MIKA
1 Dipasahat Jahowa ma hatana tu si Mika*+ na sian huta Moreset taringot Samaria dohot Jerusalem. Dipasahat Ibana do hatana i tu si Mika tikki mamaretta si Jotam,+ si Ahas,+ dohot si Hiskia,+ i ma akka raja ni Juda.+ Songon on ma parnidaan na dapot ni si Mika,
2 “Hamu sude bangso, tangihon hamu ma!
Ale tano on dohot sude na mangolu disi, parrohahon hamu ma,
Jahowa Tuan Natumimbul i ma na manguhumi hamu.+
Jahowa na di bagas joro na badia i ma na mambahen songon i tu hamu.
3 Ida ma! Nungnga ro Jahowa sian ingananna.
Na lao ro ma Ibana jala dege-degeonna ma akka inganan na timbo* na adong di tano on.
4 Gabe malala ma akka dolok na di toru ni patna i,+
Gabe mabola ma akka rura
Dos songon lilin na malala alani api,
Jala dos songon aek na use sian dolok-dolok.
5 Masa pe on sude, ala mangalo do si Jakkob,
Ala mardosa do halak Israel.+
Boasa haroa mangalo si Jakkob?
Dang na alani halak Samaria?+
Ise do na ikkon martanggung jawab tu akka inganan panombaon* na di Juda?+
Dang na halak Jerusalem?
6 Bahenokku ma maruppak kota Samaria,
Jala gabe porlak anggur ma i.
Sappattonokku ma akka batuna tu rura,
Jala bongkarokku ma fondasina.
7 Na lao diropukkon do sude patungna i,+
Gabe pelacur do ibana jala dapotna do upa* sian i, alai na lao ditutung do upana i.+
Hancurhonokku do sude patungna i.
Dipapungu ibana do upa tikki gabe pelacur ibana,
Alai na lao dibahen do i gabe upa ni pelacur na asing.”
8 Alani i tangis ma au jala mangandungi,+
Mardalan ma au holan mamakke pakkean dalam jala dang marsolop.+
Gabe mangangguki ma au sappe songon soara ni anjing hutan na marauang,
Jala mangandungi ma au sappe songon soara ni burung unta.
Jala nungnga sahat i tu gerbang ni bangsokku na di Jerusalem.+
10 “Unang pola paboa i di Gat.
Unang pola tangis hamu.
Alai marguling-guling ma hamu di atas ni abu na di Bet-leapara.*
11 Ale pangisi ni huta* Sapir, menyeberang ma hamu huhut salang-salang asa maila hamu.
Dang ro dope pangisi ni huta* Jaanan.
Najolo inganan parlinggoman do di hamu huta Bet-hejel, alai saonari holan soara ni na mangandungi nama tarbege disi.
12 Dipaima-ima pangisi ni huta* Marot do na denggan,
Alai na roa do na diparo Jahowa tu gerbang ni Jerusalem.
13 Ale pangisi ni huta* Lakis,+ pasang ma hoda tu karetam.
Ai nungnga mardosa boru Sion alani hamu,
Mangalo do hamu dos songon halak Israel.+
14 Lehononmuna ma hadiah tu Moreset-gat tikki naeng lao ibana,
Jala gabe marsak do akka raja ni Israel alani pangisi ni huta* Aksib.+
15 Ale pangisi ni huta* Maresa,+ suruokku nama sahalak pangarampok ro tu hamu.+
Dung i sahat ma hasangapon ni Israel tu Adullam.+
16 Alani akka anak na dihaholongi hamu, cukkur hamu ma obukmuna sappe botak.
Bahen hamu ma botak ulumuna songon ulu ni lali.
Ai nungnga dibuat musu akka gellengmuna sian hamu jala dibahen gabe tawanan.”+
2 “Marjea ma akka halak na marsakkap na jahat,
Na mambahen rencana na jahat di podomanna!
Tikki dapot manogot, diulahon nasida do sakkapna na jahat i,
Ai boi do nasida mangulahon i.+
2 Molo lomo roha ni nasida tu sada ladang, buaton ni nasida do i.+
Molo lomo rohana tu sada jabu, buaton ni nasida do i.
Manipu do nasida lao mambuat jabu ni halak na asing+
Dohot lao mambuat tano parbagianan ni halak.
