Tingki Mandele

Songon si Sallya na tading di Amerika Serikat. Tingki ro badai, habis do godang artana. Didok ibana, “Marsak situtu do huhilala jala didok rohangku ndang sanggup be ahu mangolu.”

Hasusaan na asing, i ma tingki mate halak na tahaholongi. Si Janice na tading di Australia mandok, “Tingki mate dua anakku, hancur hian ma huhilala ngolungku. Marsitutu do ahu nian asa boi sabar. Alai hudok do tu Debata: ‘Ndang sanggup be ahu mangadopi on! Tumagon ma ahu mate. Ndang lomo be rohangku mangolu.’”

Contoh na asing, i ma songon na dihilala si Daniel. Hancur hian do dihilala ibana ala ndang setia be istrina. Didok ibana, “Tingki didok istriku na so setia be ibana, songon na ditikkam piso ma huhilala. Alani i, gabe jotjot ma ahu marsahit.”

Di Joujou Paboahon on dipaboa do songon dia hita boi martahan tingki

• Masa bencana

• Mate halak na tahaholongi

• Ndang setia be dongan saripe

• Marsahit na posi

• Mandele

Na parjolo, songon dia hita boi martahan tingki masa bencana?