada opat hali”.
As. “Ala nungnga tolu hali gariada opat hali”.
As. “hakim”.
As. “Ala nungnga tolu hali gariada opat hali”.
Manang “tudu-tudu”.
As. “Ala nungnga tolu hali gariada opat hali”.
Ida di Kamus.
Jenis ni hau na massai balga. Di bahasa Inggris digoari “hau ek”.
Ida di Kamus.
Lapatanna, “Halak na Dipapulik”.
Manang “na togu rohana”.
Manang boi do “molo so adong umpan di bagasan jorat i”.
Ida di Kamus.
Manang “na sian Damaskus”.
Manang “Sebaot”, lapatanna pamimpin ni akka suru-suruan na di banua ginjang.
Manang boi do “na godang i”.
Manang “tuanmuna”.
Manang “jala mangalo ma hamu”.
Manang “belalang”.
Ida di Kamus.
Manang “Sebaot”, lapatanna pamimpin ni akka suru-suruan na di banua ginjang.
Manang boi do “Gabe inganan na jorbut nama”.
Manang “Gabe hira suan-suanan na paet ma i”.
On goar ni punguan ni akka bintang. Molo diida sian tano on, boi do i gabe songon bentuk ni binatang manang na asing.
Manang “manggarar pajak ni tano”.
Manang “Sebaot”, lapatanna pamimpin ni akka suru-suruan na di banua ginjang.
Ida di Kamus.
Olo do ra na nidokna dison, i ma planet Saturnus na disomba.
Olo do ra na nidokna dison harajaon ni Juda dohot Israel.
Manang “jagal ni lombu na poso”.
Manang “huhut mamakke alat musik na martali”.
As. “laos so dihilala hamu do na haccit alani”.
Manang “Sebaot”, lapatanna pamimpin ni akka suru-suruan na di banua ginjang.
As. “sian haha anggi ni bapak”.
Manang “songon suan-suanan na paet”.
As. “tandukta”. Ida “Tanduk” di Kamus.
Manang “dalan na lao tu Hamat”.
Manang “wadi”. Ida di Kamus.
Manang “belalang”.
Masa saleleng bulan Januari sahat tu Februari.
As. “hehe”.
As. “hehe”.
Alat na dipakke lao mamboto tigor do manang na dang sada bangunan.
As. “inganan na timbo”. Ida di Kamus.
As. “roti”.
Ida di Kamus.
Manang “manderes”.
Manang “panuhatan epa”. Ida Lampiran B14.
Manang “Jala hupabalga hami batu timbangan sekel”. Ida Lampiran B14.
Manang “pangisi ni tano on”.
Manang “inganan parbissar ni mataniari”.
Manang “Syeol”. Ida di Kamus.
Manang “manjama tano on”.
Manang “kemah”.
As. “Jala malala ma”.
As. “Suanokku ma nasida”.
As. “uppatokku”.