3 Alani i ma didok Jahowa songon on,
‘Nungnga hurencanahon lao mambahen jea+ tu hamu jala dang boi hamu malua sian i.+
Dang boi be ginjang rohamuna,+ ai na lao masa do jea tu hamu.+
4 Di tikki i hataan ni halak ma hamu,
Mangandungi ma nasida alani na masa tu hamu.+
Dokkonon ni nasida ma, “Nungnga suda be sude!+
Nungnga dilehon Debata be tano parbagianatta tu halak na asing. Nungnga habis be sude artatta.+
Nungnga dilehon tano parbagianatta tu bangso na so manomba Ibana.”
5 Alani i dang adong be na lao manarik tali,
Lao mangukkur tano ni bangso ni Jahowa jala mambagi-bagi i.
6 “Sotung ditaringoti hamu be i!” ninna nasida do,
“Dang boi be dokkononmuna taringot i.
Dang na lao dipaila hita!”
7 Ale pinoppar ni si Jakkob, boasa didokkon hamu,
“Na so sabar be Jahowa?
Ibana do na mambahen sudena on?”
Hape parohon laba do hatakku tu halak na mangulahon na sittong.
8 Alai di pudian ni ari, gabe mangalo do bangsokki tu Au.
Dirampok nasida do perhiasan dohot* pakkean ni halak na mamolus,
Hape sonang do roha ni halak na mamolus i tikki mardalan, hira halak na mulak sian parporangan.
9 Dipalao hamu do akka borua na adong di tonga-tonga ni bangsokki sian jabu ni nasida na bagak.
Hulehon do akka na denggan tu gelleng ni nasida, alai dibuat hamu do i jala dang dipaulak hamu.
10 Hehe ma ho jala lao ma ho, dang inganan lao istirahat on.
Ai nungnga ramun* inganan on.+
Alani i, na lao dihancurhon nama on sude.+
11 Molo adong halak na mangulahon na so marguna, na manipu jala na mandok gabus sisongon on,
“Paboaokku nama tu hamu taringot anggur dohot siinumon na maralkohol,”
Halak sisongon i do na cocok gabe panurirang ni bangso on!+
12 Ale pinoppar ni si Jakkob, pasti papunguokku do hamu sude.
Pasti papunguokku do halak Israel na mangolu dope.+
Pasadaokku ma nasida dos songon biru-biru na dipapungu di kandang,
Songon binatang na di panjappalan,+
Gabe gok ma halak di luat i.’+
13 Mardalan ma halak na mambukka dalan di jolo ni nasida.
Jala mardalan ma nasida kaluar sian gerbang.+
Mardalan ma raja ni nasida di jolo ni nasida,
Jala Jahowa do pamimpin ni nasida.”+
3 Hudok ma, “Tangihon hamu ma on, ale hamu pangituai* ni pinoppar ni si Jakkob,
Dohot hamu pamimpin ni pinoppar ni Israel.+
Ikkon botoonmuna do nian dia na tigor.
2 Hape dihasogohon hamu do na denggan+ jala dihaholongi hamu do na jahat.+
Dikuliti hamu do bangsokku jala diribak hamu do sibuk ni dagingna sian holi-holina.+
3 Diallang hamu do muse sibuk ni bangsokki+
Dikuliti hamu do nasida,
Diponggoli hamu do holi-holina, jala diropukkon hamu do i,+
Gabe dos ma holi-holina dohot sibukna i songon jagal na diloppa di hudon.
4 Tikki i, jou-jou ma nasida tu Jahowa mangido asa diurupi,
Alai dang alusanna nasida.
5 Dililuhon+ akka panurirang do bangsokki,
Didok nasida do adong dame+ molo dilehon sipanganon lao allangonna.+
Didok nasida do na lao masa porang molo so adong sipanganon na dilehon lao allangonna.
Alani i ma didok Jahowa songon on tu nasida,
6 ‘Dang mandapot parnidaan be hamu,+ makkolom nama sude dos songon tikki borngin.+
Holan na holom nama na adong, dang dapotmuna be parnidaan.
Bonom nama mataniari di akka panurirang,
Dang hea be idaon ni nasida na tiur.+
7 Gabe dipaila ma akka halak na boi mandapot parnidaan,+
Jala gabe marsak ma akka peramal.
