Na Mambahen Hita Marlas ni Roha

1. Godang na mambahen las roha,

Ganup ari lam martamba.

Sian sude bangso marsada

Lao manomba Jahowa.

Marhite Hata ni Debata

Tadapot silas ni roha.

Molo sai tajaha Hatana

Togu haporseaotta.

Songon api na marsigorgor

Dang mittop las ni rohatta.

Nang pe adong sitaononta,

Sai urupan ni Jahowa.

2. Ida ma akka toppaanna

Langit, laut, nang tano on.

Sude akka na binahenna

Massai uli jala denggan.

Paboa ma tu akka jolma

Sude janji ni Debata.

Las rohatta mamaritahon

Taringot pasu-pasuna.

Songon mataniari bissar,

Ro nama las ni rohatta.

Di Harajaon ni Debata

Sude ma marlas ni roha.