Presentasi Sitiruon

Joujou Paboahon 1 September

”Hea do sungkunsungkun rohamu, boasa hami digoari Sitindangi Ni Jahowa? [Tangihon ma alusna.] Alusna adong di Bibel, disi ma dipaboa Debata ise goarNa. [Jaha Psalmen 83:19.] Ala Sitindangi Ni Jahowa do hami, las do rohanami paboahon barita na uli taringot Debata dohot janjiNa. Majalah Joujou Paboahon on mangalehon hatorangan na tangkas taringot ise hami.”

Barita na Uli Sian Debata!

”Haroronami tuson laho patuduhon tu hamu taringot sangkap ni Debata tu jolma tu ari na naeng ro. Hea do sungkunsungkun rohamuna, na laho paluaon ni Debata do hita sian parungkilon? [Tangihon ma alusna.] Buku on patuduhon alus ni sungkunsungkun i sian Bibel. [Lehon ma tu ibana buku i, jala jahahon ma paragraf 1 sian parsiajaran 1, laos jahahon ma Jeremia 29:11.] Sian ayat on, boi do dapot rohamuna na lomo do roha ni Debata asa denggan parngoluonta di ari na naeng ro? [Tangihon ma alusna.] Molo las do rohamuna manjaha, boi do tadingkononnami buku on. Di tingki na mangihut, hita boi mangulas paragraf paduahon asa taboto alus ni Bibel taringot sungkunsungkun, ’Songon dia do bahenon ni Debata laho paluahon hita sian angka na mambahen parungkilon?’”