Sude ma nasida manutup baba* ni nasida,
Ai dang dialusi Debata nasida.’”
8 Alai anggo au, gok do tondi parbadia ni Jahowa di au,
Asa boi au barani jala mangulahon na tigor,
Lao paboahon tu si Jakkob taringot hajahatonna jala paboahon tu Israel taringot dosana.
9 Tangihon hamu ma on, hamu akka pangituai ni pinoppar ni si Jakkob
Dohot hamu akka pamimpin ni pinoppar ni Israel,+
Magigi do hamu tu na tigor jala dipapeol hamu do akka na tigor.+
10 Dibunu hamu do halak na lao pajongjokkon Sion jala diulahon hamu do na so sittong+ lao pajongjokkon Jerusalem.
Didok nasida do marhaposan nasida tu Jahowa, didok do,
“Didongani Jahowa do hita,+
Dang na lao masa jea tu hita.”+
12 Alani pambahenanmuna,
Na lao dibajak ma Sion dos songon ladang
Jala gabe timbunan ni akka bangunan na maruppak ma Jerusalem,+
4 Di ari parpudi,*
Dibahen ma hot dolok inganan ni jabu ni Jahowa,+
Jala dibahen ma i untimbo sian pussu ni akka dolok,
Dibahen ma i untimbo sian akka dolok-dolok.
Jala tusi ma marroan akka bangso.+
2 Marroan do akka bangso jala didok do,
“Beta, nakkok ma hita tu dolok ni Jahowa,
Tu jabu ni Debata ni si Jakkob.+
Ajaranna ma hita taringot akka dalanna,
Jala taihutton ma akka dalanna i.”
Ai sian Sion do ro patik,*
Jala sian Jerusalem do ro hata ni Jahowa.
3 Ibana do hakim ni godang bangso,+
Jala Ibana do na patikkosson parsoalan ni akka bangso na gogo na adong di inganan na dao.
Dang buaton ni akka bangso be podang lao mangalo bangso na asing,
Jala dang marsiajar marporang be nasida.+
4 Ganup halak hundul* ma di toru ni hau anggurna be dohot di toru ni hau arana be,+
Dang adong be na mambahen nasida mabiar,+
Ai Jahowa Pamimpin ni Akka Tentara* i do na mandok i.
5 Sude bangso manomba* debatana be,
Alai anggo hita, Jahowa Debatanta+ do na tasomba* saleleng ni lelengna.
6 Didok Jahowa ma, “Di ari i,
Papunguokku ma bangso na mekkat-ekkat on,
Papunguokku ma bangso na marserak i,+
Jala papunguokku ma akka halak na hea huhukum.
7 Papunguokku ma akka halak na mangolu dope+ sian bangso na mekkat-ekkat on,
Hupalao do nasida najolo tu inganan na dao, alai bahenokku ma nasida gabe bangso na gogo.+
Jala Jahowa ma na gabe raja ni nasida di Dolok Sion
Mulai sian saonari sahat tu saleleng ni lelengna.
8 Alai anggo ho, menara ni biru-biru,
Dolok ni boru Sion,+
Na lao mulak do muse tu ho pamarettaon najolo i,+
I ma harajaon ni boru Jerusalem.+
9 Attong, boasa sai mangangguki ho?
Boasa sai haccitan ho songon borua na naeng partus?+
Na so adong be rajam?
Manang naung mate do akka penasehatmu?
10 Mangandungi jala mangangguki ma ho ale boru Sion,
Songon sahalak borua na naeng partus,
Alai saonari palaoonna ma ho sian kota i jala tading ma ho di luar ni kota i.
Lao ma ho sahat tu Babel,+
Jala disi ma ho dipalua.+
Disi ma ho tuhoron ni Jahowa muse sian tangan ni akka musu.+
11 Saonari, marpungu ma akka bangso mangalo ho.
Dokkonon ni nasida ma, ‘Lok ma dipaila Sion,
Jala taida ma songon dia ibana hancur.’
12 Alai dang diboto nasida sakkap ni Jahowa,
Dang diattusi nasida rencanana,*
Papunguonna ma nasida songon gandum na dipapungu tu inganan pardegean.
13 Ale boru Sion,+ hehe ma ho jala lao ma ho mardege gandum.
Ai paubaokku ma tandukmu gabe bosi,
Jala sisilonmu gabe tombaga.
