PARSIAJARAN 10

Mangatur Soara

Poda 8:4, 7

NA INGKON DIULAHON: Atur ma gogo ni soaramuna, nada soaramuna, jala unang ma pahatophu manang palambathu. Tangkas ma paboa na tinuju ni hatorangan i.

CARA MANGULAHON:

Atur ma gogo ni soaramuna. Pagogo ma soaramuna tingki paboahon na tinuju ni hatoranganmuna dohot tingki manjujui nasida. Jala ulahon ma i tingki manjaha ayat na marisi sipasingot. Alai pananget ma soaramuna tingki paboahon pangkirimon manang biar ni roha dohot arsak ni roha.

Unang ma pajotjothu pagogohon soara asa unang gabe jut roha ni nasida. Jala unang gabe holan dirinta na diparrohahon ala palobihu caranta pasahathon bagianta.
Atur ma nada soaramuna. Molo cocok di ingananmuna, patimbo ma nada soaramuna tingki patuduhon semangat manang tingki paboahon taringot ukuran dohot jarak. Alai paturun ma nada soaramuna tingki patuduhon lungun ni roha manang arsak ni roha.
Atur ma asa unang pahatophu manang palambathu. Tingki patorangkon taringot las ni roha, boi do hamu hatop mangkatai. Alai tingki pasahathon hatorangan na ringkot, boi do lambat dibahen hamu.

Asa unang songgot roha ni na mambege, unang ma tompu pauba hamu soaramuna. Unang ma pahatophu mangkatai, asa boi hatoranganmuna i diantusi jala tangkas dibege nasida.