Ulangan Singkola Panghobasion Teokratis
Sungkunsungkun na di toru on diulas di Singkola Panghobasion Teokratis mulai minggu 29 Juni 2015. Tanggal andigan laho diulas dipaboa asa boi mangurupi hita tingki marsiajar laho paradehon alus ni angka na ringkot tu singkola ganup minggu.
Aha do na sala sian panghataion ni si Mikhal tu si Daud, aha do parsiajaran tu angka na marsaripe sian on? (2 Sam. 6:20-23) [11 Mei, w11 1/8 alm. 12 par. 1]
Songon dia do si Natan manjalo sipasingot sian Jahowa tingki didok ibana tu si Daud asa paulihon joro ni Jahowa? (2 Sam. 7:2, 3) [11 Mei, w12 15/2 alm. 24 par. 6-7]
Boasa ndang jalo dipaboa si Natan naung mangulahon dosa na balga si Daud alai ibana paboahon marhite tudostudos na tarsurat di 2 Samuel 12:1-7? Aha do parsiajaranna tu hita sian on? [18 Mei, w12 15/2 alm. 24 par. 2-3]
Boasa boi di paotooto si Absalom halak Israel, jala songon dia do hita boi pasidinghon diri sian angka ”si Absalom” di tingki on? (2 Sam. 15:6) [25 Mei, w12 15/7 alm. 13 par. 7]
Songon dia do Jahowa manggohi angka haporluan ni si Daud, jala aha na boi taparsiajari sian i? (2 Sam. 17:27-29) [1 Juni, w08 15/9 alm. 6 par. 15-16]
Aha do na boi taparsiajari sian si Daud tingki mangadopi halak sileban na margoar si Ittai? (2 Sam. 18:2) [1 Juni, w09 15/5 alm. 27 par. 7]
Aha do na boi diparsiajari angka donganta na matua sian si Barsilai? (2 Sam. 19:33-35) [8 Juni, w07 15/7 alm. 15 par. 1-2]
Songon dia do hata na didok ni si Daud taringot marsihohot, paposhon rohanta saonari on? (2 Sam. 22:26) [15 Juni, w10 1/6 alm. 26 par. 6-7]
Songon dia do si Natan patuduhon na marsihohot ibana tu Jahowa, jala songon dia hita boi maniru ibana? (1 Raj. 1:11-14) [22 Juni, w12 15/2 alm. 25 par. 1, 4-5]
Di angka parngoluan si songon dia do angka ruas ni Debata mangalului sidalian asa ndang mangulahon lomo ni roha ni Debata, songon si Salomo? (1 Raj. 3:1) [29 Juni, w11 15/12 alm. 10 par. 12-14]