Hancurhononmu ma godang bangso.+
Mamora do nasida ala manipu, alai buatonmu ma hamoraon ni nasida i jala lehononmu ma tu Jahowa.
Lehononmu ma arta ni nasida tu Tuan na sittong na marhuaso di saluhut tano on.”+
Dipukkul nasida do bohi+ ni hakim ni Israel mamakke tukkot.
Ho do nian kota na unggelleng sian marribu kota* na di Juda,
Alai sian ho do ro halak na lao gabe pamimpin ni halak Israel,+
Nungnga adong ibana sian najolo, sian tikki naung salpu.
3 Alani i pasahaton ni Debata ma nasida tu tangan ni musu
Sahat tu na partus borua i.
Jala mulak ma akka haha anggina na mangolu dope tu Israel.
4 Jongjong ma ibana jala marmahani biru-biru, mangasahon gogo ni Jahowa do ibana,+
Mangasahon goar ni Jahowa Debatana na sangap i.
Molo tung pe ro Asiria menyerang kotatta jala mandege-dege menaratta na marbenteng,+
Pillitotta do pitu parmahan, gariada ualu pamimpin sian tonga-tonga ni jolma lao mangalo ibana.
Tikki ro Asiria+ menyerang kotatta jala mandege-dege inganatta, ro ma pamimpin i paluahon hita.
7 Akka pinoppar ni si Jakkob na mangolu dope, lao tinggal ma di tonga-tonga ni akka bangso.
Dos ma nasida songon nambur na sian Jahowa,
Dos songon aek udan tu suan-suanan.
Dang tu jolma nasida marhaposan
Jala dang tu jolma nasida maima-ima.
8 Akka pinoppar ni si Jakkob na mangolu dope, lao tinggal ma di tonga-tonga ni akka bangso,
Di tonga-tonga ni godang bangso,
Dos ma nasida songon sada singa di tonga-tonga ni binatang buas na di tombak,
Songon anak ni singa* di tonga-tonga ni biru-biru.
Tikki lewat ibana, ditakkup ma mangsana jala diribak-ribak,
Dang adong na boi paluahon nasida.
9 Taluhononmu ma akka musum,
Jala pamateonmu ma nasida sude.”
10 Didok Jahowa ma, “Di tikki i,
Sappattonokku ma akka hodamuna jala hancurhonokku ma akka kareta hodamuna.
11 Hancurhonokku ma akka kotamuna,
Jala ruppakkonokku ma akka ingananmuna na marbenteng.
12 Hancurhonokku ma akka ilmu sihirmuna,
Asa unang adong be akka datu di tonga-tongamuna.+
13 Hancurhonokku ma akka patungmuna dohot akka tugu sisombaonmuna,
Dang boi be hamu marsomba tu akka na binahen ni tanganmuna.+
15 Muruk jala tarrimas ma Au,
Balosokku ma akka bangso na so mangoloi Au.”
6 Tangihon hamu ma hata ni Jahowa.
Ro ma hamu lao mambela parkaromuna di jolo ni akka dolok,
Lok ma dibege akka dolok-dolok na nidokmuna i.+
2 Ale dolok-dolok dohot fondasi ni tano na togu,+
Tangihon hamu ma parkaro ni Jahowa,
Ai adong parkaro ni Jahowa dohot naposona,
Adong parsoalanna dohot halak Israel,+
3 “Ale bangsokku, aha huroha hubahen tu ho?
Adong hulojai ho?+
Alusi ma Au.
4 Huboan do hamu kaluar sian Mesir,+
Sian ingananmuna tikki gabe hatoban,*+
Husuru do tu hamu si Musa, si Aron, dohot si Miryam.+
5 Ale bangsokku, ingot ma rencana ni si Balak raja ni Moab,+
Jala ingot ma alus ni si Bileam anak ni si Beor,+
Ingot ma na masa di Sitim+ sahat tu Gilgal,+
Asa diboto hamu na tigor do ulaon ni Jahowa.”
6 Aha ma na ikkon boanokku molo ro au tu jolo ni Jahowa?
Aha ma na ikkon boanokku molo ro au marsomba tu jolo ni Debata na di ginjang i?
Na ikkon boanokku do pelean situtungon?
