“Sai Ro ma Harajaonmu”

Marjanji do Jahowa tu hita, ‘Satokkin nai dang adong be na tangis, na marsak, na marsahit, dohot na mate. Huapus nama ilu-ilu ni nasida. Jala lupa nama nasida tu sude naung salpu.’

Dibahen Jahowa do si Adam dohot si Hawa di Taman Eden. Sonang jala dame do ngolu ni nasida. Boi ma nasida margelleng jala manomba Jahowa. Memang, dang dioloi si Adam dohot si Hawa Jahowa. Alai dang hea muba tujuan ni Jahowa sian mulana. Nungnga taparsiajari di bukku on, sai saut do janji ni Jahowa. Alani i, marhite Harajaonna bahenon ni Jahowa ma pasu-pasu tu tano on, songon na dijanjihon ibana tu si Abraham.

Satokkin nai, dang adong be Sibolis dohot akka halak na jahat. Sude jolma manomba Jahowa. Dang adong be na marsahit dohot na mate. Sehat jala marlas ni roha ma hita ganup ari. Lao gabe paradeiso ma sude tano on. Dang adong be na kelaparan jala sude halak adong jabuna. Burju do sude halak disi, dang adong be na kejam. Dang mabiar be jolma tu binatang, jala binatang pe dang mabiar be tu jolma.

Las ma rohatta tikki mulak mangolu dibahen Jahowa halak naung mate. Boi ma hita pajuppang dohot si Abel, si Noak, si Abraham, si Sara, si Musa, si Rut, si Ester, dohot si Daud. Rap ma hita dohot nasida mambahen tano on gabe paradeiso. Godang do annon karejo na mambahen hita marlas ni roha.

Lomo do roha ni Jahowa asa dohot ho mangolu di paradeiso. Lam ditanda ho ma Jahowa marhite cara na so hea dope dibayakkon ho. Alani i, lam tapajonok ma diritta tu Jahowa ganup ari, sian saonari sahat tu saleleng ni lelengna!