Isi ni Bibel

Ditompa Jahowa si Adam dohot si Hawa asa mangolu di Paradeiso. Didok Sibolis hata na so tutu tu Debata ala ganggu rohana tu hak ni Debata mamarenta. Si Adam dohot si Hawa, mangihuthon Sibolis mangalo tu Debata gabe parohon dosa dohot hamatean tu nasida dohot sude pinomparna

Diuhum Jahowa ma angka na mangalo tu Ibana, jala dijanjihon Sipalua, laho mangalisathon ulu ni Sibolis, jala pasohothon hasusaan alani dosa

Dijanjihon Debata tu si Abraham dohot tu si Daud nasida gabe ompu ni Pinompar i, manang Messias, na mamarenta gabe Raja salelenglelengna

Dilehon Jahowa parbinotoan tu angka panurirang na paboahon Messias i do, mangalehon dalan haluaon sian dosa dohot hamatean. Jesus dohot 144.000 gabe Raja di Harajaon ni Debata, na pasohothon porang, sahit dohot hamatean

Disuru Jahowa Jesus tu tano on gabe Messias. Dibaritahon Jesus Harajaon ni Debata jala dilehon ngoluna gabe pelean. Dung i, dipahehe Jahowa ibana mardaging tondi

Dipajongjong Jahowa Jesus di surgo gabe raja, on ma tanda ni ariari parpudi. Didongani Jesus angka siihuthon ibana di portibi on, tingki mamaritahon Harajaon ni Debata

Didongani Jahowa AnakNa pasauthon HarajaonNa di tano on. Ropukhonon ni Harajaon on ma sude pamarentaon na jahat, dipasaut Paradeiso, jala dilehon hangoluan na manongtong tu jolma na mangoloi Ibana. Hak ni Jahowa laho mamarenta dipatigor jala goarNa dipabadia salelenglelengna