Jala na ikkon boanokku do anak ni lombu na marumur sataon?+
7 Tung las ma roha ni Jahowa molo huboan marribu biru-biru jantan,
Jala huboan massai godang miak?+
Ikkon lehonokku do anakku siakkangan asa disalpuhon hasalaakku?
Manang ikkon pelehenokku do anakku sandiri asa disesa dosakku?+
8 Ale jolma, nungnga dipaboa Jahowa tu hamu akka na denggan.
Aha huroa na dipangido Ibana sian hamu?
9 Jou-jou do Jahowa tu penduduk ni kota,
Mabiar do akka halak na bisuk mambege goarna.*
Tangihon ma soara ni tukkot panguhuman jala parrohahon ma ise na lao mangulahon i.+
10 Adong dope di jabu ni halak na jahat arta na binuatna marhite cara na jahat?
Dipakke nasida dope panuhatan* na so sittong na huhagigihon i?
11 Boi ma dokkonon au sittong* molo hupakke timbangan na manipu?
Manang molo hupakke batu timbangan na manipu?+
12 Jotjot do halak na mora di kota i mangulahon na jahat,
Jala holan na margabus do pendudukna,+
Dila ni nasida pe jotjot do manipu.+
13 “Attukonku ma hamu sappe lukka,+
Jala tinggalhonokku ma hamu alani akka dosamuna.
14 Mangan do hamu alai dang butong,
Toktong do male hamu.+
Disippan hamu do akka barang, alai mago do i,
Molo tung pe adong na boi disippan hamu, hancurhonokku do i mamakke podang.
15 Manabur boni do hamu, alai dang panenonmuna i.
Didege-dege hamu do parbue ni jetun, alai dang pakkeonmuna miakna,
Mambahen anggur na baru do hamu, alai dang inumonmuna i.+
16 Ai diihutton hamu do paretta ni si Omri jala ditiru hamu do pangalaho ni keluarga ni si Ahab,+
Diihutton hamu do hata ni nasida.
Alani i bahenokku ma halak mabiar mangida na masa tu hamu
Dileai+ akka halak ma* penduduk ni kotamuna,
Jala direhei akka bangso na asing ma hamu.”+
7 Marjea ma au! Ai nungnga dos au songon halak na male,
Na so dapotan parbue ni hau anggur
Dohot parbue ni hau ara na huhalomohon,
Hape nungnga sae dipapungu parbue ni hau di musim panas,
Dohot sisa ni parbue ni hau anggur.
2 Nungnga mate be sude halak na setia di tano on,
Dang adong be halak na tigor marroha di tonga-tonga ni jolma.+
Sude do jolma monggop-onggop lao mambunu.+
Sude do nasida mambahen jaring lao manjorat donganna.
3 Na maloan do nasida mangulahon na jahat,+
Massai godang do pangidoan ni pamimpin ni nasida,
Manjalo sogok do hakim ni nasida,+
Lomo-lomo ni pejabat do mambahen pangidoanna,+
Jala sahata do nasida sude.
4 Na dumenggan sian nasida dos songon suga-suga,
Jala halak na tigor marroha na adong di nasida pe, umhaccit do pambahenanna sian ramba* na marsuga.
Na lao ro ma ari panguhuman naung dipaboa ni akka panjaga ni nasida.+
Gaor+ nama nasida sude.
5 Unang porsea hamu tu donganmuna
Unang pos rohamuna tu ale-alemuna.+
Manat ma hamu makkatai tu halak na modom di abinganmuna.
6 Ai leas ma roha ni sahalak anak tu bapakna,
Sahalak borua mangalo omakna,+
Sahalak parumaen mangalo simatuana boru,+
Musu ni sasahalak i ma donganna sajabu.+
7 Alai anggo au maima-ima do au tu Jahowa.+
Sabar do au paima-imahon Debata sipalua au.+
Tangihonon ni Debatakku do au.+
8 Ale musukku, unang ma las roham mangida au susa.
Nang pe madabu au, na lao hehe do au muse,
Nang pe tinggal au di na holom, bahenon ni Jahowa do na tiur tu au.
9 Nungnga rade be au manaon rimas ni Jahowa
Ai nungnga mardosa au tu Ibana+
Alai ujungna belaonna do au jala bahenonna do na tigor tu au.
Boanonna do au kaluar tu inganan na tiur,
Jala idaokku ma bahenonna akka na tigor.
10 Idaon ni akka musukku ma i,
Jala maila ma nasida, ai didok nasida do najolo:
“Didia do Jahowa Debatami?”+
Na lao didege-dege ma nasida songon gambo di dalan.
Jala idaokku sandiri do i.
11 Di ari tikki dipajongjong hamu tembok na sian batu,
Di ari i ma dipabidang hamu luatmuna.*
12 Di ari i ro ma nasida mandapotton ho
Sian Asiria dohot sian akka kota na di Mesir,
Sian Mesir sahat tu Sunge Euprat,
Sian laut tu laut, sian dolok tu dolok.+
13 Gabe tarulang ma luat i alani akka pendudukna,
Songon i ma na masa alani pangalaho ni nasida.
14 Parmahani ma bangsomi mamakke tukkotmu, ai biru-biru appunam do nasida,+
Tinggal do nasida pulik di tombak, di tonga-tonga ni porlak.
Paloas ma nasida mangan di Basan dohot di Gilead+ songon najolo.
15 “Patuduhonokku ma akka ulaon na palongang roha tu nasida,+
Dos songon na hubahen tikki kaluar nasida sian Mesir.
16 Idaon ni akka bangso ma i jala nang pe gogo+ nasida gabe maila ma nasida.
Tutupon ni nasida ma pamangan ni nasida mamakke tangan ni nasida,
Jala gabe nengel ma pinggol ni nasida.
17 Gabe songon ulok ma nasida na mandilati orbuk,+
Songon binatang na mangissir di tano on na hitir-hitir kaluar sian bentengna.
Hitir-hitir ma nasida ro tu Jahowa Debatanta,
Gabe dihabiari nasida ma Ibana.”+
18 Dang adong Debata na songon Ho,
Ai disalpuhon Ho do hasalaan ni bangsom na mangolu i dope+ jala disesa Ho do dosa ni nasida.+
19 Asi do muse roham tu hami,+ didege-dege Ho do hasalaannami.
Jala disappatton Ho do sude dosanami tu laut na bagas.+
20 Dipasaut Ho do sude janjim tu si Jakkob,
Jala dipatuduhon Ho do holongmu* tu si Abraham,
Laos songon i do bahenonmu tu hami, ai songon i do janjim tu akka ompunami najolo.+
Singkatan sian Mikhael (lapatanna, “Ise do na Songon Debata?”) manang Mikaya (lapatanna, “Ise do na Songon Jahowa?”)
Ida di Kamus.
As. “inganan na timbo”. Ida di Kamus.
Manang “hadiah”.
Manang “di jabu na di Leapara”.
As. “Ale akka borua na tinggal di”.
As. “Ale akka borua na tinggal di”.
As. “Dipaima-ima akka borua na tinggal di”.
As. “Ale akka borua na tinggal di”.
As. “alani jabu na di”.
As. “Ale akka borua na tinggal di”.
Manang boi do “sian”.
Ida di Kamus.
Ida di Kamus.
Manang “kumis”.
Manang “perak”.
Manang “jabu ni Debata”.
Manang “Di ujung ni akka ari”.
Manang “tudu-tudu”.
Manang “hujur”.
Manang “maringanan”.
Manang “Sebaot”, lapatanna pamimpin ni akka suru-suruan na di banua ginjang.
As. “Sude bangso mardalan mangihutton goar ni”.
As. “mardalan mangihutton goar ni Jahowa Debatanta”.
Manang “podana”.
Manang “keluarga”.
Manang “singa na poso”.
Ida di Kamus.
As. “Sian jabu ni akka hatoban”.
Manang “adil ma hamu”.
As. “haholongi ma holong na manoktong”. Ida “Holong na manoktong” di Kamus.
Manang “marserep ni roha mardalan rap dohot”.
As. “goarmu”.
Manang “panuhatan epa”. Ida Lampiran B14.
Manang “au dang marsala”.
As. “Marsiul ma akka halak tu”.
Manang “pagar”.
Manang boi do “dipaboa hamu paretta i sahat tu luat na dao”.
Manang “holong na manoktong”. Ida di Kamus.
Manang “holong na manoktong”. Ida di Kamus.